گەنجێکی بەلجیکی تەمەن ٢٠ ساڵ دوای چەند سەعاتێک لە خواردنی ژەمێک مەعکەرۆنی کە لەگەڵ تەماتە دروستی کردبوو گیانی لەدەستدا.
پێگەی “سەن”ی بەریتانی ئاماژەی بەوەکردووە، گەنجەکە پێش پێنج ڕۆژ مەعکەرۆنییەکەی ئامادەکردووە و لە ساردکەرەوەدا بەجێی هێشتووە و دواتر خواردوویەتی.
ئەوەخراوەتەڕوو، گەنجەکە ڕاستەوخۆ دوای خواردنی ژەمە مەعکەرۆنییەکە ماڵەکەی بەمەبەستی ئەنجامدانی مەشقی وەرزشی جێهێشتووە و دوای نیو کاتژمێر بەهۆی ئەوەی هەست بەسەرئێشە و ئازارێکی توند لە سک و قوڕگیدا دەکات و دواتر لە نیوەشەودا تووشی سکچوون دەبێت.
پێگە بەریتانییەکە باسی لەوەکردووە، گەنجەکە هیچ دەرمانێکی وەرنەگرتووە و جگە لە ئاو هیچ شتێکی دیکەی نەخواردووەتەوە و پشکنینەکانیش کە لە دوای گیانلەدەستدانی بۆی کراوە دەریانخستووە کاتژمێر چواری بەرەبەیان مردووە ئەوەش بەهۆی ژەهراویبوونی ئەو خۆراکەی خوردوویەتی کە بەهۆی بەکتریای مۆمی باسیلۆس لە پاشماوەی ژەمە خۆراکەکەدا دۆزراوەتەوە.
