لە بۆسەیەکی تیرۆریستانی داعش لە دێرەزوور، زیاتر لە ٣٠ سەربازی سوری کوژران و برینداربوون.
روانگەی سوریا بۆ مافەکانی مرۆڤ بڵاویکردەوە، تیرۆریستانی داعش پەلامارێکیان بۆ سەر ئۆتۆمبێلێکی سەربازی لە بادیە مەیادین لە ریفی دێرەزووری خۆرھەڵات ئەنجامداوە، بەھۆیەوە ٢٣ سەرباز کوژراون و زیاتر لە ١٠ سەربازی دیکە برینداربوون.
پێشتر ئاژانسی ھەواڵی “سانا” بڵاویکردبووەوە، پەیامنێری کەناڵێک و دوو سەربازی سوپا، بەھۆی تەقینەوەی بۆمبێکی چێندراو لەرێگەی ریف دەرعا کوژراون.
تیرۆرستانی داعش ناسەقامگیری ئەو ناوچانە لە سوریا بەکاردەهێنن و هێرشەکانیان لەم دواییانەدا زیادیکردوە، و هێزە چەکدارەکانی ناوچەکەش لەسوپا و گروپە چەکدارەکان، هۆشداری لە جموجۆڵەکانی ئەو ڕێکخراوە تیرۆرستییە دەدەن.
