بۆ هەڵبژاردنی ئەنجومەنی پارێزگاکان، لەکەرکوک لایەنە کوردییەکان سەرقاڵی گفتوگۆن لەگەڵ یەکدی و ئەمڕۆش هاوپەیمانێتییەکی نوێ ڕاگەیەندرا.
كۆمەڵی دادگەریی و یەكگرتووی ئیسلامی هاوپەیمانێتییان بۆ هەڵبژاردنی پارێزگاكان لە كەركوك پێكهێنا، و بڕیاریاندا بەیەک لیست بەشداری هەڵبژاردنەکانی ئەنجومەنی پارێزگاکانی عێراق بکەن، ئەمەش دوای ئەوەدێت کە یەکێتی نیشتیمانی و حزبی شیوعی لەکەرکوک، هاوپەیمانێتییان پێکهێنا و یەکێتیش رایگەیاند، دەرگامان کراوەیە بۆسەرجەم حزبەکان و ئامادەی ڕێککەوتنین.
لەماوەکانی ڕابردوودا سەرجەم لایەنە کوردییەکانی کەرکوک، لەهەوڵی نزیکبونەوەدا بوون بۆئەوەی بەرەی کورد لەو شارە بەیەک لیست بەشداری هەڵبژاردنەکان بکەن، بەڵام لەم چەند ڕۆژەا دەرکەوت ئەو هەوڵانە شکستیان هێناوە، و کورد بە زیاتر لە لیستێک بەشداری دەکات، بەپێی بۆجوونی شارەزایان و سیاسییەکان، ئەم لێکترازانە لەکەرکەک و پارچەبوونی حزبەکان ، زیانی دەبێت بۆ دەنگەکانی ئەو پارێزگایە و داهاتووی کورد لەو شارەدا.
