ئێوارەی ئەمڕۆ لە ناوچەی سەیدە زەینەبی سنوری دیمەشقی سوریا بۆمبێكی چێندراو كە لەژێر ئۆتۆمبێلێك دانرابو تەقیەوە و كوژراو و برینداری لێكەوتەوە.
روانگەی سوریا بۆ مافەكانی مرۆڤ بڵاویكردەوە، بۆمبێك لەژێر ئۆتۆمبێلێكی تاكسی لەناوچەی زەیدە زەینەب دانرابو تەقیوەتەوە، لەئەنجامدا كەسێك كوژراوە و دو كەسی دیكەش برینداربون،
بەگوێرەی سەرچاوەكان، تاوەكو ئێستا هیچ لایەنێك بەرپرسیارێتی خۆی لەو تەقینەوەیە رانەگەیاندوە، هێزە ئەمنیەكانیش دەستبەجێ گەیشتونەتە شوێنی تەقینەوەكە و لێكۆڵینەوەیان لەوبارەیەوە دەستپێكردوە.
ئەوەش لەكاتێكدایە، لە 25ی (تەمموز/7)ی 2023 دەنگی تەقینەوەیەک لە دیمەشق بیسترا و دواتر دەركەوت تەقینەوەی ماتۆڕسکیلێکە لە نزیک پاسێک لە سنوری باخچەیەك لە ناوچەی سەیدە زەینەب، بەوهۆیەوە دو کەس برینداربون، جگە لە چەندین زیانی ماددی كە بەر ناوچەكە كەوت.
