کەرکوک حاڵەتێکی دیکەی تای خوێنبەربوون تۆمارکرا، ئەوەش دەبێتە پێنجەم حاڵەتی نەخۆشییەکە لە پارێزگای کەرکوک.
تووشبووەکە تەمەنی ٢١ ساڵە و لە رەگەزی نێرە، دانیشتووانی قەزای حەوجەیە و بەپێی ئەنجامی پشکنینەکەی کە لە وەزارەتی تەندروستیی عێراقەوە گەڕاوەتەوە، دەرکەوتووە تووشی نەخۆشییەکە بووە.
لەماوەکانی ڕابردودا چوار حاڵەتی تووشبوون بە تای خوێنبەربوون لەلایەن بەڕێوەبەرایەتیی تەندروستی کەرکوکەوە راگەیەندراوە، کە یەکێکیان گیانیلەدەستدا و سێ دانەشیان چاکبوونەوە.
ھەروەھا بە گشتی لە عێراق، تائێستا زیاتر لە ٤٢٠ کەس تووشی تای خوێنبەربوون بوون، ٥٦ کەسیان گیانیان لەدەستداوە.
