ئێمە لە تۆرە کۆمەڵایەتیەکان

کوردستان

پۆلیسی سلێمانی لەماوەی 10 ڕۆژدا 33 تۆمەتبار دەستگیر كراوە

خەڵك – بەشی هەواڵ
بەرێوەبەرایەتی پۆلیسی پارێزگای سلێمانی ئاماری روداو و چالاكییەكانی 10 ڕۆژی ڕابردووی خستەروو ، بە پێی ئامارەكەش لەو ماوەیەدا 33 تۆمەتبار بەتۆمەتی ئەنجامدانی تاوانی جۆراوجۆر لەلایەن هێزەكانی پۆلیسی پارێزگای سلێمانییەوە دەستگیركراون.

بەرێوەبەرایەتی پۆلیسی پارێزگای بڵاویكردەوە، ئەمرۆ پێنج شەممە 9ی ئابی 2018 نەقیب سەركەوت ئەحمەد، وتەبێژی پۆلیسی پارێزگای سلێمانی لەكۆنگرەیەكی رۆژنامەوانیدا ئاماری روداوەكانی بەرێوەبەرایەتی پۆلیسی پارێزگای سلێمانی لەرێكەوتی 31/7 تا 9/8 خستەروو، كە بەپێی ئامارەكە، لەو ماوەیەدا 33 تۆمەتبار لەلایەن هێزەكانەوە بەتۆمەتی ئەنجامدانی تاوانی جۆراوجۆر دەستگیركراون.

دەستگیركردنی 6 تۆمەتبار بەتۆمەتی ئەنجامدانی كاری ساختەكاریی.
دەستگیركردنی 2 تۆمەتبار بەتۆمەتی ئەنجامدانی دزیكردن لە 15 باخدا.
دەستگیركردنی 2 تۆمەتبار بەتۆمەتی دزینی پارە لەگەرەكی ئیبراهیم ئەحمەد.
دەستگیركردنی 11 لەتۆمەتبارەكانی تر بەتۆمەتی دزینی ماتۆر سكیل لەناوچە جیاجیاكانی شاری سلێمانی.
دەستگیركردنی باندێكی 3 كەسی هەڵخەڵەتاندنی هاوڵاتیان.
دەستگیركردنی تۆمەتبارێك بەتۆمەتی مامەڵەكردن بەدۆلاری ئەمریكی. دەستگیركردنی باندێكی 6 كەسی بەكارهێنەری مادەی هۆشبەر.
دەستگیركردنی 4 تۆمەتبار بەتۆمەتی ئەنجامدانی دزی جۆراوجۆر.
لەلایەن هێزی تایبەتی پۆلیسی سلێمانییەوە دەستبەسەر 7 ئۆتۆمبیل‌و 6 ماتۆرسكیل بێ سەرەتادا گیراوە.

 

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان