لە رووداوێکی هاتووچۆدا لە شاری سێواسی باکووری کوردستان چوار کەس گیانیان لەدەستدا کە سیانیان ئەندامی یەک خێزانن و کەسێکی دیکەش بەسەختی برینداربوو.
ئەمڕۆ شەممە، میدیا ناوخۆییەکانى تورکیا بڵاویانکردەوە لەسەر ڕێگای سێواس-ئەرزنجان ڕووداوێکی هاتووچۆ لەنێوان تاکسیەک و بارهەڵگرێکدا ڕوویداوە و چوار کەس گیانیان لەدەستداوە.
لەوبارەی ڕووداوەکەوە، یەڵماز شیمشەک پارێزگاری سێواس ڕایگەیاند، ئەو خێزانە بەمەبەستی وەرگرتنی پشوو ڕۆشتوونەتە شارى ئەنتاڵیا و دوێنێ گەڕاونەتەوە و بەیانی ئەمڕۆ کاتژمێر ٥:٣٠ خولەک تووشی ئەو ڕووداوە بوون.
ئاماژەی بەوەکرد، شۆفێری تەکسییەکە و سێ ئەندامی خێزانێک گیانیان لەدەستداوە و کەسێکی دیکەش بە سەختی برینداربووە.
