وەزارەتی گواستنەوە و گەیاندنی حكومەتی عێراقی ئاشكرای دەكات، هاوشێوەی نرخی كارتی مۆبایل، نرخی ئینتەرنێتیش دەبێت بەڕێژەەی 20% كەم بكرێتەوە.
ڕۆژنامەی (الصباح)ی عێراقی بڵاویكردەوە، وەزارەتی گواستنەوە و گەیاندن ڕاگەیاندووە، كە نرخی خزمەتگوزاری ئینتەرنێتیش بەڕێژەی 20% كەم دەكرێتەوە و ئەمە بڕیاری ئەنجوومەنی وەزیرانە.
ڕاشیگەیاندووە، “داوا لە سەرجەم كۆمپانیاكانی دابینكردنی ئینتەرنێت دەكەین پابەند بن و نرخەكانیان كەم بكەنەوە، ئەوەی سەرپێچی بكات ڕووبەڕووی یاسا دەكرێتەوە”.
لە هەفتەی ڕابردوودا ئەنجوومەنی وەزیرانی عێراق پڕۆژەیەكی وەزیری گواستنەوە و گەیاندنی بۆ لابردنی باجی 20%ی سەر خزمەتگوزاری كۆمپانیاكانی مۆبایل و ئینتەرنێت پەسەەند كرد و لە ڕۆژیی پێنج شەممە 1-12-2022 كەوتە بواری جێبەجێ كردنەوە.
بەپێی بڕیارەكە، كارتی 5 هەزاری بە پێنج هەزار دینار و 10 هەزاری بە 10 هەزار دینار و بەو جۆرە بۆ نرخی كارتەكانی دیكەش.
