ئەمساڵ زیاتر لە هەزار و ٤٠٠ حاجی لە سلێمانییەوە دەچنە سعودیە، بۆ ئەنجامدانی حەج.
لە کۆنگرەیەکی ڕۆژنامەنووسیدا کامەران عەلی، بەڕێوەبەری حەج و عومرەی سلێمانی ڕایگەیاند، ئەمساڵ لە سلێمانیەوە هەزار و ٤١٨ کەس دەچنە وڵاتی سعودیە، بۆ ئەنجامدانی حەج.
ئەمڕۆ لە کۆبوونەوەیەکی حاجیان لە بەڕێوەبەری حەج و عەمرە کۆمەڵێک زانیاری لەبارەی چۆنیەتی ئەنجامدانی حەج، زانیاری و ئاگاداربوون بەو کەسانە درا کە دەچنە حەج.
بەڕێوەبەری حەج و عومرە ڕایگەیاند، لە ٣٠ی پێنج بۆ یەکی شەش یەکەم کاروانی حاجیان بۆ سعودیە بەڕێدەکەوێت، کە ١٥ کاروان لە ڕێی وشکانی دەبێت، ئەوەی دیکەش لە ڕێگای ئاسمانی.
