بەپێی پێشبینییە كەشناسییەكان، بارستە هەوایەكی گەرم ناوچەكانی هەرێم دەگرێتەوە و لە چەند ناوچەیەك تاوە باران و هەورە تریشقە دەبێت.
ئاراس جەبار، شارەزای كەشناسی بۆ (خەڵك) ڕایگەیاند، لە ئەنجامی کاریگەری بارستە ھەوایەکی گەرم و بەرزی رادەی شێ ئاسمانی ھەرێم بە زۆری دەگۆرێت بۆ نیمچە ھەوری مامناوەند و بەرز و لەناوچە شاخاویە سنوریەکانی پارێزگای دھۆک و ھەولێر لەکاتەکانی دوای نیوەڕۆ ئەگەری ھەورە بروسکە و تاوە بارانی کورت خایان ئەبێت
ڕاشیگەیاند، لەئەنجامی ھاتنی ئەو بارستە هەوا گەرمە لە باکوری ئەفریقاوە لە سبەینێ سێ شەممەوە تا کۆتای ئەم ھەفتە پلەکانی گەرما بەرێژەیەکی زیاتر بەرزدەبنەوە، كە 2 بۆ 3 پلە دەبێت.
ئاماژەی بەوەشكرد، ھەر لەگەڵ کاریگەری ئەم بارستە ھەوایەدا بڕێک شێ دەگاتەوە ناوچەکانمان ئەگەر ھەیە لە ڕۆژانی ٢٤ و ٢٥ی مانگ بارانێکی کەم لەھەندێ ناوچەدا بەتایبەت ناوچە شاخاویەکان ببارێتەوە.
وتیشی، “لە کۆتای ئەم مانگەش ئەگەری حاڵەتێکی دیکەی بارانبارین و ھەورە تریشقە ھەیە، بەڵام جێگیر نیە”.
