بە مەبەستی بەشداریکردن لە مەراسیمی کردنەوەی مۆزەخانەی نیشتیمانی بارزانی سەرۆکوەزیرانی عێراق گەیشتە هەولێری پایتەختی هەرێمی کوردستان.
محەمەد شیاع سودانی کەمێک پێش ئێستا گەیشتە فڕۆکەخانەی نێودەوڵەتی هەولێر و لەلایەن وەزیری ناوخۆ و پارێزگاری هەولێر و سەرۆکی دیوانی سەرۆکایەتی هەرێمی کوردستان و وتەبێژی سەرۆکایەتی هەرێمی کوردستان پێشوازی لێکرا.
سەرۆکوەزیرانی عێراق راستەوخۆ دوای گەیشتنی بە فڕۆکەخانەی هەولێر، بە هێلیکۆپتەری تایبەت گەیشتە بارزان .
ئەمڕۆ پێنجشەممە ١١ـی ئایاری ٢٠٢٣، هەریەک لە سەرۆکوەزیران و سەرۆک کۆماری عێراق بۆ بەشداریکردن لە مەراسیمی کردنەوەی مۆزەخانەی نیشتیمانی بارزانی گەیشتنە شاری هەولێر.
هاوکات چەندین دیپلۆماتکار و کەسایەتی سیاسیی ناوخۆ و بیانی بەشداری لە مەراسیمی کردنەوەی مۆزەخانەی نیشتیمانی بارزانی دەکەن.
