![](https://xelk.org/wp-content/uploads/2024/03/awincity2.png)
یەكێتی سەندیكاكانی كرێكارانی كوردستان داوای جێبەجێكردنی یاسا بەركارەكانی تایبەت بە مافی كرێكاران دەكەن وداواش دەكەن ، كە كرێی كاتژمێرەكانی كاركردنی كرێكاران و مووچەی خانەنشینان زیاد بكرێت.
مەكتەبی تەنفیزی یەكێتی سەندیكاكانی كرێكارانی كوردستان، بەبۆنەی رۆژی 1ی ئایاری 2023 جیهانی كرێكاران پەیامێكی بڵاوكردەوە و داوا لەلایەنی پەیوەندیدارەكان دەكەن، كار بۆ جێبەجێكردنی هەرسێ یاسا بەركارەكانی خانەنشینی و دەستەبەری كۆمەڵایەتی، یاسای كار و یاسای رێكخستنی سەندیكایی بكەن.
داواشدەكەن، كە كرێی كاتژمێرەكانی كاركردنی كرێكاران و مووچەی خانەنشینان زیادبكرێت، ناوەندێكی نیشتمانی تەندروستی و سەلامەتی پیشەیی بۆ كرێكاران بكرێتەوە و بیمەی تەندروستی بۆیان دەستەبەر بكرێت و بە بەردەوامی خولی هۆشاركردنەوە بۆیان بكرێتەوە و گرنگی زیاتر بە راهێنانی پیشەیی بۆ كرێكاران بدرێت.
لە ڕاگەیەنراوەكەدا هاتووە، هێنانی دەستی كاری بیانی رابگیرێت، تەنیا لەو بوارانەدا نەبێت، كە پسپۆڕێتییەكەیان لە هەرێمی كوردستان نەبێت و دۆخی بازاڕ كۆنترۆڵبكرێت، بۆ ئەوەی نرخەكان لە ئاست داهات و بژێوی خەڵكی كەمدەرامەت بێت.