وەزیری دارایی و ئابوری و پەروەردە کۆبوونەوە و بڕیاریاندا لیژنەیەکی هاوبەش بۆ پرسی دامەزراندنی وانەبێژان پێکبهێندرێت و دوای ئامادەکردنی راپۆرتێکیش، ئەنجومەنی وەزیران بڕیاری کۆتایی لەبارەی ئەو پرسەوە دەدات.
وەزارەتی و دارایی و ئابوری بڵاویکردووەتەوە، ئەمڕۆ دووشەممە، ئاوات جەناب وەزیری دارایی و ئابوری سەردانی ئالان حەمەسەعید وەزیری پەروەردەی کرد و پرسی وانەبێژان و گرفتەکانی کەرتی پەروەردەیان تاوتوێ کرد.
لە راگەیەندراوەکەدا هاتووە لە کۆبوونەوەکەدا گفتوگۆ لەسەر ئەم خاڵانەی خوارەوە کرا:
١- پرسی مامۆستایانی وانەبێژی دانەمەزراو، کە تیمی هەردوو وەزارەت کۆنوسی خۆیان لەوبارەیەوە دەنوسنەوە
٢- پرسی دروستکردنی یەکەیەکی ژمێریاری بۆ بەڕێوەبەرایەتی دڵنیاجۆریی و سەرپەرشتی پەروەردەیی بەمەبەستی کارئاسانی و سەربەخۆبوونی کاری سەرپەرشتیارانی پەروەردەیی.
٣- پرسی دەرماڵەی هاندانی مامۆستایانی ڕاهێنەری پەروەردەیی.
٤- پرسی بودجەی تاقیکردنەوە گشتییەکانی نیشتیمانی و وەزاری.
