موقتەدا سەدر، سەرۆکی رەوتی سەدر داوای كۆتاییهێنان بە دەستدرێژییەکانی ئیسرائیلی لە فەڵەستین كرد.
موقتەدا سەدر لە تویتێكدا کە لە هەژماری تایبەتی خۆی لەتۆڕی كۆمەڵایەتیی تویتەر نووسیویەتی: “دوای ئەوەی خۆپیشاندان لە بەشێک لە شارەكانی ئیسرائیل لە دژی سیاسەت و سەركردەكانی ئیسرائیل ئەنجامدرا، شەرخوازییەكانی نه‌تانیاهو زیادی كرد و وایكرد یاری بە هەستیارییەكان بكات، لەئەنجامیشدا توندوتیژی لە قودسی پیرۆز و ئەقسا زیادی كرد”.
سەدر ئاماژەی بەوەشکردووە کە پێویستە سنوورێک بۆ زنجیرە دەستدرێژییە تیرۆرستییەكانی ئیسرائیل بۆ سەر پیرۆزییە ئاینییەكانی فەڵەستین دابنرێت.
رێبەرەکەی سەدر ئەوەشی نووسیوە: “یەكەم چارەسەر ئەوەیە كە وڵاتانی عەرەبی و ئیسلامی بەپەلە باڵیۆزخانەكانی ئیسرائیل لەو وڵاتانەدا دابخەن كە باڵیۆزخانەی ئیسرائیلی تێدایە، ئەگەر ئەمە سەركەوتوو نەبێت، ئەوا پێویستە هەڵوێستێكی جددیی دیكە هەبێت”.
