نێردەی تایبەتی سكرتێری گشتیی نەتەوەیەكگرتووەكان رایدەگەیەنێت، هەرێمی كوردستان دەستكەوتی زۆرباشی بەدەستهێناوە و پێویستە پارێزگاری لێبكات و جگەلەوەش رێككەوتنی هەرێم و بەغداد لەبارەی بودجەوە چارەسەرێكی كاتییە و پێنەدانی مووچەش بە مووچەخۆران و خانەنشینان مایەی قبووڵكردن نییە”.
جێنین پلاسخارت نێردەی تایبەتی سكرتێری گشتیی نەتەوەیەكگرتووەكان لەبەرنامەیەکی تەلەفزیۆنیدا رایگەیاند، سەقامگیریی هەولێر و بەغداد لە بەرژەوەندیی هەمووانە و پێویستە هەرێم لەناوخۆدا یەكگرتووبێت و نابێت خەڵكی هەرێمی كوردستان سزابدرێن و پێویستە چارەسەری درێژخایەن بۆ كێشەكانی هەولێر و بەغداد بدۆزرێتەوە.
وتیشی، “كێشەكانی بودجە چارەسەرنەكرێت دۆخەكە بەم شێوەیە ناڕوات و هەمووان چاوەڕێی ئەوەین هەناردەی نەوتی هەرێمی كوردستان دەستپێبكاتەوە”.
له باره‌ی ئەنجامدانی ریفراندۆمیشەوە وتی: “دۆسته‌كانی عێراق و هه‌رێمی كوردستان وتیان كاتی ریفراندۆم گونجاو نییه”.
