ئێمە لە تۆرە کۆمەڵایەتیەکان

عێراق

دوو حاجی تر لە سعودیە كۆچی دواییان كرد

خەڵك- بەشی هەواڵ
نێردەی حەجی عیراقی، گیان لەدەستدانی دوو حاجی تری لە شارەكانی مەككە و مەدینەی پیرۆز ڕادەگەیەنێت.

حەسەن فەهد كینانی، وتەبێژی نێردەی حەجی عیراقی لە بەیاننامەیەكدا ڕایگەیاندووە، “حاجییەكی پارێزگای بابل بە ناوی (یەحیا جابر كازم) لە دایكبووی 1954 ئەمڕۆ كۆچی دوایی كردووە و لەسەر داوای كەسوكاریی لە مەككەی پیرۆز بەخاك دەسپێردرێت”.

ڕاشیگەیاندووە، “حاجییەكی تری دانیشتووی پارێزگای سەڵاحەدین بە ناوی (ڕەبیع ڕەشید محەمەد) لەدایكبووی 1951 كۆچی دوایی كردووە و لەسەر داوای كەسوكارەكەی لە شاری مەدینەی پیرۆز بەخاك دەسپێردرێت”.

دوێنێ‌ یەك شەممە نێردەی حەجی عیراقی، گیان لەدەستدانی دوو حاجی لە پارێزگاكانی كەربەلا و كەركوك لە مەككەی پیرۆز، ڕاگەیاندبوو، هاوكات هەفتەی ڕابردوو یەكەم حاجی كورد-ی خەڵكی گەرمیان لە سعودیە كۆچی دوایی كردبوو.

عێراق

تەواوی حاجیانی عیراق و هەرێم گەیشتنە مەككەی پیرۆز

خەڵك- بەشی هەواڵ
نێردەی حەجی عیراقی لە سعودیە ئاشكرای دەكات، كە تەواوی حاجیانی عیراق (حاجیانی هەرێمی كودستان بەشێكە لێی) لە مەدینەوە گەیشتونەتە مەككە بۆ بەجێهێنانی عومرە.
حەسەن فەهد كنانی، وتەبێژی نێردەی حەجی عیراق لە بەیاننامەیەكدا ئاماژەی بەوەكردووە، سەرجەم حاجیانی عیراق، كە ژمارەیان 38 هەزار كەسە لە ئێستادا گەیشتونەتە مەككەی پیرۆز.

ئاشكراشی كردووە، لە ئێستادا حاجیان عومرەیان كردووە و خۆیان ئامادە كردووە بۆ بەجێهێنانی فەریزەكانی حەج، كە هەفتەی داهاتوو دەستپێدەكات.

ڕوونیشی كردۆتەوە، كە هەزار و 135 پاس پڕۆسەی گواستنەوەی حاجیانیان لەناوخۆ بۆ مەككەی پیرۆز ئەنجام داوە و 18 ڕۆژی پێچووە، كە هەزار و 76 پاس-یان لە شاری مەدینەی پێغەمبەری خوا (د.خ) و 59 پاس-یش لە فڕۆكەخانەی جدە-وە حاجیانیان گواستۆتەوە.

جەختیشی كردۆتەوە، هیچ حاڵەتێكی ئاستەنگ هاتنەپێشەوە بۆ گواستنەوەی حاجیان تۆمار نەكراوە.

بەردەوام بە لە خوێندنەوە

عێراق

لە سامەڕا هێرشێكی خۆكوژی داعش شكستی پێهێندرا

خەڵك- بەشی هەواڵ

شەوی رابردوو هێرشێكی خۆكوژی داعش لە خۆرهەڵاتی سامەڕا لە باشوری پارێزگای سەڵاحەدین شكستی پێهێندرا.

عیماد زهیری فەرماندەی ئۆپەراسیۆنەكانی سامەڕا لە بەیاننامەیەكدا رایگەیاند، هێزەكانیان شكستیان بە كردەیەكی تیرۆرستی چەكدارەكانی داعش هێناوە لە نیوەشەوی رابردوو لە ناوچەی سیفونە لە ناحیەی موعتەسەم لە خۆرهەڵاتی سامەڕا.

وتیشی “هێزەكانمان توانیویانە یەك لە خۆكوژەكان بتەقێننەوە و خۆكوژی دووهەمیش بكوژن و یەكێكی دیكەش بریندار بكەن و دەستبگرن بەسەر تفەنگەكەیدا لە جۆری كڵاشینكۆف لەگەڵ پشتێنێكی بۆمبڕێژكراو و پازدە بۆمبی دەستیدا”.

ئاماژەی بەوەشكرد كە هێزەكانیان دەستیانكردووە بە پاككردنەوە و گەڕان بە دوای پاشماوەكانی گرووپە تیرۆرستییەكە لە ناوچەی كوش و ئوم خیوت و ژمارەیەك تۆمەتبار دەستگیركراون.

بەردەوام بە لە خوێندنەوە

عێراق

سوننەکان کاندیدی خۆیان بۆ سەرۆکایەتیی پەرلەمان دەستنیشان کرد

خەڵک-

پاش ئەوەی ژمارەیەک لایەنی سوننە ھاوپەیمانێتییەکی نویێیان ڕاگەیاند، دواتر کاندیدی خۆیان بۆ وەرگرتنی پۆستی سەرۆکایەتیی پەرلەمان دەستنیشان کرد.

ئەمڕۆ لە شاری عەممانی پایتەختی ئەردەن، شەش سەرکردەی سوننە مەزھەب کە پێکھاتبوون لە جەمال کەربولی، ئوسامە نوجەیفی، خەمیس خەنجەر، ئەحمەد جبوری، سەلیم جبوری، فەلاح حەسەن زێدان هاوپەیمانێتییەکی نێویان لە ژێر ناوی “میحوەری وەتەنی” پێکھێنا، دواتریش ئەو شەش کەسە کاندیدی حزبەکانیان بۆ وەرگرتنی پۆستی سەرۆکایەتیی پەرلەمان دەستنیشان کرد کە بڕیارە بۆ سوننەکان بێت.

بەپێی ڕاگەیەنراوی ھاوبەشی ئەو شەش لایەنە، ڕێککەوتوون لەوەی (محەممەد ئەلحەلبوسی) کاندید بکەن بۆ پۆستی سەرۆکایەتیی پەرلەمان.

چاودێرانیش ئاماژە بەوە دەکەن، ئەیاد عەلوی ڕەتیکردۆتەوە بچێتە نێو ئەو ھاوپەیمانێتییە و بەوەش ھەلی وەرگرتنی پۆستی سەرۆکایەتیی پەرلەمان بۆ ئەو شەش لایەنە سوننەیە کەمدەبێتەوە.

بەردەوام بە لە خوێندنەوە
ریکلام

کوردستان

دوایین