ئێمە لە تۆرە کۆمەڵایەتیەکان

ڕاپۆرت و شیکاری

گالاکتیکۆس و زیاتریش: ڕیاڵ مەدرید بە دوو ئەستێرەی ناودار بونیادی تیپەکەی دەنێتەوە

خەڵک سپۆرت

هاندەرانی “لۆس بلانکۆس” چاوەڕوان بوون لەناکاو فلۆرنتینۆ پێرێزی سەرۆکی یانە دەست لەناو دەست کریستیانۆ لەگەڵ خۆی بباتە سانتیاگۆ بێرنابیۆ و نوێکردنەوەی بۆندەکەی ڕابگەیەنێت، بەڵام کەیسی ئەفسانەکە ئاڕاستەیەکی تری وەرگرت و پێچەوانەکەی دەرچوو…

کریستیانۆ ڕۆناڵدۆی پورتوگالی بەفەرمی داوای ڕۆیشتنی کرد و لە ڕیاڵ مەدریدەوە پەیوەندی کرد بە یانەی یوڤانتۆسەوە، لە داهاتوشدا شوێنگرتنەوەی ئاسان نابێت.

“دۆنی پورتوگال” لەوەرزێکدا ٥٠ گۆڵ و زیاتری تۆمار کردووە، لەبەرئەوەیە ئەگەر ئیدارەی ڕیاڵ مەدرید شوێنگرەوەی گالاکتیکۆسی بۆ دابین بکات یان نا، ئەو داتایە دووبارە نابێتەوە، ئەوەش کاریگەری لەسەر ئاستی یانە بەگشتی و ڕێژەی تۆماری گۆڵ دەبێت، لەگەڵ ئەوەشدا دەستەیەک یاریزانی بەتوانای هاوشێوەی ئیسکۆ و ئاسینسیۆ و بنزیمە دەتوانن چمکی هێڵی هێرشبەر بگرنە ئەستۆ و بەشێوازێکی نوێ سەرکەوتنەکان بچننەوە.

بە کورتییەکەی ڕیاڵ مەدرید یانەیەکی زەبەلاح و مێژووییە و ناکەوێت، بەڵکو بەردەوام دەبێت لەسەر بردنەوەکان، بەڵام بەشێوەیەکی تر.

ڕۆژنامەی ” مارکا”ئاماژەی کردووە، ئاشکرایە کە ڕیاڵ مەدرید پارەی خەیاڵی هەیە و لەتوانایدایە هەر یاریزانێک بگوێزێتەوە بۆ پێکهاتەکەی، بەڵام پێش هەموو شتێک پێویستە دوو گالاکتیکۆس دابین بکرێت و تەنها بەوشێوەیە دەتوانن باشتر لەپێشوو بونیادی تیپەکەی لوپێتیگی بنێنەوە.

نایمار ژمارە یەک

کاتێک میدیاکان لەچەندین لاوە ئاشکرای دەکەن، باوکی نایمار و خودی یاریزانەکە لە پاریس ناتوانن خۆیان بگونجێنن، واتا هەواڵەکان دروستن و لەبری سەرچاوەیەک چەند سەرجاوەیەکی هەیە.

هۆکارەکەش ئەوەیە کە نایمار و خێزانەکەی هەستیان کردووە لەڕێگەی یانەیەکی فەرەنسییەوە ناگەنە لوتکە و چەندین ئەفسانەی بەرازیل داوایان لێکردووە جوڵە بکات، بەڵام ئەم جوڵە کردنە پێویستی بە دووبارەکردنەوەی ئازایەتی کریستیانۆ هەیە و پێویستە “گەوهەرەکەی سیلیساو” ڕووبەڕوی ناسڕ خلێفی ببێتەوە و داوای لێبکات نرخێک بۆ گواستنەوەی دەستنیشان بکات.

کەین و مباپێ و هازارد

لەنێوان ئەم سیانەیەدا هازارد لە وەسفکردن و ڕاکێشانی سەرنجی ڕیاڵ مەدرید نەوەستاوە، نرخەکەشی ئاشکرایە لە ١٠٠ ملیۆن تێپەڕ ناکات و زۆرینەی شارەزایان پێیان وایە دەبێتە یەکەمین گالاکتیکۆسی هاوینەی شاهانە لەدوای کریستیانۆ، بەڵام پرسیارەکە دیسانەوە ئەوەیە: ئایا ئەم گواستنەوەیە ئەوانەی تر کۆتایی پێدەهێنێت؟

ئەگەر لەحاڵەتێکدا نایمار مسۆگەر نەبێت، ئەوا مباپێ دەبێتە داواکراوی سەرەکی و مێژووی نێوان پاریس و ڕیاڵ ڕێگە نادات دوو یاریزان لە فەرەنساوە لەیەک یانە دامباڵرێن و ڕوو لە مەدرید بکەن، کەیسی هاری کەینیش زۆر ئاڵۆزترە لەوەی چاوەڕوان دەکرێت، چونکە ناوبراو هاوشێوەی ئینگلیزیەکانی تر قورسە خۆی بگونجێنێت، هەروەها خۆشحاڵە لە تۆتنهام و دانێل لیڤی سەرۆکی ئەو یانەیەش مامەڵەی لەفرۆشتنی ئەستێرەکانی بەرامبەر “مێرەنگی” باش نییە.

بەیل دەبێتە مەرجەع

ئەوەی گاریس بەیلی وێڵزی چەندین ساڵە داوای دەکات چیتر کاتی جێبەجێکردنی هاتووە، کریستیانۆ لەپێکهاتەکەدا نەماوە و گاریس بەیل دەکرێت ببێتە مەرجەعی سەرەکی و خەونەکەی بێتە دی، لەپاڵیدا بنزیمە و ئاسینسیۆ و ئیسکۆ یاریدەدەر دەبن و دەکرێت سود لەتواناکانی ڤینیسیۆز جونیۆرزی بەرازیلی و ڕائول دی تۆماس وەربگرن.

هەروەها کەیسی ماتیۆ کۆڤاسیچیش یەکلایی بۆتەوە، ڕۆیشتنی لە ڕیاڵ مەحاڵە و ئیدارەی یانە هەرگیز ڕێگە بەڕۆیشتنی نادات.

ڕاپۆرت و شیکاری

لاماسیا چی به‌سه‌ر هاتووه‌؟ سێ یه‌کی گه‌وهه‌ره‌ لاوه‌کانی ئه‌کادیمیای به‌رشلۆنه‌ به‌ره‌و توانه‌وه‌ ده‌چن !

خه‌ڵک سپۆرت

یانه‌ی به‌رشلۆنه‌ی ئیسپانی جیاواز له‌یانه‌ گه‌وره‌کانی تر به‌وه‌ ناسراوه‌ به‌رده‌وام‌ پشت به‌ ئه‌کادیمیای “لاماسیا” دبه‌ستێت، که‌ یه‌کێکه‌ له‌هه‌ره‌ ناودارترین و به‌هێزترین فێرگه‌کانی لاوان له‌ کیشوه‌ری ئه‌وروپا.

ڕۆژنامه‌ی “مارکا” پشتبه‌ست به‌سه‌رچاوه‌ که‌ته‌لۆنیه‌کان ئاشکرای کردووه‌، ماوه‌ی چه‌ند وه‌رزێکه‌ “ئازولگرانا” لاوانی ئه‌م ئه‌کادیمیا مێژوییه‌ی پشتگوێ خستووه‌ و له‌ڕاستیدا ئه‌نجامێکی هاوشێوه‌ی سه‌رده‌می مێسی و بۆسکێتسی نه‌داوه‌ به‌ده‌سته‌وه‌، به‌ڵگه‌شیان به‌ (٥٠) ئه‌ستێره‌ی لاوی هه‌مان فێرگه‌ هێناوه‌ته‌وه‌ که‌ به‌وپه‌ڕی هیواوه‌ هه‌وڵیانداوه‌ و نه‌یانتوانیوه‌ سه‌رکه‌وتن به‌ده‌ست بهێنن، ئه‌مه‌ش نمونه‌یه‌که‌ له‌و یاریزانانه‌ که‌ هه‌ندێکیا له‌ئێستادا یانه‌یه‌ک نییه‌ یاریی بۆ بکه‌ن:

  • ڕوبن مینۆ: ته‌مه‌نی ٢٩ ساڵه‌ و له‌هیچ یانه‌یه‌ک یاریی ناکات
  • جۆردی ماسیپ: ته‌مه‌نی ٢٩ ساڵه‌ و له‌ یانه‌ی ڕیاڵ ڤه‌له‌دوه‌لید یاریی ده‌کات

  • پۆل بالیستی: ته‌مه‌نی ٢٣ساڵه‌ و له‌هیچ یانه‌یه‌ک یاریی ناکات
  • فابریسی ئۆندۆوا: ته‌مه‌نی ٢٢ ساڵه‌ و له‌یانه‌ی ئۆستێندی یاریی ده‌کات
  • مارتن مۆنتۆیا: ته‌مه‌نی ٢٧ ساڵه‌ وله‌ برایتۆن ئالبیۆن یاریی ده‌کات

  • ئالبێرت دالماو: ٢٦ ساڵه‌ و له‌ یانه‌ی لیێدا یاریی ده‌کات
  • هیکتۆر بیلیرین: ٢٣ ساڵه‌ و له‌ یانه‌ی ئارسیناڵ یاریی ده‌کات

  • مارک بارترا: ٢٧ ساڵه‌ و له‌ ڕیاڵ بیتیس یاریی ده‌کات

  • سێرجی گۆمێز: ٢٦ ساڵه‌ و له‌یانه‌ی سڤیلیه‌ یاریی ده‌کات
  • ئۆریۆل ڕۆسێڵ: ٢٦ ساڵه‌ و له‌ ئۆرلاندۆ سیتی یاریی ده‌کات
  • ئیدوارد کامپابادال: ٢٥ ساڵه‌ و له‌ یانه‌ی لوگۆ یاریی ده‌کات
  • ڕۆبێرت کۆستا: ٢٤ساڵه‌ و له‌ تیمی دووه‌می سێلتا ڤیگۆ یاریی ده‌کات
  • ڕۆجێر ڕیێرا: ٢٣ ساڵه‌ و له‌تیپی دووه‌می ڤیاڕیاڵ یاریی ده‌کات
  • کارلۆس بلانکۆ: ٢٢ ساڵه‌ و له‌ تیپی دووه‌می ڤیاڕیاڵ یاریی ده‌کات
  • ئه‌ندریۆ فۆنتاس: ٢٨ ساڵه‌ و له‌ یانه‌ی سپۆرتینگ کانساس یاریی ده‌کات
  • خاڤێر کوینتێلاڵ ٢٢ ساڵه‌ و له‌ تیپی دووه‌می ڤیاڕیاڵ یاریی ده‌کات
  • خوانما گارسیا: ٢١ ساڵه‌ و له‌ تیپی لاوانی لیڤه‌رپوڵ یاریی ده‌کات
  • مارک مونێسا: ٢٦ ساڵه‌ و له‌ یانه‌ی جیرۆنا یاریی ده‌کات
  • براین ئۆلیڤان: ٢٤ ساڵه‌ و له‌ یانه‌ی قادش یاریی ده‌کات
  • ئه‌لێکس گریماڵدۆ: ٢٣ ساڵه‌ و له‌ یانه‌ی به‌نفیکا یاریی ده‌کات
  • فران ئه‌لڤارێز: ٢٢ ساڵه‌ و له‌ یانه‌ی ڤیلافرانکا یاریی ده‌کات
  • ئۆریۆل ڕۆمیۆ: ٢٧ ساڵه‌ و له‌ ساوزهامبتۆن یاریی ده‌کات
  • پاتریسیۆ گابارۆن: ٢٥ ساڵه‌ و له‌یانه‌ی لازیۆ یاریی ده‌کات
  • ویڵفرێد کاپتۆم: ٢٢ ساڵه‌ و له‌ تیپی دووه‌می یانه‌ی ڕیاڵ بیتیس یاریی ده‌کات
  • ئه‌لێکس کۆریدێرا: ٢٢ ساڵه‌ و له‌ ڕیاڵ مۆرسیا یاریی ده‌کات
  • سێرجی ڕۆبێرتۆ: ٢٦ ساڵه‌ و له‌ پێکهاته‌ی یه‌که‌می به‌رشلۆنه‌ یاریی ده‌کات

  • تیاگۆ ئالکانتارا: ٢٧ ساڵه‌ و له‌ یانه‌ی بایرن میونشن یاریی ده‌کات

  • ڕافینیا ئالکانتارا: ٢٥ساڵه‌ و له‌ یانه‌ی به‌رشلۆنه‌ یاریی ده‌کات
  • خافێر ئیسپینۆزا: ٢٦ ساڵه‌ و له‌ یانه‌ی توینتی یاریی ده‌کات
  • جۆردی ماسۆ: ٢٦ ساڵه‌ و له‌ یانه‌ی ئۆلۆت یاریی ده‌کات
  • پیپی پالاو: ٢٦ ساڵه‌ و له‌ هیچ یانه‌یه‌ک یاریی ناکات
  • پۆل کالڤێت: ٢٤ ساڵه‌ و له‌ هیچ یانه‌یه‌ک یاریی ناکات
  • ناندۆ کویسادا: ٢٤ ساڵه‌ و له‌ یانه‌ی ئه‌تله‌تیکۆ سانلویکوینۆ یاریی ده‌کات
  • داڤید بابونسکی: ٢٤ ساڵه‌ و له‌ یانه‌ی ئۆمیا ئاردیجا یاریی ده‌کات
  • سێرجی سامپه‌ر: ٢٣ ساڵه‌ و له‌ به‌رشلۆنه‌ یاریی ده‌کات
  • داڤید زالزمان: ٢٢ ساڵه‌ و له‌ تیپی زانکۆی مێمفیس یاریی ده‌کات
  • سیمۆن گۆلینا: ٢٣ ساڵه‌ وله‌ یانه‌ی رادۆمیسک ڕادۆم یاریی ده‌کات
  • لیۆنێل ئینجینی: ٢٢ ساڵه‌ و له‌هیچ یانه‌یه‌ک یاریی ناکات
  • کریستیان تێللۆ: ٢٧ ساڵه‌ وله‌ یانه‌ی ڕیاڵ بیتیس یاریی ده‌کات
  • ئیسحاق کوێنکا: ٢٧ ساڵه‌ و له‌هیچ یانه‌یه‌ک یاریی ناکات
  • جێرارد دویلۆفیۆ: ٢٤ ساڵه‌ و له‌ یانه‌ی واتفۆرد یاریی ده‌کات

  • کریستیان هێرێرا: ٢٤ساڵه‌ و له‌ یانه‌ی بیزا یاریی ده‌کات
  • ئیڤان ڕۆمانۆ: ٢٣ساڵه‌ و له‌ سێنته‌ر دی ئیسپۆرتس مانرێسا یاریی ده‌کات
  • ماکسی ڕۆلۆن: ٢٣ ساڵه‌ و له‌ هیچ یانه‌یه‌ک یاریی ناکات
  • ئاداما تراوری: ٢٢ ساڵه‌ وله‌یانه‌ی وڵڤه‌رهامبتۆن یاریی ده‌کات
  • کیتا باڵدی: ٢٣ساڵه‌ و له‌ یانه‌ی ئینته‌رمیلان یاریی ده‌کات

  • جیان ماری دۆنگۆ: ٢٣ ساڵه‌ و له‌ یانه‌ی لوگۆ یاریی ده‌کات
  • ساندرۆ ڕامیرێز: ٢٣ساڵه‌ و له‌ یانه‌ی ڕیاڵ سۆسیداد یاریی ده‌کات

  • تۆنی سانابریا: ٢٢ ساڵه‌ و له‌ یانه‌ی ڕیاڵ بیتیس یاریی ده‌کات
  • سێرجیۆ بویناکاسا: ٢٢ ساڵه‌ و له‌ ڕیاڵ مایۆرکا یاریی ده‌کات
بەردەوام بە لە خوێندنەوە

ڕاپۆرت و شیکاری

 (تیایاندایه‌ کۆشکه‌که‌ی ٦٠ ژوور بووه‌) ئه‌و (٨) یاریزانه‌ی له‌خێزانێکی ملیۆنێره‌وه‌ هاتنه‌ نێو بواری تۆپی پێوه‌

خه‌ڵک سپۆرت

یاریزانانی بواری تۆپی پێ به‌هۆی موچه‌ی خه‌یاڵی و سپۆنسه‌ر و کۆمپانیا بازرگانیه‌کانه‌وه‌ ساڵانه‌ ملیۆنه‌ها یورۆ پاشه‌که‌وت ده‌که‌ن، ئه‌وه‌ش وا ده‌کات سه‌رجه‌میان به‌ ملیۆنێر هه‌ژمار بکرێن.

ڕۆژنامه‌ی “زه‌ سه‌ن”ی به‌ریتانی ناوی هه‌شت یاریزان ئاشکرا ده‌کات، که‌ سه‌رجه‌میان له‌خێزانی ملیۆنێر و ده‌ڵه‌مه‌نده‌وه‌ په‌روه‌رده‌ بوون و دواتر په‌یوه‌ندیان به‌ بواری تۆپی پێوه‌ کردووه‌، واتا تۆپی پێ بۆ ئه‌وان ته‌نها خولیا بووه‌ نه‌ک هه‌وڵدان بۆ به‌ده‌ستهێنانی پاره‌.

  • هوگۆ لۆریس: گۆڵپارێزی هه‌ڵبژارده‌ی فه‌ره‌نسا، باوکی خاوه‌نی بانک بووه‌ و دایکی پارێزه‌ر بووه‌، به‌ منداڵی ژیانێکی شاهانه‌ی به‌ڕێکردووه‌ و ته‌نانه‌ت مامۆستای تایبه‌تی هه‌بووه‌ بۆ فێربونی یاریی تێنسی سه‌رزه‌وی.

هوگۆ لۆریس، گۆڵپارێزه‌ نازداره‌که‌ی یانه‌ی تۆتنهام و هه‌ڵبژارده‌ی فه‌ره‌نسا

  • پاتریک بامفۆرد: یاریزانی پێشوی چێڵسی-یه‌ و بۆ لیدز یونایتد یاریی ده‌کات، زانکۆی هاڤاردی ته‌واوکردووه‌ و خاوه‌نی (١٠) بڕوانامه‌یه‌، خێزانه‌که‌ی ده‌وڵه‌مه‌ندن و که‌سی نزیکی جوزێف پامفۆرده‌ که‌ دامه‌زرێنه‌ری کۆمپانیای ناوداری (JCB)یه‌.

خێزانی بامفۆرد دامه‌زرێنه‌ری زانکۆی هاڤارد و جه‌ندین زانکۆی تری گه‌وره‌ی جیهانین

  • ماریۆ گۆتزه‌: کوڕی یۆرگن گۆتزه‌یه‌، پرۆفیسۆره‌ له‌زانکۆی دۆرتمۆندی ته‌کنه‌لۆجی، هیچ گومانێک له‌تواناکانی گۆتزه‌ی کوڕ نییه‌، به‌ڵام به‌دڵنیاییه‌وه‌ پاره‌داری باوکی کاریگه‌ری له‌سه‌ر ژیانی وه‌رزشیی هه‌بووه‌.

گۆتزه‌، کوڕی پرۆفیسۆر سه‌ره‌تا به‌پاره‌ی باوکی جێگه‌ی خۆی له‌ ئه‌کادیمیاکانی گێلسنکێرشن کرده‌وه‌

  • ئه‌ندریا پێرلۆ: هه‌رگیز گرنگی به‌ پاره‌ نادات و باسیشی نه‌کردووه‌ له‌هیچ بۆنه‌یه‌کدا، له‌گه‌ڵ ئه‌وه‌ی به‌شێکه‌ له‌خێزانی پێرلۆ و خاوه‌نی کۆمپانیایه‌کی زۆر گه‌وره‌ن، خۆشی شاره‌زای بواری خواردنه‌وه‌ کحولیه‌کانه‌ و کۆمپانیای تایبه‌تی هه‌یه‌.

پێرلۆ، ئه‌ستێره‌ی پێشوی ئیتاڵیا و کوڕی خێزانه‌ ده‌وڵه‌مه‌نده‌که‌،که‌ له‌ئێستادا خاوه‌نی به‌شێکه‌ له‌ کۆمپانیاکانی خێزانه‌که‌ی

  • جیانلوکا ڤیالی: یه‌کێکه‌ له‌ ئه‌ستێره‌ ئیتاڵیه‌ ناوداره‌کان، بۆ یانه‌کانی سامپدۆریا، فیورنتینا و چێڵسی یاریی کردووه‌، خێزانه‌که‌ی ملیۆنێر بوون، ته‌نانه‌ت ژیانی منداڵی له‌ ڤێلایه‌کدا به‌سه‌ربردووه‌ که‌ ٦٠ ژووری تێدایه‌!

ڤیالی، له‌نێو ئیتاڵیه‌کاندا خێزانه‌که‌ی له‌هه‌مووان ده‌وڵه‌مه‌ندتر بوون

ئه‌و کۆشکه‌ی ڤیالی تیایدا ژیانی منداڵی به‌ڕێکردووه‌، له‌ئێستاشدا موڵکداری کۆشکه‌که‌ تایبه‌ته‌ به‌خۆی و هه‌ندێک جار بۆ حه‌وانه‌وه‌کانی هاوینه‌ سه‌ردانی ده‌کات.

  • ڕۆبن ڤان پێرسی: باوک ودایکی هونه‌رمه‌ند بون، بۆبی باوکی په‌یکه‌رتاشێکی جیهانیه‌ و دایکی دیزاینه‌ری کاڵا ئاڵتونی و ئه‌ڵماسیه‌کان بووه‌، یاریزانانی ئارسیناڵ و مان یونایتد شایه‌تحاڵی ئه‌وه‌بون که‌ هۆڵه‌ندیه‌ ناوداره‌که‌‌ فێری ژیانێکی جیاواز بووه‌ به‌هۆی ده‌وڵه‌مه‌ندی خێزانه‌که‌یه‌وه‌.

ڤان پێرسی، کوڕی دوو هونه‌رمه‌نده‌ هۆڵه‌ندیه‌که‌

  • ئۆلیڤه‌ر بیرهۆف: ئه‌ستێره‌ ناوداره‌که‌ی ئه‌ڵمانیا له‌خێزانێکی سه‌رمایه‌دار په‌روه‌رده‌ بووه‌، باوکی خاوه‌نی کۆمپانیایه‌کی وزه‌ بووه‌، به‌ڵام بۆ ئه‌وه‌ی کوڕه‌که‌ی له‌ڕووی ره‌فتار و که‌سایه‌تیه‌ بونیاد بنێت داوای لێکردووه‌ یاریی تۆپی پێ بکات، ته‌نانه‌ت یه‌کێک له‌چیرۆکه‌کانی ئه‌وه‌یه‌ که‌ باوکی ناچاری کردووه‌ باخه‌که‌ی ماڵی خۆیان ئاو بدات پاشان تیایدا باز بدات تا فێری لێدانی سه‌ر ده‌بێت.

بێرهۆف، گۆڵکاری لێدانه‌ به‌رزه‌کان (لێدانی سه‌ر)، له‌ئێستادا به‌ڕێوه‌به‌ری وه‌رزشی هه‌ڵبژارده‌ی ئه‌ڵمانیایه‌

  • جێرارد پیکێ: خاوه‌نی کۆمپانیای کۆسمۆزه‌ و شاکیرای هاوسه‌ری هونه‌رمه‌ندێکی ده‌وڵه‌مدنی ناوداره‌، له‌ خێزانێکی ده‌وڵه‌مه‌نده‌وه‌ هاتۆته‌ نێو بواری تۆپی پێوه‌، باوکی پارێزه‌ر و بزنسمانێکی گه‌وره‌ بووه‌، دایکیشی به‌ڕێوه‌به‌ری نه‌خۆشخانه‌یه‌کی ناوداری که‌ته‌لۆنیایه‌، باپیریشی به‌هه‌مان شێوه‌ پارێزه‌ر و بزنسمانه‌ و له‌ئیداره‌ی یانه‌ی به‌رشلۆنه‌ کاری کردووه‌.

پیکێ، کوڕی خێزانێکی ده‌وڵه‌مه‌ند،که‌ به‌هێزی پاره‌ و ناو له‌ئه‌کادیمیای مانچسته‌ر یونایتد وه‌رگیرا

بەردەوام بە لە خوێندنەوە

ڕاپۆرت و شیکاری

ڕێکخراوی ژیما… کۆکراوه‌یه‌ک له‌به‌هره‌ی منداڵان، داهاتو و مێژووی باسکه‌ی سلێمانی ده‌گۆڕێت !

خه‌ڵک سپۆرت – تایبه‌ت

هه‌ینی ڕابردوو ڕێکخراوی ژیما له‌ “فامیلی مۆڵ” له‌ سلێمانی نمایشێکی چه‌ند کاتژمێری ئه‌نجامدا و دیاربوو پێشوه‌خت به‌رپرسانی فێرگه‌که‌ خۆیان بۆ ئاماده‌ کردووه‌، نمایشه‌کانیش هێنده‌ ناوازه‌ و جوان بوون خه‌ڵکێکی زۆری له‌خۆی کۆکرده‌وه‌.

ڕێکخراوی ژیما، ڕێکخراوێکی مه‌ده‌نی وه‌رزشییه‌ له‌لایه‌ن ڕزگار ڕه‌وئوفی ئه‌ستێره‌ی پێشوی هه‌ڵبژارده‌ی سلێمانی و ڕاهێنه‌ری هه‌ڵبژارده‌ی عیراقه‌وه‌ سه‌رپه‌رشتی ده‌کرێت، ماوه‌ی چه‌ند ساڵێکه‌ سه‌دان منداڵیان له‌ ڕێکخراوه‌که‌ کۆکردۆته‌وه‌ و به‌شێوه‌یه‌کی ئه‌کادیمی و سه‌رده‌میانه‌ کار له‌سه‌ر پێگه‌یاندنیان ده‌که‌ن.

جیاوازی ئه‌م فێرگه‌یه‌ و ئه‌وانی تر چییه‌؟

هه‌میشه‌ دایکان و باوکان ده‌پرسن: چۆن منداڵه‌که‌م له‌بوارێکی وه‌رزشی خاوێن و ته‌کنیکی دروست په‌روه‌رده‌ بکه‌م؟ ئه‌م پرسیاره‌ش ساڵانه‌ هه‌زاره‌ها دایک و باوک له‌ خه‌ڵکانی پسپۆری وه‌رزشیی ده‌که‌ن، وه‌ڵامه‌کانیش به‌پێی ئاست و پێگه‌ی که‌سانی وه‌ڵامده‌ر ده‌گۆڕێن.

باشترین وه‌ڵامیش بۆ ئه‌م پرسیاره‌ (ڕیکخراوی ژیما)یه‌، که‌ له‌شاری سلێمانی و کوردستان و عیراق پێگه‌ی خۆی توند کردووه‌، سه‌یریش له‌وه‌دایه‌ که‌سانی خۆبه‌خش کار له‌سه‌ر ئه‌م فێرگه‌ ناوازه‌یه‌ ده‌که‌ن.

Posted by Rizgar Tawfeeq on Friday, September 7, 2018

بۆچی ژیما هه‌ڵبژێرم؟

له‌به‌ر چه‌ند هۆکارێک ده‌کرێت ئه‌وه‌ ڕوونبکه‌ینه‌وه‌ که‌ بۆچی ئه‌م فێرگه‌یه‌ هه‌ڵبژێرم…

  • فێرکه‌ران چه‌ند که‌سێکی ئه‌کادیمی و ده‌رچوی کۆلێجی په‌روه‌رده‌ی وه‌رزشن، هه‌ڵگری بڕوانامه‌ن له‌بواری وه‌رزشدا.
  • سه‌رپه‌رشتاری فێرگه‌ و دامه‌زرێنه‌ر (ڕزگار ڕه‌ئوف) خاوه‌نی بڕوانامه‌ی باڵایه‌ له‌ بواری وه‌رزش، جگه‌ له‌وه‌ش خۆی یه‌کێکبووه‌ له‌ ئه‌ستێره‌ دره‌وشاوه‌کانی باسکه‌ له‌ سلێمانی و عیراق، له‌ ئێستاشدا ڕاهێنه‌ری دوو تیپی هه‌ڵبژارده‌ی عیراقه‌ و ئه‌کادیمی بونی ئه‌و ڕاهێنه‌رانه‌ کاریگه‌ری ئاگرینی له‌سه‌ر داهاتوی مندالان ده‌بێت.
  • ئه‌و وانانه‌ی فێرکاران ده‌یخوێنن پێشتر له‌سه‌ر پڕۆگرامی تایبه‌ت به‌ وڵاتانی پێشکه‌وتو پرۆگرام کراوه‌، واتا به‌شێوه‌یه‌کی هه‌ڕه‌مه‌کی فێری یارییکردنی باسکه‌ ناکرێن.
  • ئه‌و منداڵانه‌ی له‌م فێرگه‌یه‌ کارده‌که‌ن، وا ده‌رده‌که‌وێت له‌ڕووه‌ کۆمه‌ڵایه‌تیه‌کانه‌وه‌ کاریان له‌سه‌ر کرابێت بۆ نمونه‌: له‌ڕووی ڕه‌وشت و ڕه‌فتاره‌وه‌، ئه‌وه‌ش یه‌کێکه‌له‌ داواکاریه‌ سه‌ره‌کیه‌کانی که‌سانی فێرخواز.
  • جگه‌ له‌بواری وه‌رزش، له‌م فێرگه‌یه‌دا کار له‌سه‌ر بواره‌ کۆمه‌ڵایه‌تیه‌کان و که‌سایه‌تی و کاریزمای فێرخوازان ده‌کرێت، بۆنمونه‌: ژه‌مه‌ خۆراک و ژیانیان له‌گه‌ڵ خێزانه‌کانیان به‌شێوه‌ی ته‌ندروست.

ژیما چی پێده‌کرێت؟

کاتێک ده‌بینیت ١٥٠ بۆ ٢٠٠ فێرخواز له‌ ئه‌کادیمیایه‌ک به‌ واتای ئه‌کادیمیا فێری شێواز و شێوه‌ یارییکردنی باسکه‌ی سه‌رده‌میانه‌ ده‌کرێن، ڕاسته‌وخۆ پرسیارێکت له‌لا دروست ده‌بێت: ئایا ئه‌مانه‌ که‌ پێگه‌یشتن چی ڕووده‌دات؟

هاوشێوه‌ی قوتابخانه‌یه‌ک، ئه‌و فێرخوازانه‌ش زانسته‌که‌ له‌گه‌ڵ خۆیان هه‌ڵده‌گرن و ئه‌گه‌رچی هه‌ر تاکێک بتوانێت (١٠) منداڵی تر به‌شێوه‌ی دروست بخاته‌ نێو بواره‌که‌وه‌، که‌واته‌ لێره‌دا بیر بکه‌ره‌وه‌ بزانه‌ چه‌ند منداڵی کورد ده‌بێته‌ یاریزان و چ کاریگه‌ریه‌ک له‌سه‌ر داهاتو دروست ده‌کات.

پێویسته‌ له‌ داهاتودا چی بکرێت؟

به‌وپێیه‌ی ژیما ڕێکخراوێکی مه‌ده‌نیه‌، تا ئێستا نه‌یانتوانیوه‌ یاریگایه‌کی تایبه‌ت به‌خۆیان هه‌بێت‌ هێنده‌ی کێشی ئه‌و زانست و وه‌رزشه‌ بێت ده‌رخواردی کچانیان ده‌درێت، ئه‌وه‌ش بێگومان هۆکاره‌که‌ی ده‌گه‌ڕێته‌وه‌ بۆ نه‌بونی که‌سانی پاڵپشت و سپۆنسه‌ر.

ته‌نانه‌ت له‌ گرته‌یه‌کدا له‌تۆڕه‌ کۆمه‌ڵایه‌تیه‌کانه‌وه‌ کۆمه‌ڵێک منداڵی فێرگه‌که‌ ڕوو له‌ئاسمان ده‌که‌ن و ده‌ڵێن: خودایه‌ یاریگایه‌کی تایبه‌ت به‌خۆمان هه‌بێت!

دەڵێن:خوایە ژیما ساحەیەکی خۆی هەبێت….قوربانی ئەو پاکی و جوانی و زەردەخەنەیەتان بم…..ژیما ڕێگای ژیانە….

Posted by Rizgar Tawfeeq on Wednesday, September 5, 2018

ئه‌وه‌ی له‌ داهاتودا پێویسته‌ بکرێت پاڵپشتیکردنی ئه‌م فێرگه‌ ناوازه‌یه‌یه‌ به‌ یاریگا و که‌ره‌سه‌ی پێویست تا له‌ داهاتودا ئه‌نجامی باشتر و کاردانه‌وه‌ی به‌هێزترین ئه‌م فێرگه‌یه‌ له‌سه‌ر وه‌رزشی باسکه‌ ببینین.

به‌ره‌و ده‌ره‌وه‌ی عیراق هه‌نگاو ده‌نێن

یه‌کێک له‌ خه‌سڵه‌ته‌ گرنگه‌کانی ئه‌م ڕێکخراوه‌ وه‌رزشیه‌ ئه‌وه‌یه‌ که‌ به‌ره‌و پاڵه‌وانێتیه‌کانی کیشوه‌ری ئاسیا هه‌نگاو ده‌نێن، له‌چاوپێکه‌وتنێکدا ڕزگار ڕه‌ئوفی خاوه‌نی فێرگه‌که‌، ده‌ڵێت: له‌ساڵی ٢٠١٩ ده‌گه‌ینه‌ ترۆپکی توانا و خه‌ونه‌کانمان، یه‌کێتی تۆپی باسکه‌ی عیراق به‌ڵێنی پێداوین له‌و ساڵه‌دا پێکهاته‌یه‌کی خوار ١٦ ساڵی ژیما ئاڕاسته‌ی پاڵه‌وانێتی ئاسیا بکات.

ئه‌وه‌ش به‌ڕوونی ده‌ریده‌خات، که‌ داهاتوی ئه‌و فێرخوازانه‌ی په‌یوه‌ندی ده‌که‌ن پارێزراوه‌ و به‌ڵکو ئه‌نجامی گه‌وره‌تر و به‌ره‌و جیهانیبون چاوه‌ڕوانیان ده‌کات، پێشتر ته‌نانه‌ت له‌ڕێگه‌ی یانه‌کانیشه‌وه‌ به‌ ده‌گمه‌ن یاریزانێکی مێینه‌ توانیویه‌تی بگاته‌ پله‌ی باڵا.

شانازیییە بۆم بەشێک بم لەمە:دەبێت مێژوو شانازیتان پێوە بکات.لەسەر لێواری داڕمان ژیما سلێمانی هێنایەوە مەیدان…بەرنامەیەک کە دۆست و دوژمن سەرسام بێت پێی!!

Posted by Rizgar Tawfeeq on Tuesday, August 14, 2018

دایکان و باوکان ئاگاداری وردو  درشتی کاره‌کانن

فێرگه‌ی ژیما جیاواز له‌هه‌ر ڕکابه‌رێکی تر، دایکان و باوکان له‌ منداڵه‌کانیان نزیک ده‌کاته‌وه‌، ته‌نانه‌ت بیرۆکه‌ی ئه‌وه‌ هه‌یه‌ له‌داهاتودا پێکهاته‌ی دایکان بونیاد بنرێت تا ئه‌وانیش ئه‌و هه‌سته‌یان له‌لا دروست ببێت که‌ منداڵه‌کانیان بۆیان دروست ده‌بێت.

له‌م بیرۆکه‌یه‌دا دایکان هه‌مان ئه‌و پڕۆسه‌یه‌ ده‌گرنه‌ به‌ر که‌ منداڵه‌کانیان جێبه‌جێی ده‌که‌ن، ئه‌وه‌ش له‌ڕووی کۆمه‌ڵایه‌تیه‌وه‌ سه‌لمێنه‌ری دوو خاڵه‌:

  • ته‌مه‌ن ڕێگر نییه‌ له‌به‌رده‌م وه‌رزش کردندا.
  • تێگه‌یشتن له‌و ئه‌رک و ماندوبونه‌ی منداڵان له‌ ژیما جێبه‌جێی ده‌که‌ن.

بەردەوام بە لە خوێندنەوە
ریکلام
ریکلام
ریکلام

کوردستان

دوایین