ئێمە لە تۆرە کۆمەڵایەتیەکان

ڕاپۆرت و شیکاری

گالاکتیکۆس و زیاتریش: ڕیاڵ مەدرید بە دوو ئەستێرەی ناودار بونیادی تیپەکەی دەنێتەوە

خەڵک سپۆرت

هاندەرانی “لۆس بلانکۆس” چاوەڕوان بوون لەناکاو فلۆرنتینۆ پێرێزی سەرۆکی یانە دەست لەناو دەست کریستیانۆ لەگەڵ خۆی بباتە سانتیاگۆ بێرنابیۆ و نوێکردنەوەی بۆندەکەی ڕابگەیەنێت، بەڵام کەیسی ئەفسانەکە ئاڕاستەیەکی تری وەرگرت و پێچەوانەکەی دەرچوو…

کریستیانۆ ڕۆناڵدۆی پورتوگالی بەفەرمی داوای ڕۆیشتنی کرد و لە ڕیاڵ مەدریدەوە پەیوەندی کرد بە یانەی یوڤانتۆسەوە، لە داهاتوشدا شوێنگرتنەوەی ئاسان نابێت.

“دۆنی پورتوگال” لەوەرزێکدا ٥٠ گۆڵ و زیاتری تۆمار کردووە، لەبەرئەوەیە ئەگەر ئیدارەی ڕیاڵ مەدرید شوێنگرەوەی گالاکتیکۆسی بۆ دابین بکات یان نا، ئەو داتایە دووبارە نابێتەوە، ئەوەش کاریگەری لەسەر ئاستی یانە بەگشتی و ڕێژەی تۆماری گۆڵ دەبێت، لەگەڵ ئەوەشدا دەستەیەک یاریزانی بەتوانای هاوشێوەی ئیسکۆ و ئاسینسیۆ و بنزیمە دەتوانن چمکی هێڵی هێرشبەر بگرنە ئەستۆ و بەشێوازێکی نوێ سەرکەوتنەکان بچننەوە.

بە کورتییەکەی ڕیاڵ مەدرید یانەیەکی زەبەلاح و مێژووییە و ناکەوێت، بەڵکو بەردەوام دەبێت لەسەر بردنەوەکان، بەڵام بەشێوەیەکی تر.

ڕۆژنامەی ” مارکا”ئاماژەی کردووە، ئاشکرایە کە ڕیاڵ مەدرید پارەی خەیاڵی هەیە و لەتوانایدایە هەر یاریزانێک بگوێزێتەوە بۆ پێکهاتەکەی، بەڵام پێش هەموو شتێک پێویستە دوو گالاکتیکۆس دابین بکرێت و تەنها بەوشێوەیە دەتوانن باشتر لەپێشوو بونیادی تیپەکەی لوپێتیگی بنێنەوە.

نایمار ژمارە یەک

کاتێک میدیاکان لەچەندین لاوە ئاشکرای دەکەن، باوکی نایمار و خودی یاریزانەکە لە پاریس ناتوانن خۆیان بگونجێنن، واتا هەواڵەکان دروستن و لەبری سەرچاوەیەک چەند سەرجاوەیەکی هەیە.

هۆکارەکەش ئەوەیە کە نایمار و خێزانەکەی هەستیان کردووە لەڕێگەی یانەیەکی فەرەنسییەوە ناگەنە لوتکە و چەندین ئەفسانەی بەرازیل داوایان لێکردووە جوڵە بکات، بەڵام ئەم جوڵە کردنە پێویستی بە دووبارەکردنەوەی ئازایەتی کریستیانۆ هەیە و پێویستە “گەوهەرەکەی سیلیساو” ڕووبەڕوی ناسڕ خلێفی ببێتەوە و داوای لێبکات نرخێک بۆ گواستنەوەی دەستنیشان بکات.

کەین و مباپێ و هازارد

لەنێوان ئەم سیانەیەدا هازارد لە وەسفکردن و ڕاکێشانی سەرنجی ڕیاڵ مەدرید نەوەستاوە، نرخەکەشی ئاشکرایە لە ١٠٠ ملیۆن تێپەڕ ناکات و زۆرینەی شارەزایان پێیان وایە دەبێتە یەکەمین گالاکتیکۆسی هاوینەی شاهانە لەدوای کریستیانۆ، بەڵام پرسیارەکە دیسانەوە ئەوەیە: ئایا ئەم گواستنەوەیە ئەوانەی تر کۆتایی پێدەهێنێت؟

ئەگەر لەحاڵەتێکدا نایمار مسۆگەر نەبێت، ئەوا مباپێ دەبێتە داواکراوی سەرەکی و مێژووی نێوان پاریس و ڕیاڵ ڕێگە نادات دوو یاریزان لە فەرەنساوە لەیەک یانە دامباڵرێن و ڕوو لە مەدرید بکەن، کەیسی هاری کەینیش زۆر ئاڵۆزترە لەوەی چاوەڕوان دەکرێت، چونکە ناوبراو هاوشێوەی ئینگلیزیەکانی تر قورسە خۆی بگونجێنێت، هەروەها خۆشحاڵە لە تۆتنهام و دانێل لیڤی سەرۆکی ئەو یانەیەش مامەڵەی لەفرۆشتنی ئەستێرەکانی بەرامبەر “مێرەنگی” باش نییە.

بەیل دەبێتە مەرجەع

ئەوەی گاریس بەیلی وێڵزی چەندین ساڵە داوای دەکات چیتر کاتی جێبەجێکردنی هاتووە، کریستیانۆ لەپێکهاتەکەدا نەماوە و گاریس بەیل دەکرێت ببێتە مەرجەعی سەرەکی و خەونەکەی بێتە دی، لەپاڵیدا بنزیمە و ئاسینسیۆ و ئیسکۆ یاریدەدەر دەبن و دەکرێت سود لەتواناکانی ڤینیسیۆز جونیۆرزی بەرازیلی و ڕائول دی تۆماس وەربگرن.

هەروەها کەیسی ماتیۆ کۆڤاسیچیش یەکلایی بۆتەوە، ڕۆیشتنی لە ڕیاڵ مەحاڵە و ئیدارەی یانە هەرگیز ڕێگە بەڕۆیشتنی نادات.

ڕاپۆرت و شیکاری

(٩٨) ساڵی خۆشبەختی فەرەنسا و نهێنی مۆندیالی ٢٠١٨ و ئەو یاریزانەی ئاهەنگی “شانزلیزێ”ی نەدیوە !

خەڵک سپۆرت

ساڵی ١٩٩٨ و بۆیەکەمجار لەمێژوویاندا، هەڵبژاردەی فەرەنسا نازناوی مۆندیالی بەدەست هێنا و زێدان و دیشامپ و لوران بلان و هاوەڵانیان بە ئاڵتون ناوی خۆیان لە مێژووی تۆپی پێدا نوسییەوە.

(٩٨) ساڵی خۆشبەختی فەرەنسیەکان و گەڕانەوەی شکۆی تۆپی پێی ئەو وڵاتە بوو، لەهەمان کاتدا نهێنی مۆندیالی ٢٠١٨یە…

کیلیان مباپێ، ئەستێرەی ناودار و کاریگەری پێکهاتەی “کەڵەشێرەکان” لەمانگی دوانزەی ١٩٩٨ لەباوکێکی کامیرۆنی و دایکێکی جەزائیری لەدایک بووە، واتا شەش مانگ دوای ئەوەی زێدان و هاوەڵانی نازناوەکەیان چنییەوە.

لەئێستادا مباپێ یەکێکە لە کلیلەکانی سەرکەوتن و هاوشانی گریزمان خەونی گەلێکیان لەسەر بونیادنراوە.

مباپێ دەڵێت :”نازناوی مۆندیالم دەوێت، دەمەوێت لەگەڵ جامە ئاڵتونیەکەدا بخەوم، ساڵی ١٩٩٨ لەدایک نەببوم کاتێک هاونیشتیمانیانم نازناوەکەیان بەدەستهێناوە، لەبەرئەوەیە هەرگیز ئاهەنگی مێژوویی پاڵەوانانم لە شانزلیزێ نەدیوە، تەنانەت لە خۆشترین خەونەکانمدا خەونم بەوەوە نەدیوە کە ئێستا تیایدا دەژیم، تەنها هەنگاوێکم ماوە”.

کۆمپانیای “نایک”ی ئەمریکیش لەتەواوی ڕیکلام و پۆستەرەکانی شاری پاریس دروشمی ” ساڵی ٩٨ بۆ تۆپی پێی فەرەنسا مەزن بوو، کیلیان لەدایک بوو” نوسیوە.

مباپێ لەمۆندیالی ٢٠١٨ و لەقۆناغی کۆمەڵەکان گۆڵی لەهەڵبژاردەی پیرۆ کرد، بەوەش بووە گەنجترین گۆڵکاری مۆندیال لەتەمەنی ١٩ ساڵیدا، دواتر لەقۆناغی (١٦) گۆڵی لەسەر ئەرجەنتین تۆمار کرد و بووە گەنجترین هێرشبەر لە پاڵەوانێتی مۆندیال سێ گۆڵ تۆمار بکات، ئەوەش لەساڵی ١٩٥٨وە ڕووینەداوە، لەو ساڵەدا پیلێ-ی ئەفسانە لەتەمەنی ٢٠ ساڵیدا “هاتریک”ی لەسەر هەڵبژاردەی سوید تۆمار کرد.

مپابێ لەگەڵ گریزمانی هاوڕێی (٢٦ ساڵ و ١٠ ڕۆژە گریزۆ)، یەکەم و دووەم گەنجترین هێرشبەرانی مۆندیالن.

منداڵانی فەرەنسا مۆندیالی ١٩٩٨یان بەبیر دێت؟

ڕافائێل ڤارانی بەرگریکاری پۆڵاینی ڕیاڵ مەدرید دەڵێت :” تەمەنم پێنج ساڵان بوو، دەمبینی باوکم ئاهەنگی سەرکەوتنی بۆ نازناوی ٩٨ دەگێڕا”، بەهەمان شێوە گریزمان و پۆگبا و کانتی و لوکاس هێرناندێز تەنها منداڵێک بوون لەمۆندیالی ١٩٩٨ و درکیان بە گەورەیی نازناوەکەی “زیزۆ” و هاوەڵانی نەدەکرد.

لەبەرامبەردا لۆریسی گۆلپارێز و مانداندا و عادل ڕامی و ماتیودی و گیرو تەمەنیان (١٠) ساڵان بووە و توانیویانە تاموچێژ لەسەرکەوتنەکانی “زیزۆ” و هاوەڵانی ببینن (ساڵی ١٩٩٨).

دیدیە دیشامپی ڕاهێنەری هەڵبژاردەی فەرەنسا و خاوەنی نازناوی (٩٨) دەڵێت :” مباپێ نیشانی جیهانیدا کە چی پێدەکرێت…بەڵام دەتوانێت زیاتریش فێربێت”.

لەیاریی کۆتاییدا “گەوهەرە ئەسمەرەکەی پاریس” دەیەوێت بەرگی زێدان بپۆشێت و دووەم نازناو ببەخشێتە فەرەنسا، یەکەم بۆ بەدیهێنانی خەونی گەورەی گەلێک و دووەم بۆ هەڵکۆڵینی ناوی لەمێژووی تۆپی پێدا.

بەردەوام بە لە خوێندنەوە

ڕاپۆرت و شیکاری

تەنها کریستیانۆ نییە… بەدرێژایی مێژوو (٨) ئەفسانەی بیانی ڕوویان لە خولی ئیتاڵیا کردووە

خەڵک سپۆرت

پەیوەندیکردنی کریستیانۆ ڕۆناڵدۆی پورتوگالی بە یانەی یوڤانتۆسەوە تائێستاش کەیسێکی کراوەیە و لەلایەن میدیا جیهانییەکانەوە باسی لێدەکرێت.

لەم بارەیەوە ڕۆژنامەی “مارکا” ئاشکرای کردووە، “دۆنی پورتوگال” تاکە ئەفسانە نییە لە ئیسپانیاوە یاخود لەهەر خولێکی ترەوە ڕوو لەخولی ئیتاڵیا دەکات، بەڵکو دەبێتە ئەستێرەی ژمارە (٩) و پێش ئەو هەشت ئەفسانەی تر ئەم هەنگاوە مێژووییەیان ناوە، ناودارترینیان مارادۆنا و ڕۆناڵدۆن.

ئەمەش ئەو ئەفسانانەن کە لە خولەکانی ترەوە روویان لە ئیتاڵیا کردووە و خولەکەیان بەگشتی بوژاندۆتەوە:

  • کریستیانۆ ڕۆناڵدۆ: لە هاوینی ٢٠١٨ لە ڕیاڵ مەدریدی ئیسپانیەوە ڕوویکردە یانەی یوڤانتۆس

  • دێیگۆ مارادۆنا: ئەفسانە ئەرجەنتینیەکە لەساڵی ١٩٨٤ لە بەرشلۆنەی ئیسپانیەوە ڕوویکردە ناپۆلی

  • لۆتەر ماتیۆس: ئەفسانەی ئەڵمانیا و ناودارترینیان لە ساڵی ١٩٨٨ لەیانەی بایرن میونشنی ئەڵمانیەوە پەیوەندی بە ئینتەر میلانەوە کرد

 

  • ڕیڤاڵدۆ: یەکێکە لەباشترینەکانی بەرازیل و مێژووی تۆپی پێ و ساڵی ٢٠٠٢ لە بەرشلۆنەوە ڕوویکردە ئەی سی میلان

 

  • ڕۆناڵدینیۆ: جادوگەرەکەی بواری تۆپی پێ لەساڵی ٢٠٠٨ لە یانەی بەرشلۆنەوە ڕوویکردە یانەی ئەی سی میلان

  • ڕۆناڵدۆ: دیاردەی تاقانەی تۆپی پێیە ناوداترینی جیهانە و ساڵی ١٩٩٧ بۆ ئینتەرمیلان یاریی کرد، دواتر لەساڵی ٢٠٠٦ لە ڕیاڵ مەدریدەوە ڕوویکردە ئەی سی میلان

 

  • ساموێل ئیتۆ: بەورە ڕەشەکەی کامیرۆن لەساڵی ٢٠٠٩ لە بەرشلۆنەوە پەیوەندیکرد بە ئینتەرمیلانەوە، دواتر لەساڵی ٢٠١٥ لە ئێڤەرتۆنەوە گەڕایەوە و پەیوەندی بە سامپدۆریاوە کرد.

  • زلاتان ئیبراهیمۆڤیچ: دوای یارییکردنی بۆ یوڤانتۆس و ئینتەرمیلان، زەبەلاحەکەی سوید لەساڵی ٢٠١٠ لە بەرشلۆنەوە پەیوەندی کرد بە یانەی ئەی سی میلانەوە.

  • دینیس بێرکامپ: لە ساڵی ١٩٩٣ ئەستێرە ئەکرۆپاتیەکەی هۆلەندا لە ئەیاکس ئەمستەردامەوە پەیوەندی کرد بە ئینتەرمیلانەوە

بەردەوام بە لە خوێندنەوە

ڕاپۆرت و شیکاری

لەکوێوە بۆ کوێ؟ (١٠) بۆندی گەورە و هەژێنەر گواستنەوەکانی هاوینەی (٢٠١٨) دەهەژێنن

خەڵک سپۆرت

گواستنەوەکانی هاوینەی ٢٠١٨ هاوشێوەی وەرزەکانی ڕابردوو نابێت، بەڵکو بۆندی گەورە و هەژێنەری تێدا ئیمزا دەکرێت و هۆکارەکەش ئەوەیە کە چەند یاریزانێکی ناودار یانەکانیان بەرەو یانەی نوێ بەجێدەهێڵن.

ڕۆژنامەی “مارکا” ئەم (١٠) گواستنەوەیەی دەستنیشان کردووە و نوسیویەتی: ئەگەر زۆرە ئیمزا بکرێت و بەڵکو هەندێک لەسەرچاوەکان جەخت دەکەنەوە، بۆندەکان ئیمزا دەکرێن و تەنها لەسەر ئەنجامی مۆندیال و کات وەستاوە.

  • گۆنزالۆ هیگواین: یانەی چێڵسی ئینگلیزی داوایان کردووە و بەهۆی کڕینی کریستیانۆوە ئەگەر زۆرە یوڤانتۆس بەرەو یانە زەبەلاحەکەی ئینگلتەرا بەجێبهێڵێت، بڕیارە ماوریسیۆ ساری لەداهاتودا ببێتە ڕاهێنەری “بلوزی لەندەن” ئەوەش گواستنەوەکە ئاسانتر دەکات، بەوپێیەی هێرشبەرە ئەرجەنتینیەکە پەیوەندیەکی توندوتۆڵی لەگەڵ ڕاهێنەری پێشوی ناپۆلی-دا هەیە.
  • کریستیانۆ ڕۆناڵدۆ: دوێنێ بە فەرمی لەیانەی ڕیاڵ مەدریدەوە پەیوەندی کرد بە یانەی یوڤانتۆسی ئیتاڵییەوە.
  • تۆبی ئالدەرڤێرڵد: یانەی مانچستەر یونایتد سورە لەسەر گواستنەوەی بەرگریکارە بەلجیکیەکە و مۆرینیۆ سورە لەسەر گواستنەوەی لە تۆتنهامەوە و یاریزانەکەش ڕەزامەندی نیشانداوە.
  • خاڤی هێرناندێز “چیچاریتۆ”: چەند یانەیەکی خولی ئەمریکا لەچاوەڕوانی بڕیاری کۆتایی ئەستێرە مەکسیکیەکەدان و بەدوور نازانرێت درێسی وێستهام فڕێبدات و کۆتا ساتەکانی ژیانی وەرزشیی لە ئەمریکا بەڕێبکات.
  • ئانتۆنی مارتیال: لەدوای وەرگرتنی پۆستی ڕاهێنەرایەتی یونایتد لەلایەن جوزێ مۆرینیۆوە، ئەم ئەستێرە فەرەنسیە جێگەی لەپێکهاتەی سەرەکیدا نەبۆتەوە، زۆرینەی سەرچاوەکان پێیان وایە ماوریسیۆ پۆچتینۆی ڕاهێنەری تۆتنهام سەرکەوتو دەبێت لەگواستنەوەی.
  • ئالیسۆن بیکەر: یانەی لیڤەرپوڵ کێشەی لە پێگەی گۆڵپارێزی یانەدا هەیە و میدیاکان پێیان وایە گفتوگۆ لەنێوان یانەکانی(لیڤەرپوڵ و ڕۆما) بۆ ئەم مەبەستە دەگوزەرێت، گواستنەوەکەش ئەگەری زۆری هەیە لەماوەی داهاتودا ڕێکەوتنی لەسەر بکرێت.
  • ئەلڤارۆ مۆراتا: پێناچێت لەپلانەکانی داهاتوی یانەی چێڵسی ئینگلیزیدا جێگەی ببێتەوە، هەموو ئەگەرەکان بەو ئاڕاستەیەن بگەڕێتیەوە بۆ شاری تۆرینۆ و پەیوەندی بە یانەی یوڤانتۆسەوە بکات، یانەی بایرن میونشنی ئەڵمانیش ئەگەرێکی ترە.
  • ماریۆ بالۆتێللی: هێرشبەرە سەرکێشەکە لەیانەی نیس ئاستێکی بەرزی پێشکەش کردووە، پەیوەندیکردنی بە یانەی مارسیلیاوە هەڵبژاردەیەکە و میدیاکان باسی دەکەن، بەڵام هەوڵێکی کارلۆ ئەنچلۆتی دەستی پێکردووە بۆ گەڕاندنەوەی “ڕەش ئەسمەرەکە” بۆ خولی ئیتاڵیا و یانەی ناپۆلی.
  • ڕیاز مەحریز: دوێنێ بەفەرمی لە یانەی لیستەر سیتیەوە پەیوەندی کرد بە یانەی مانچستەر سیتیەوە.
  • خێردان شاکیری: لەگەڵ یانەی ستۆک سیتی پەیوەندیەکانی کۆتایی هاتووە، نزیکترین یانە بۆ گواستنەوەی ئێڤەرتۆنی ئینگلزییە و چانسی گواستنەوەکەش زۆر بەهێزە.
بەردەوام بە لە خوێندنەوە
ریکلام

کوردستان

دوایین