ئێمە لە تۆرە کۆمەڵایەتیەکان
ریکلام

عێراق

هەواڵگری عێراق گروپێكی داعش لە قاهیرە هەڵدەوەشێنێتەوە

خەڵك- بەشی هەواڵ

هەواڵگری عێراق لەرێگەی چەند سەركردەیەكی دەستگیركراوی داعشەوە توانیان گروپێكی داعش لە شاری قاهیرەی پایتەختی میسر هەڵبوەشێننەوە و تەواوی ئەندامی گروپەكەیش دەستگیركران.

ئاژانسی هەواڵی “ئێرنا”ی فەرمی ئێران بڵاوی كردەوە، كە ماوەی رابردوو، توركیا چەند سەركردەیەكی داعشی رادەستی هەواڵگری عێراق كردووە، ئەوانیش لەرێگەی ئەوانەوە گروپێكی دیكەیان لە سوریاوە هێناوەتەوە بۆ عێراق و دەستگیریان كردوون، هەروەها یەكێك لە سەركردەكانی داعش زانیاری لەسەر گروپێك هەبووە لە قاهیرە.

ئاژانسە ئێرانییەكە ئەوەی ئاشكراكردووە، كە هەواڵگری عێراق لایەنی ئەمنی میسریان ئاگاداركردۆتەوە و پێكەوە سەركەوتووبوون لە هەڵوەشاندنەوە و دەستگیركردنی ئەو گروپە، كە پێشتر لە عێراق بوون و بۆ یارمەتیدانی گروپی”بیت المقدس” چوبوونە میسر.

بەپێی زانیارییەكانی دەزگای هەواڵگری عێراق بە هەماهەنگی هەواڵگری توركیا و ئێران و میسر كار لەسەر لەڕەگەوە دەرهێنانی گروپەكانی داعش دەكات.

عێراق

کوڕەزایەکی خومەینی ھاوشێوەی باپیری لە نەجەف نیشتەجێ دەبێت

خەڵک-

میدیاکانی ئێران ئاماژە بەوە دەکەن، نەوەیەکی ئایەتوڵڵا خومەینی بە نیازە بێتە شاری نەجەف و بۆ ماوەی چەند ساڵێک ھاوشێوەی باپیرەی، لەو شارە بمێنێتەوە.

وەک ئەوەی میدیاکانی ئێران دەڵێن، بڕیارە عەلی خومەینی، نەوەی روحوڵڵا خومەینی ڕابەری شۆڕشی ئیسلامیی شوێنی نیشتەجێبوونی خۆی بۆ شاری نەجەف بگوازێتەوە و بۆ ماوەی چەند ساڵێک ھاوشێوەی باپیرەی لەو شارە نیشتەجێ ببێت.

عەلی خومەینی تەمەنی ٣٣ ساڵە و کوڕی ئەحمەد خومەینییە کە چەند ساڵێک پاش مردنی باوکی بەھۆکارێکی نادیار گیانی لەدەستداوە.

روحوڵڵا خومەینی کە لە حەفتانی سەدەی ڕابردوو لە ئێران ھەڵات، ڕووی لە شاری نەجەف کرد و بۆ ماوەی چەند ساڵێک لەو شارە مایەوە، دواتر لەسەر داوای ئێران، حکومەتی ئەوکاتی عیراق لە نەجەف دەریکرد و رۆشتە فەرەنسا و تا شوباتی ١٩٧٩ لەو وڵاتە مایەوە و دواتر گەڕایەوە ئێران.

بەردەوام بە لە خوێندنەوە

عێراق

“هەڵبژاردنی سەرۆك كۆمار دواخرا”
ژمارەی كاندیدەكانی سەرۆك كۆمار گەیشتە 30 كەس

خەڵك- بەشی هەواڵ
سەرۆكی پەرلەمانی عیراق ڕایدەگەیەنێت، ژمارەی كاندیدەكانی پۆستی سەرۆك كۆمار گەیشتە 30 كاندید و پەرلەمانتارێك-یش دەڵێت: “هەڵبژاردنی سەرۆك كۆمار دواخرا”.

محەمەد حەلبوسی، سەرۆكی پەرلەمانی عیراق لە كۆنگرەیەكی ڕۆنامەوانیدا لە نەجەف ڕایگەیاند، لە ئێستادا نزیكەی ناوی 30 كاندیدیان لایە بۆ پۆستی سەرۆك كۆماری عیراق و چاوەڕێی پڕۆسەی وردبینی كردنین لە دۆسیە كەسیەكانیان.

ڕاشیگەیاند، كە پابەندن بە هەڵبژاردنی سەرۆك كۆمار لە كاتی دەستوری و ئەگەر بە ڕێكەوتن پرسەكە یەكلایی نەكرێتەوە پەنا دەبەنە بەر دەنگدان.

سەبارەت بە پۆستی سەرۆك وەزیران حەلبوسی وتیشی، “ڕۆڵی كوتلە گەورەكە كۆتایی دێت بە دیاری كردنی ناوی كاندیدەكەی، بەلام پێویستە ڕێكەوتن هەبێت بۆ دیاری كردنی كەسێكی سیاسی ئیداری و پیشەیی لێهاتوو، كە توانای بەڕێوەبردنی ئەو دۆسیەیەی هەبێت و ئەگەر ڕێكەوتنیشی لەسەر نەكرا لە پەرلەمانەوە ڕێكەوتنی لەسەر دەكرێت”.

لای خۆشیەوە، عەلی سنێد، پەرلەمانتاری هاوپەیمانی نەسر، كە لەلایەن عەبادی-یەوە سەرۆكایەتی دەكرێت بە (شەفەق نیوز)ی ڕاگەیاند، نیمچە ڕێكەوتن كراوە لەسەر دواخستنی هەڵبژاردنی سەرۆك كۆماری عیراق بۆ دوای هەڵبژاردنی پەرلەمانی كوردستان، كە لە كۆتایی ئەم مانگە ئەنجام دەدرێت.

پێشتر سەرۆكایەتی پەرلەمانی عیراق ڕۆژی 25ی ئەم مانگەیان بۆ دەنگدان لەسەر كاندیدی سەرۆك كۆماری عیراق دیاری كرد و تا ئێستاش نزیكەی 8 كەس خۆیان بۆ ئەو پۆستە كاندید كردووە، كە زۆرینەیان كوردن و بریتین لە (بەرهەم ساڵح، فوئاد حسێن، سروە عەبدولواحید، سەلیم شوشكەیی، سەردار عەبدوڵا، لەتیف ڕەشید، عومەر بەرزنجی) و چەند كاندیدێكی عەرەب و ئەوەش ناكۆكی لەنێوان پارتی و یەكێتی دروست كردووە.

بەردەوام بە لە خوێندنەوە

عێراق

بەوێنە؛ جێگری سەرۆكی حزبێك خۆی بۆ سەرۆك كۆماری عیراق كاندید كرد

خەڵك- بەشی هەواڵ
جێگری سەرۆكی حزبی “بزوتنەوەی نەتەوەیی توركمانی” خۆ كاندید كردنی بۆ پۆستی سەرۆك كۆماری عیراق ڕاگەیاند.

عەباس بەیاتی، جێگری سەرۆكی بزوتنەوەی نەتەوەیی توركمانی لە لێدوانێكی ڕۆژنامەوانیدا ڕایگەیاند، كە ئێوارەی ڕۆژی یەك شەممە بەڵگەنامەكانی خۆكاندید كردنم بۆ پۆستی سەرۆك كۆمار پێشكەشی پەرلەمانی عیراق كردووە.

پێشتر سەرۆكایەتی پەرلەمانی عیراق ڕۆژی 25ی ئەم مانگەیان بۆ دەنگدان لەسەر كاندیدی سەرۆك كۆماری عیراق دیاری كرد و تا ئێستاش نزیكەی 10 كەس خۆیان بۆ ئەو پۆستە كاندید كردووە، كە زۆرینەیان كوردن و بریتین لە (بەرهەم ساڵح، فوئاد حسێن، سروە عەبدولواحید، سەلیم شوشكەیی، سەردار عەبدوڵا، لەتیف ڕەشید، عومەر بەرزنجی) و چەند كاندیدێكی عەرەب.

بەردەوام بە لە خوێندنەوە
ریکلام
ریکلام
ریکلام

کوردستان

دوایین