وەزارەتی دارایی هەرێم Archives - تۆڕی میدیایی خەڵک

سەردێر

خەڵک- بەبۆنەی یادی كۆچی دوایی پێغەمبەر محەمەد (د.خ)، سبەینێ یەكشەممە، لە حەوت پارێزگای عێراق كرایە پشوو. سبەینێ یەکشەممە، 25ی ئەیلولی 2022 ڕێكەوتی 28ی سەفەری 1444 دەوام لە حەوت پارێزگاری عێراق ڕادەگیرێت و ئەو ڕۆژە بە بۆنەی كۆچی دوایی پێغەمبەری ئيسلام (د.خ) كراوەتە پشوو. پشووەکەی سبەینێ یەکشەممە شارەکانی (نەجەف، كەربەلا، بەسڕە، موسەننا، میسان، واست و زیقار) دەگرێتەوە ودەوام لەسەرجەم دامودەزگاکاندا رادەگیرێت.
خەڵک- ژنانی ئەنجومەنی سەرکردایەتی یەکێتی راگەیەندراوێکیان لەبارەی ئازادییەکانی ژنان و رۆڵیان لە دامودەزگاکان بڵاوکردەوە و دەڵێن، پرسی ژن لەهەموو جوگرافیایەك بەپرسی خۆیان دەزانن ، لەو روانگەیەوە كوشتن و ئازاردان و وزیندانیكردنی ژن و زەوت كردنی ئازادییەكانی بەتایبەت لەكەیسی كوشتنی ژینا ئەمینی و هاورێكانیدا مەحكوم دەكەن". ئەمڕۆ شەممە بەسەرپەرشتی شاناز ئیبراهیم ئەحمەد کۆبونەوەی ژنانی ئەنجومەنی سەرکردایەتی یەکێتی لەشاری سلێمانی ئەنجامدرا و هەوڵەکان بۆ بەهێزترکردنی پێگەی ژنان لەهەموو کایەکاندا تاوتوێکران. بە گوێرەی راگەیەندراوی ژنانی ئەنجومەنی سەرکردایەتی یەکێتی، لە کۆبوونەوەکەدا ئەم تەوەرانە گفتوگۆیان لەبارەوە کراوە:- • تاوتوێكردنی پاشەكشەكردنی ژنان لەكایەی سیاسیدا. • جەخت كردنەوە لەسەر جێبەجێكردنی رێژەی لەسەدا ٢٥ ی ژنان كەلەپەیڕەودا چەسپیوە. • كاراكردنی رۆڵی ژنانی یەكێتی لەپاراستنی ژینگە و لەو بارەیەوە بەرنامەی پێویست دانرا. • دانانی بەرنامەیەكی تایبەت بۆ سەردانكردنی كەسوكاری شەهیدان. هەروەها بایەخدان بەمنداڵانی بێ سەرپەرشتیار و بەساڵاچووان. • پێگەیاندنی كادری ژن بۆ سەرپەرشتیكردنی ئۆرگانەكانی یەكێتی لەرێگای بەرنامەی هوشیاریی سیاسیەوە. • ژنانی سەركردایەتی یەكێتی جەختیان لەوە كردەوە كەپرسی ژن لەهەموو جوگرافیایەك بەپرسی خۆیان دەزانن ، لەو روانگەیەوە كوشتن و ئازاردان و وزیندانی كردنی ژن و زەوت كردنی ئازادییەكانی بەتایبەت لەكەیسی كوشتنی ژینا ئەمینی و هاورێكانیدا مەحكوم دەكەن.
ئالان حەمە سەعید راهێنانی مامۆستایان یەکێکە لەهەرە بابەتە گرنگەکان لە پێشخستنی سیستەمی پەروەردە و فێرکاری راهێنان بە گوێرەی ستراتیژ وبەرنامەیەکی دیاریکراو دەبێتە مایەی بەرەوپێشبردنی ئاست و کارامەیی مامۆستایان و لەوێشەوە بۆ قوتابیان و کۆی سیستەمی پەروەردە. هەندێک جار بەشێوەیەکی گشتی ئەم بابەتە بۆ مامۆستا وەک ئەرکێک سەیر دەکرێت، بەڵام لە راستیدا پێچەوانەکەی درووستە، راهێنان مافە بۆ مامۆستا و دەبێت بۆی دابین بکرێت. ئەم شێوازەی ئێستای وانەوتنەوە بەئەندازەیەکی زۆر رووی لە رابردووە زیاتر وەک لە داهاتوو، پێویستی بە گۆڕینە، گۆڕینێکی شێنەیی، بەڵام ڕیشەیی. جۆری وانەوتنەوە و چەند بابەتێکی دیکە دەتوانن قوتابخانەکانمان ببەستنەوە بە دامەزراوەکانی دیکەی حکومەت و کارخانە و دامەزراوە کۆمەڵایەتییەکان و هتد..، ئەم هەنگاوەش بە بوونی ستراتیژێکی درووستی راهێنان دەبێت. کەموکوڕییەکانی راهێنانی مامۆستایان چی بووە لە سیستەمی پەروەردە؟ چۆن دەتوانین چاکی بکەین؟ ئێمە خەریکی چین؟ بۆ وەڵامی ئەو پرسیارانە، بەچەند خاڵێک تیشک دەخەمە سەر کرۆکی وەڵامەکان: 1- کەموکوڕی لە راهێنانی مامۆستایان ئەوەیە، گشتگیر نییە، کە راهێنان گشتگیر نەبوو، هاوبەها (مثل موحد) و دادپەروەرانەش نابێت، واتە مامۆستایانی شارە گەورەکان هەندێک جار تەنیا سەنتەری پارێزگا گەورەکان توانیویانە لە راهێنان سودمەندبن، ئەوەش ئەو ئامانجە بەدیناهێنێت، کە ئێمە دەمانەوێت، بۆیە دەبێت ئەو جۆرە لە راهێنانی سی ساڵی رابردوو پێداچوونەوەی پێدابکرێت. 2- خاڵێکی دیکەی کەموکوڕی لە راهێنانی مامۆستایان بریتییە لە پچڕپچڕی و نابەردەوامی، واتە ساڵی جارێك ئەگەر مامۆستایەک لە بابەتێک سوودمەند بێت یان نا، ئەمەش تەواو ناکۆکە لەگەڵ پرەنسیپەکانی راهێنان، کە بەردەوامی و جێگیرییە. 3- بەدواداچوون لەسەر بەرهەمی راهێنان یەکێکی دیکەیە لە کەموکوڕییەکانی راهێنان، له‌ مێژووی وەزارەتی پەروەردە هەوڵی زۆر بۆ راهێنانی مامۆستایان دراوە و پارەی تا ڕادەیەک باش لەم بوارە خەرجکراوە، بەڵام کەموکوڕییەک هەیە، زۆر جار چارەسەری بۆ نەدۆزراوەتەوە، ئەویش بەدواداچوونە لەسەر مامۆستا یان فەرمانبەری راهێنراو، بەرهەمی ئەو راهێنانە چی بووە؟ چۆن جێبەجێی کردووە؟ ئایا بۆ رێژەی سوودی راهێنان پێوانەی ئەندازەیی کراوە تا ئێمە بزانین بەردەوام بین یان نا، بەدڵنیایی ئەوە زۆر جێگەی بایەخ نەبووە، ئەمەش گرفتە گەورەکەیە، ئێمە راهێنان بۆ مامۆستایەک تەرخان دەکەین، کە ئەویش لە ژینگەی قوتابخانە سوودی لێوەربگرێت و پەخشی بکاتەوە و کاریگەریی لەسەر پرۆسەی پەروەردە هەبێت، بەڵام دەیکات یان نا، ئەوە نەزانراوە و بەدواداچوونی لەسەر نەبووە، بەڵکو لەسەر بنەمای متمانە بووە. وەرچەرخانی گەورە، پرۆژەیەکی مەزن: پێنجشەممەی رابردووە (4ی ئابی 2022) لە کۆبوونەوەم لەگەڵ بەشێک لە بەڕێوەبەری گشتیی و یاریدەرانیان لە پەروەردەی پارێزگا و ئیدارە سەربەخۆکان و بەڕێوەبەرانی مەشق و راهێنان، ستراتیژیی نوێی راهێنانی مامۆستایانمان تاووتوێکرد، ستراتیژییه‌ک لە ساڵانی ئاییندە وەرچەرخان دروست دەکات و بە شێنەیی پاش چەند ساڵێک بەرهەمەکەی هەستی پێدەکرێت. ئەویش لەسەر بنەما سەرەکییەکانی (پێویستی لە راهێنان- داپەروەری لە راهێنان- بەردەوامی لە راهێنان- بەدواداچوون بۆ ئەنجامی راهێنان)، پوختەی پرۆژەکە ئەمەیە: راهێنانی مامۆستایان پێویستی بە پێداچوونەوە و ئامادەسازکردنی مۆدێلێکی نوێ هەیە، کە تێیدا دیدێکی رۆشنی چەند ساڵەیی بە نووسراو داڕێژرابێت لەوەی ئێمە بۆ پێشخستنی کارامەییەکانی مامۆستایانمان چیمان پێویستە؟ چۆن ئەو دۆخە دەگۆڕین، شێوازەکانی وانەوتنەوە (دیداکتیک)، کارامەییە تەکنەلۆژییەکان، کارامەییە پسپۆرییەکان، بەڕێوەبردنی پۆل، مامەڵەکردن لەگەڵ لایەنی دەروونی قوتابیان و جیاوازییەکانیان و چەندان بابەتی گرنگی دیکە پێویستن، کە بە بەردەوامی و بە دادپەروەرانە مامۆستایان سوودیان لێوەربگرن. دەڵێین بەردەوام، مەبەست ئەوەیە چۆن لەو پچڕپچڕییەی رابردوو دەربازبین، بۆ دانانی سیستمێکی جێگیر، کە راهێنان بە بەردەوامی هەبێت و دادپەروەربێت، واتە بۆ مامۆستایەک لە گوند و شارەدێ و شارۆچکە وەک سەنتەری پارێزگا وابێت، لەهەمان کاتدا دەبێت بەدواداچوون…
فارس نەورۆڵی نەتەوەی داگیرکراو بە بچوکترین جوڵەی داگیرکەرەکەی دەلەرزێ و هەمیشە لەبارە بۆ ترازان و ئاشوبی ناوخۆ، ئەوکاتەی ئینگلیزەکان هیندستانیان داگیر کردبوو هەرکات بیان ویستایە هیندیەکان بە کێشەی ناوخۆ سەرقاڵکەن، لەڕێی جیاوازییە ئاینیەکانەوە بەیەکیدا دەدان. بۆ نمونە گایەکیان دەکوشت و بە گاپەرستەکانیان دەوت: ئەوە کەسەکانی فڵان ئاین کوشتویەتی ئیتر ئەمە بەس بوو بۆ ئەوەی چەند ساڵێک توشی گرفتاری ناوخۆیان بکات. چەند ڕۆژێکە لە ڕێگای میدیاکانەوە کۆمەڵگایان سەرقاڵ کردووە بە کێشەی (ژووری نوستن و سەرپۆشی ئافرەتان)! سەبارەت بە لەچککردن یا نەکردن، ئەوە پەیوەستە بە ئازادی هەر ئافرەتێکەوە هەرچۆن ئەوەی سەرپۆش یان لەچک دەپۆشێ ئازاد نیە لەوەی سوکایەتی بە کەسێک بکات، کە لەچک ناکات. لە هەمانکاتدا کەسێک لەچک ناکات بۆی نیە سوکایەتی بە لەچک بکات. چونکە هەر یەکێکیان هەتا ئەو جێگایە ئازادە، کە ئازادی ئەوی دیکە پێشێل نەکات هەتا ئەو شوێنەی پەیوەندی بە ژووری نوستنەکانەوە هەیە. من ئەو یاسایەم نەخوێندۆتەوە بۆیە قسەم لەسەری نیە، بەڵام بە تێگەیشتنی من لە کۆمەڵگای کوردستان سایکۆلۆجیای تاکەکان، هەریەک لەژن و پیاو ئەگەر کێشەی ژووری نوستنیان بردە دەرەوە و خەڵکی دیکە پێی زانین، ئەوە لە هەڵوەشانەوە نزیک دەبنەوە. ئەوەی پێویستە بوترێ ئەوەیە ئێمە بە دەم دەیان دەردەوە گیرۆدە بوین، کەچی ڕامان دەکێشن بۆ کێشەیەک بۆ ئەوەی لە کێشە گەورەکان دورمانخەنەوە و بیرنەکەینەوە بۆ چارەسەری. لە کاتێکدا ئێمە فەرهەنگمان پەروەردەمان، زمانمان و ئابوریمان لەژێر هەڕەشەدایە و نادادی گشتی خواردوینی، لە کاتێکدا لەسەرو بەندی ساڵیادی ڕیفراندۆم داین ڕامان دەکێشن بۆ ژووری نوستن و ختوکەدانی جیاوازی ئاینی بۆ ئەوەی هەتا بێ دنیای ئێمە لە یەکتر دووردەکەوێتە. من لەتەک ئازادی مرۆڤەکاندام بێ جیاوازی ڕەگەز و ئاین، بەڵام هێنانی هەندێ چەمک لە کۆمەڵگایەکی دیکەوە بۆ کۆمەڵگای ئێمە، هیچ ڕۆشنایی ناخاتە سەر تاریکییەکان، بەڵکو لەبری ئارامی کۆمەڵایەتی، ئاشوبی حەشامات دروست دەکات. چونکە هەندێ کۆدی کۆمەڵایەتی هەیە بە هەراو هۆسە ناکرێتەوە بەڵکو پێویستی بە کات و بە هۆشیارییە
خەڵک- بەڕێوەبەری بانکە بازرگانییەکانی ھەرێمی کوردستان رایگەیاند، ساڵی نوێ بانکی نیشتمانی هەرێم دەکرێتەوە ھاووڵاتییان سوودمەند دەبن لە ھەموو ئەو پێشینانەی بانکی عێراقی دەیداتە ھاووڵاتییان. مەولود سابیر، بەڕێوەبەری گشتیی بانکە بازرگانییەکان بە ماڵپەڕی فەرمیی پارتی راگەیاندووە:"ھەنگاوەکانی دامەزراندنی بانکی نیشتمانیی ھەرێم بەرەو کۆتایی دەچن و لە ھەرێمی کوردستان رێکارەکان کۆتایییان ھاتووە و تەنیا دانانی بەڕێوەبەر و ئەندامانی بانکەکە ماون، بەڵام رێکارە یاسایییەکان لە بەغدا ماون تەواو بکرێن، پێشبینی دەکەم ساڵی نوێ بانکی نیشتمانی دەست بە کارەکانی بکات." سەبارەت بە جیاوازی ئەو بانکە لەگەڵ بانکەکانی دیکە وتیشی:"جیاوازییەکەی ئەوەیە بانکەکانی ئێستا بە یاسایی کارەکانیان بەڕێوە نابەن، خالێکی دیکەی بانکی نیشتمانی کە دەکرێتەوە لەھەمبەر جیھانی دەرەوەیە بۆ ئەنجامدانی کردارە بانکییەکان." دەربارەی سوودی ئەو بانکە بۆ هاووڵاتییان ئاماژەی بەوەشکرد:"بانکی نیشتمانیی ھەرێم دوای دامەزراندنی زۆر سوودی دەبێـت، لەوانەش ھەموو ئەو پێشینانەی لەلایەن بانکی ناوەندیی عێراقەوە ساڵانە و مانگانە بە ھاووڵاتییان دەدرێت ھەرێمی کوردستانیش لێیان سوودمەند بێت، ھەروەھا چەندین سوودی دیکەی ھەیە بۆ بازاڕ و سیستەمی بانکی، چونکە بانکی نیشتمانی بە سیستەم کارەکانی بەڕێوە دەبات."
یاسین مەحمود ڕەشید گرنگیدان بە پێشانگە نێودەوڵەتیەکان ئێستا لە جیهاندا لە ئاستێکی زۆر بەرزدایە، بەجۆرێک ئەم پێشانگایانە لە وڵاتانی پێشکەوتوو پلان و بودجەو بەرنامەی زۆر باشی بۆ دادەنرێت تەنانەت لە هەندێک وڵاتدا لەیاساکانی تایبەت بە بوژانەوەی ژێرخانی ئابووری باسی ڕۆڵی پێشانگەو کۆربەندە ئابوورییەکان دەکرێت. هەرێمی کوردستان، کە لە ئێستادا، بایەخی تایبەت بە کەرتە جۆراوجۆرەکانی وەبەرهێنان دەدات، چەندەها مۆڵەتی وەبەرهێنانی بە پرۆژەکان داوە لە سیازدە سێکتەری جیاوازدا، هەر بەهۆیەوە کوردستان ئێستا خاوەنی دەیان کارگەی ستراتیژییە بۆ بەرهەمە جۆراوجۆرەکان (پیشەسازی ئاسن، چیمەنتۆ، دەرمان، کەرەستەکانی بیناسازی، بەرهەمە خۆراکییەکان بە گشتی). لە لایەکی دیکەوە بایەخدان بە کەرتەکانی گەشتوگوزار و کشتوکاڵ و وزە و تۆڕی پەیوەندییەکان و تەندروستی و پەروەردە و خوێندنی باڵا و بازرگانی و نیشتەجێبوون هەموو ئەمانە، ساڵانە بە لایەنی کەم پێویستیان بە چەند پێشانگەیەکی نێودەوڵەتی هەیە بۆیان بکرێتەوە. گرنگی ئەم جۆرە پێشانگایانەش لە چەند خاڵێکدا دەخەینەڕوو؛ ١- نیشاندان و دەرخستنی توانای دارایی وەبەرهێنەران و بازرگانان و کەرتی تایبەت بەگشتی لە هەرێمی کوردستاندا. ٢-بەبازاڕکردنی بەرهەمە ناوخۆییەکانمان و دەرخستنی توانای پرۆژەکانمان بەگشتی و کارخانەکانمان، بە تایبەتی بۆ شارەکانی تری عێراق و وڵاتانی دراوسێ و جیهان. ٣- گۆڕینەوەی بیروڕای بازرگانی و سوود بینین لە تەکنەلۆژیای ئەو کۆمپانیا و کارخانانەی کە لەوڵاتە جیاجیاکان دێن و بەشداری تێدا دەکەن. ٤- لەکاتی کردنەوەی ئەم پێشانگە و کۆڕبەندە ئابووریانەدا، سەرەڕای ئەوەی جموجۆڵی بازرگانی زیاد دەکات بۆ (هاتووچۆ، کۆمپانیاکانی فڕۆکەوانی، چاپخانە، چێشتخانە، هۆتێل...هتد) چەندین هەلی کاریش دەرەخسێت. ٥- لەم جۆرە پێشانگەیانەدا، زۆر بە سانایی دەتوانین لەگەڵ کۆمپانیا بەشداربووەکانی جیهاندا یاداشتنامەی لێکتێگەیشتن واژو بکەین و پڕۆژەی هاوبەش بەیەکەوە ئەنجام بدەین و هەروەها بریکارنامەی کۆمپانیا بەناوبانگەکانی جیهان بەدەستبهێنین و لەماوەکانی ڕابردووشدا ئەمە ڕەنگدانەوەی هەبووە. ٦-بەهۆی سەردانکردنی هاوڵاتیانی ناوچە و شارەکانی ترو تەنانەت دەروەی کوردستان ژمارەی گەشتیار زیاد دەکات لە کاتی کردنەوەی پێشانگادا. هۆکارە سەرەکیەکانی سستی و لاوازی پێشانگە نێودەوڵەتیەکانی هەرێمی کوردستانیش بریتیە لە :- ا.نەبوونی کۆمپانیای دڵنیایی نیشتمانی و لاوازی ئەوکۆمپانیانەی لەو بوارەدا کاردەکەن کەزۆر جار بانگێشتی کۆمپانیا گەورەکانی جیهان دەکەین بۆ هەرێمی کوردستان بەو هۆکارەوە بەشداری لە پێشانگاکانماندا ناکەن . ب.رۆتینی وەرگرتنی ڤیزە و نەبوونی هەماهەنگی لە نێوان وەزارەتە پەیوەندیدارەکان بۆ هێنانی ئەوکەلوپەل و تەکنەلۆژیا نوێیانەی لە پێشانگەکاندا نیشان دەدرێت بۆ بازرگان و سەرمایەدارە دەرەکیەکان بە بێزارکردن هەژمار دەکرێت و پاشگەز دەبنەوە بۆ هاتنیان بۆ کوردستان . ج.بێ بەرنەمایی کەرتی گشتی و کەرتی تایبەت لە کاتی مۆڵەت دان بە کردنەوەی ئەم پێشانگەیانە بەڕوونی دەردەکەوێت پێشانگەکان لەکات و شوێنی خۆیدا ناکرێتەوە و کێبڕکێیی ناتەندروست بەدی دەکرێت لەنێوان شارەکانی هەرێم دا . د. شوێنی پێشانگەکانمان زۆر گونجاو نییە، پێشکەشکردنی خزمەتگوزاری وەک پێویست نییە و گەشەکردن و فراوانکردنیش بەدی ناکرێت و کوالێتی کەرەستەکانیش وەک پێویست نییە . ه. کەم ئەزمونیمان لە لایەک و بایەخ نەدان بە ڕۆڵی میدیا لەلایەکی تر، هەوڵنەدان بۆ گۆڕینی فەرهەنگی هاونیشتیمانیان بەرامبەر بەم پێشانگەیانە وایکردوە لە کاتی کردنەوەی پێشانگەکان ژمارەی سەردانیکاران وەک پێویست نەبێت.
خەڵک- یاریدەدەرى سەرۆکى حکومەت دڵنیایی لە دابەشکردنی موچە دەدات و دەڵێت:" لە داهاتى نەوت زیاتر لە 550 ملیۆن دۆلار تەرخانکراوە بۆ موچە بۆیە کێشەى موچە دووبارە نابێتەوە بەتایبەتى لە سلێمانى". رێباز حەملان، لە چاوپێکەوتنێکی تەلەفزیۆنیدا رایگەیاند:"وەزارەتى دارایی رۆژ و کاتى دابەشکردنى موچە دیاریدەکات، بەڵام لەئێستاوە پارەى پێویست بۆ دابەشکردنى خراوەتە سەر هەژمارى وەزارەت". ئاماژەی بەوەشکرد:"ئێستا زیاتر زیاتر لە 48%ى داهاتى نەوت دەچێت بۆ موچە لەکاتێکدا پێشتر 30% بوو، لە داهاتى نەوت زیاتر لە 550 ملیۆن دۆلار تەرخانکراوە بۆ موچە بۆیە کێشەى موچە دووبارە نابێتەوە بەتایبەتى لە سلێمانى". رێباز حەملان وتیشی:"ئێستا نرخى فرۆشتنى نەوتى هەرێم سێ دۆلار لەگەڵ سۆمۆ جیاوازە و نرخى نەوتى هەرێم گەیشتووەتە ئاستێکى باش و بە 100 دۆلار فرۆشراوە".
خەڵك – هێزەكانی پاراستنی گەل ڕایدەگەیەنێت، لە ٦ چالاكی گەریلاكانی ئازادی كوردستاندا ٨ سەربازی سوپای توركیا كوژران و سەنگەرێك روخێنرا و چەكێكی بۆمبهاوێژ لەناوبرا. ناوەندی راگەیاندن و چاپەمەنی هێزەكانی پاراستنی گەل هەپەگە رایگەیاندووە، لە ٦ چالاكی هێزەكانیاندا ٨ سەربازی سوپای توركیا كوژران، كە یەكێكیان پلەدارە، سەنگەرێك و چەكێكی بۆمبهاوێژ روخێنراوە. ئاماژە بۆ ئەوەشكراوە، كە سوپای توركیا گۆڕەپانەكانی بەرخودانی ٨ جار بە بۆمبی قەدەغەكراوو چەكی كیمیایی، ٦٥ جار بە هەلیكۆپتەری هێرشبەر و بەدەیان جاریش بە كاتیوشا و تانك بۆردومان كردووە. لە چوارچێوەی هەڵمەتی شۆڕشگێڕیی هەڵۆكانی زاگرۆس لە هەرێمی زاپ: لە ٢٣ی ئەیلولدا سەرلەبەیانی تیمە گەڕۆكەكانمان بە نیشانشكێن لە داگیركەران لە دەوروبەری سەنگەرەكانی شەڕی شەهید ئاگری سەربە گۆڕەپانی بەرخودانی سیدایاندا و داگیركەرێك سزادرا. لە ٢٣ی ئەیلول كاتژمێر ٠٨:٠٠ تیمە گەڕۆكەكانمان بە نیشانشكێن لە داگیركەران لە دەوروبەری سەنگەرەكانی شەڕی شەهید ئاگر لە دەوروبەری گۆڕەپانی بەرخودانی سیدایاندا و داگیركەرێك سزادرا. هاوكات بە چەكی قورسیش لە داگیركەرانی تر درا. لە ٢٣ی ئەیلول كاتژمێر ١٣:٠٠ تیمە گەڕۆكەكانمان بە نیشانشكێن لە داگیركەران لە گۆڕەپانی بەرخودانی شەهید عادلی سەر بە چەمچۆیاندا و داگیركەرێكیان سزادا. لە ٢٣ی ئەیلولدا كاتژمێر ١٣:٠٠ هێزەكانمان ئەو داگیركەرانەیان خستە بۆسەوە كە دەیانویست بچنە ناو سەنگەرەكانی شەهید باهۆز لە چەمچۆ. لەو چالاكیەدا لانیكەم دوو داگیركەر سزادران كە یەكیان پلەدار بوو. لە چوارچێوەی هەڵمەتی شۆڕشگێڕی هەڵۆكانی زاگرۆس لە هەرێمی ئاڤاشین: لە ٢٢ی ئەیلول تیمە گەڕۆكەكانی یەژەئاستارمان لە شاخی شەهید مونزوری گۆڕەپانی بەرخودانی مامڕەشۆ داگیركەرانیان خستە ژێر چاودێرییەوە و كاتژمێر ١٣:٠٠ بە چالاكی گەریلایی هەماهەنگ لە داگیركەرانیاندا. قۆڵی یەكەمی چالاكیەكە بە چەكی قورس لە ٢ سەنگەر و كافتریایەكی دا. لەوێ سەنگەرێكی بۆمبهاوێژ و چەكێكی بۆمبهاوێژ لەناو بران و ٢ داگیركەریش سزادران. قۆڵی دووەمی چالاكیەكەش بە چەكی قورس و سوك لە داگیركەران و سەنگەرەكانیاندان. لە چوارچێوەی هەڵمەتی شۆڕشگێڕی هەڵۆكانی زاگرۆس لە هەرێمی خواكورك: لە ٢٣ی ئەیلول كاتژمێر ٠٩:٤٠ هێزەكانمان داگیركەرانیان لە دەشتاییەكانی گوندی شاپانێی خواركورك خستە ژێر چاودێرییەوە و دواتر بە سابوتاژ لەوانیاندا. لەو چالاكیەدا داگیركەرێك سزادرا. هێرشەكانی سوپای توركی داگیركەر بە بۆمبی قەدەغەكراو و چەكی كیمیایی: لە ٢٣ی ئەیلولدا سەنگەرەكانی شەڕی گۆڕەپانی بەرخودانی شاخی جودی و شاخی ئامێدی بە بۆمبی قەدەغەكراو و چەكی كیمیایی بۆردومان كران. لە ٢٣ی ئەیلولدا سەنگەرەكانی شەڕی شەهید ئاگر و شەهید فەلات لە گۆڕەپانی بەرخودانی سیدا و سەنگەرەكانی شەڕ لە گۆڕەپانی شەهید عادلی سەر بە چەمچۆ ٦ جار بە بۆمبی قەدەغەكراو و چەكی كیمیایی بۆردومان كران. هێرشەكانی سوپای توركی داگیركەر لە ٢٣ی ئەیلول گۆڕەپانەكانی بەرخودانی چەمچۆ، كوڕەژارۆ، ساجا، ئەشكەوتی برینداران، كاركەر، شاخی جودی، شاخی ئێف ئێم و شاخی ئامێدی ٦٥ جار بە هەلیكۆپتەری هێرشبەر بۆردمان كران. لە ٢٣ی ئەیلول گۆڕەپانەكانی بەرخودانی شاخی ئێف ئێم و چەمچۆ بە دەیان جار بە كاتیوشا و تانك بۆردومان كران. لە ٢٣ی ئەیلول بەسەر گۆڕەپانەكانی بەرخودانی كوڕەژارۆ، شەهید فەداكار، شاخی جودی و شاخی ئامێدی فڕۆكەی سیخوڕی سوڕانەوە. لە ٢٣ی ئەیلول سوپای توركی داگیركەر بە حەفارە و ئامێری روخاندن هەوڵیدا سەنگەرەكانی شەڕ لە گۆڕەپانی بەرخودانی كاركەر بڕوخێنێت. سەبارەت بە هەوڵەكانی هێزەكانی پەدەكە لە گۆڕەپانەكانی بەرخودان: كارەكانی هێزەكانی پەدەكە بۆ دروستكردنی رێگە و سەنگەر بۆ سوپای توركی داگیركەر لە گۆڕەپانی سێدار و گۆڕەپانی كۆماندۆی گۆڕەپانی بەرخودانی شاخی ئامێدی لە مەتینا لە ٢٧ی ئابەوە تائێستا بێ پسانەوە بەردەوامە. لە ٢٠ و ٢٢ی ئەیلول سەنگەرەكانی شەڕمان لە شەهید پڵنگی گۆڕەپانی بەرخودانی شاخی…
خەڵك – دەزگای ئاسایشی نیشتمانی عێراق ڕایدەگەیەنێت، هێزەكانیان لە حەوت پارێزگا شكستیان بە هەوڵێك بۆ قاچاخبردنی بەرهەمە نەوتیەكان هێناوە، 34 تۆمەتباریش دەستگیركراون. دەزگای ئاسایشی نیشتمانی عێراق لە راگەیەندراوێكی بڵاویكردەوە، لەچوارچێوەی زنجیرەیەك هەڵكوتانە سەر و دانانی بۆسەدا، هێزەكانیان توانیویانە بە قاچاخكردنی نزیكەی 763 هەزار لیتر لە بەرهەمە نەوتیەكان پوچەڵ بكەنەوە. ڕاشیگەیاندووە، پرۆسەكان لە هەریەك لە پارێزگاكانی (بەغدا - دیالە - كەركوك - نەینەوا - ئەنبار - قادسیە – بەسڕە) ئەنجامدراون، دەستیش بەسەر 10 خەزانی هەڵگرتنی بەرهەمە نەوتیەكان گیراوە. ئاشكراشیكردووە، ئۆپەراسیۆنەكان بوونەتە هۆی"دەستگیركردنی 34 تۆمەتبار و دەستبەسەرداگرتنی 30 ئۆتۆمبێلی بارهەڵگر، لەگەڵ داخستنی بەنزینخانەیەك، سەپاندنی غەرامەكردن بەسەر نۆ وێستگەی دیكەدا بەهۆی پێشێلكردنی سیستمەكانی دابەشكردنی بەرهەمە نەوتیەكان. لە راگەیەنراوەكەدا هاتووە، لە ئۆپراسیۆنەكەدا سەرجەم ئەو كەلوپەل و ماددانەی دەستیان بەسەردا گیراوە لەگەڵ تۆمەتبارەكان ڕەوانەی لایەنە پەیوەندیدارەكان كراون بۆ گرتنەبەری رێكارە یاساییەكان.
خەڵك – هۆبەی كەرەنتینەی كشتوكاڵی بەڕێوەبەرایەتی ناحیەی بیارە ڕایدەگەیەنێت، دەست بەسەر بڕێكی زۆر گۆیژی خراپ بوودا گیرا، كە شیاو نەبوو بۆ خواردن. بەڕێوەبەرایەتی ناحیەی بیارە بڵاویكردەوە، ئەمڕۆ شەممە ٢٠٢٢/٩/٢٤لە مەرزی تەوێڵە-شۆشمێ ھۆبەی كەرەنتینەی كشتوكاڵی دەستیان گرت بەسەر بڕی ٢ دوو تۆن گۆیژی خراپ بوودا. لە ڕاگەیەنراوەكەی بەڕێوەبەرایەتی ناحیەی بیارەدا هاتووە، كە ئەو خۆراكە شیاو نەبوو بۆ خواردن.

دابەشكردنی مووچەی مانگی 9 پێشناخرێت

دابەشكردنی مووچەی مانگی 9 پێشناخرێت

ئومێد سیوەیلی

ئه‌یلول 24, 2022

خەڵك- سەرچاوەیەكی وەزارەتی دارایی هەرێم ئاشكرای دەكات،…

مووچەی 4 وەزارەت و چەند دامەزراوەیەك دابەش دەكرێت

مووچەی 4 وەزارەت و چەند دامەزراوەیەك دابەش دەكرێت

ئومێد سیوەیلی

ئه‌یلول 3, 2022

خەڵك- وەزارەتی دارایی و ئابووری هەرێم خشتەی دابەشكردنی…

خشتەی دابەشكردنی مووچە بڵاودەكرێتەوە

خشتەی دابەشكردنی مووچە بڵاودەكرێتەوە

ئومێد سیوەیلی

ئاب 27, 2022

خەڵك- دابەشكردنی مووچەی مانگی 7ی مووچەخۆرانی هەرێم كۆتایی…

دابەشكردنی مووچەی مانگی 8 دستپێدەكات

دابەشكردنی مووچەی مانگی 8 دستپێدەكات

ئومێد سیوەیلی

ئاب 21, 2022

خەڵك- دابەشكردنی مووچەی مانگی 7ی مووچەخۆرانی هەرێم كۆتایی…

مووچەی 11 وەزارەت و دامەزراوە دابەش دەكرێت

مووچەی 11 وەزارەت و دامەزراوە دابەش دەكرێت

ئومێد سیوەیلی

خەڵك- دابەشكردنی مووچەی مانگی 7ی مووچەخۆرانی هەرێم بەردەوامە…

“ڕێنماییەكی دارایی تایبەت بە پلەبەرزكردنەوە پێچەوانەی یاسایە”

“ڕێنماییەكی دارایی تایبەت بە پلەبەرزكردنەوە پێچەوانەی یاسایە”

ئومێد سیوەیلی

خەڵك- دوای دەركردنی ڕێنماییەك لەلایەن وەزارەتی داراییەوە…

بڕیاری نوێ‌ بۆ پلەبەرزكردنەوەی فەرمانبەران دەردەچێت

بڕیاری نوێ‌ بۆ پلەبەرزكردنەوەی فەرمانبەران دەردەچێت

ئومێد سیوەیلی

خەڵك- وەزارەتی دارایی و ئابووری حكومەتی هەرێمی كوردستان…

كێشە بۆ مووچەی مانگی 7 دروست دەبێت

كێشە بۆ مووچەی مانگی 7 دروست دەبێت

ئومێد سیوەیلی

ته‌مموز 24, 2022

خەڵك- بەهۆی نەبوونی پارە لە بانكەكانی سنووری سلێمانی و…

خشتەی مووچەی فەرمانبەران ڕادەگەیەنرێت

خشتەی مووچەی فەرمانبەران ڕادەگەیەنرێت

ئومێد سیوەیلی

ته‌مموز 19, 2022

خەڵك- وردبینی كردنی لیستی مووچەی فەرمانبەران لەلایەن گەنجینەكانەوە…

كاتی دابەشكردن و خشتەی مووچەی مانگی 7 دیاریكرا

كاتی دابەشكردن و خشتەی مووچەی مانگی 7 دیاریكرا

ئومێد سیوەیلی

ته‌مموز 17, 2022

خەڵك- دابەشكردنی مووچەی مانگی 6 كۆتایی هات، ئەگەرچی لە چەند…