ڕووداوێكی شەمەندەفەر نزیكەی 60 قوربانی لێكەوتەوە

  • 238 بینین

 

لە ئاكامی پێكدادانی دوو شەمەندەفەر لە مەكسیك كەسێك گیانی لەدەست دا و ٥٧ی دیكەش برینداربوون.

پێكدادانی دوو شەمەندەفەر لە مەكسیكۆ ستی پایتەختی مەكسیك، گیانلەدەستدانی كەسێك و برینداربوونی ٥٧ دیكەی لێكەوتەوە.

بەرپرسانی وڵاتەكە باسیان لەوە كرد كە دوو شەمەندەفەر لەنێوان وێستگەكانی لا رازا و پۆترێرۆ كە سێیەمین هێڵی میترۆی پایتەختە، بەیەكیاندا داوە.

لە رووداوەكەدا، كەسێك گیانی لەدەستداوە و ٥٧ كەسیش برینداربوون، دوا بە دوای رووداوەكەش ژمارەیەكی زۆر ئۆتۆمبێلی فریاكەوتن و تیمی ئاگركوژێنەوە رەوانەی شوێنی رووداوەكە كراون.

وەزیری ئاسایش لە مەكسیكۆ ستی، عومەر گارسیا لە هەژماری تایبەتی خۆی لە تۆڕی كۆمەڵایەتی بڵاویكردەوە كە پرۆسەی گەڕان و رزگاركردن بێ وەستان درێژەیان هەیە و زانیاری نوێ لەبارەی رەوشی بریندارەكان دەخەنەڕوو.

هاوكات بەهۆی رووداوەكەوە، گەشتی میترۆ راگیراوە و داواكاری گشتیی دەستی بە لێكۆڵینەوە كردووە.

سەرۆكی مەكسیك، ئاندرێس مانوێل لۆپێز ئۆبرادۆر نیگەرانی خۆی نیشان دا لەبارەی گیانلەدەستدانی كەسێك بەو رووداوە و رایگەیاند: ”بەپێی ئەو زانیارییەی بە من دراوە، بەداخەوە یەك كەس گیانی لەدەستداوە و ژمارەیەكی زۆر بریندار هەن. پرسە و سەرەخۆشی رادەگەیەنم”.

دوایین جار لە ئایاری ٢٠٢١دا بوو كە رووداوی میترۆ لەو وڵاتە روویدا و بەهۆیەوە، ٢٦ كەس گیانیان لەدەست دا و زیاتر لە ٦٠ كەسیش برینداربوون.

ناڕەزایەتییەكان لە ئێران گەرمبوونەوە
پێشت ناڕەزایەتییەكان لە ئێران گەرمبوونەوە
پڕۆژەیاسای لێبووردنی گشتی تاووتوێدەكرێـت
دواتر پڕۆژەیاسای لێبووردنی گشتی تاووتوێدەكرێـت
پەیوەندیدار