پزیشكێكی پسپۆڕی خۆراك ڕێنمایی هاووڵاتیان دەكات بۆ خواردنی چەند خۆراكێك، كە یارمەتی بەهێزبوونی چاو و توانای بینین دەدات.
د. كامەران ڕەسوڵ ژاژڵەیی، پسپۆڕی زانستی خۆراك ئاماژەی بەوەكردووە، بەربوومە كشتوكاڵییە ڕەنگ پڕتەقاڵییەكانی وەك (گێزەر و كاڵەك و قەیسی و شلیك و مانگۆ و پەتاتەی شیرین و توو و توتڕك) لەگەڵ مزرمەنییەكانی وەك (لالەنگی و پرتەقاڵ و نارنج) یارمەتی بەهێزبوونی چاو دەدەن.
بە وتەی ئەو پزیشكە، ئەم خۆراكانەی دیكەش هۆكارێكی گرنگن بۆ بەهێزبوونی توانای بینین:
ـــ گوڵە بەڕۆژڵە و چەرەسات وەك (بادام و فستق و گوێز).
ـــ بیبەری سوور بە كاڵی .
ـــ زەردێنەی هێلكە.
ـــ بڕۆكلی.
ـــ سەوزە گەڵا تۆخەكان: سپێناخ و كەلەرم
ـــ گۆشتی سوور و گۆشتی باڵندە بەبێ چەوری .
ـــ پاقلەمەنییەكان وەك (فاسۆلیا و نۆك و ماش و نیسك) .
ـــ ماسی سەلەمۆن
ـــ كولەكە زەردە گەورەكان.
