![](https://xelk.org/wp-content/uploads/2024/03/awincity2.png)
شارەزایەكی ئابووری ئاشكرای دەكات، كە ساڵانە خەڵكی عێراق نیو ملیار مریشك دەخۆن و دەشڵێت: هەر تاكێكی عێراقی لە مانگێكدا مریشكێك دەخوات.
نەبیل مەرسومی، شارەزای ئابووری عێراقی لە هەژماری خۆی لە فەیسبووك ئاماژەی بەوەكردووە، هەلێكی گەورەی وەبەرهێنان لە كەرتی كێڵگە پەلەوەرییەكان هەیە و بەرهەمەکانی ناوخۆ لە كێڵگە پەلەوەرییەكان و بەرهەمەكانی ساڵانە دەگاتە 200 هەزار تۆن و هاوردەكردنیش دەگاتە 800 هەزار تۆن لە ساڵێكدا.
ئاماژەی بەوەشكردووە، گرنگترین ئەو وڵاتانەی هەناردەی مریشك دەكەن بۆ عێراق بریتین لە ئێران و توركیا و بەڕازیل.
وتیشی، بەکارهێنانی ناوخۆیی ساڵانە دەگاتە یەک ملیۆن تۆن، بە جۆرێک عێراقییەکان ساڵانە نیو ملیار مریشک دەخۆن، كە بە تێکڕایی هەر كەسێك لە مانگێكدا مریشكێك دەخوات”.