داهاتی یەك هەفتەی سنووری سلێمانی و هەڵەبجە و هەردوو ئیدارەی گەرمیان و ڕاپەڕین گەیشتە نزیكەی 16 ملیار دینار.
بەپێی ڕاپۆرتی سایتی (شەفافیەت)، كە سایتێكی تایبەتە بە خستنەڕووی داهاتی ناوخۆی سنووری سلێمانی و هەڵەبجە و گەرمیان و ڕاپەڕین، داهاتی هەفتەیەك لە ڕۆژی 20-7-2024 تا 26-7-2024، بڕی 15 ملیار و 714 ملیۆن و 365 هەزار و 75 دینار بووە.
بەپێی ڕاپۆرتەكە، داهاتەكە بەجۆرێك دابەش بووە، كە 85%ـی داهاتەکە بەشێوەی نەختینەیە و 15%ـی داهاتەکە بەشێوەی چەکە.
ڕۆژی 15-12-2022 دوای 30 ساڵ، حكومەتی هەرێمی كوردستان بەبڕیاری قوباد تاڵەبانی، جێگری سەرۆكی حكومەتی هەرێم بوو بەخاوەنی پڕۆژەی شەفافییەت لە داهات و خەرجی لە سنووری پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین.
