ئەندامێكی لیژنەی دارایی لە ئەنجومەنی نوێنەرانی عێراق باس لە چارەسەری کێشەی مووچەی فەرمانبەران دەکات و دەڵێت:” چارەسەركردنی پرسی مووچەی مووچەخۆرانی هەرێمی كوردستان هەنگاوی باشی بڕیوە و ئەو گرفتە تەكنیكی و ژمێریارییانەی كە هەبوون چارەسەركراون.
د. نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق بە کەناڵ 8ی رایگەیاند، حكومەتی عێراق داوای تەواوی زانیاریی لەسەر هێزە ئەمنییەكان كردووە، بەڵام زانیاری و داتای فەرمانبەرانی لابووە و ئەوەش وایكردووە ناردنی مووچەی هێزە ئەمنییەكان دوابكەوێت.
سەبارەت بە رادەستکردنی داهاتە نانەوتییەكانی هەرێمی کوردستان بە بەغدا وتیشی:”حكومەتی هەرێم و حكومەتی عێراق تێروانینی جیاوازیان بۆ ئەو بابەتە هەبووە و هەرێم پێیووایە دەبێت 50%ی داهاتی نانەوتی رادەستی بەغداد بكات، بەڵام حكومەتی عێراق دەیەوێت تەواوی داهاتە نانەوتییەكانی هەرێمی رادەستبكرێت”.
