![](https://xelk.org/wp-content/uploads/2024/03/awincity2.png)
وەزیری پێکهاتەکان لە حكومەتی هەرێم ڕایدەگەیەنێت، پێویستە پێكهاتەكان مافی ڤیدتۆیان لە پەرلەمانی كوردستان هەبێت و دەشڵێت: سیستمی کۆتا لە عێراقدا سەرکەوتوو نەبووە، دەبێت لە هەرێمی کوردستان زیاتر کار بۆ فراوانکردن و باشترکردنی سیستمەکە بکرێت.
ئایدن مەعروف، وەزیری پێکهاتەکان لە حكومەتی هەرێمی کوردستان لە كۆنفڕانسێكی ڕۆژنامەوانیدا ڕایگەیاند، حکومەت پشتیوانی داواکاری و مافی پێکهاتەکان و پێکەوەژیانی کردووە، بەڵام لە عێراقدا سیستمی کۆتا سەرکەوتوو نەبووە.
ڕاشیگەیاند، پێویستە لە خوولی داهاتووی پەرلەمانی کوردستان ژمارەی کورسی پێکهاتە ئایینی و نەتەوەییەکان لە پێنج کورسییەوە بکرێت بە 15 کورسی.
ئایدن مەعروف بە گرنگی دەزانێت مافی ڤیتۆ لە خولی شەشەمی پەرلەمان بە پێکهاتەکان بدرێت، تا زیاتر ڕەچاوی ماف و داواکارییەکانیان بکرێت.
ئەمە لەكاتێكدایە، كە 22-2-2024 دادگای باڵای فیدراڵی عێراق بڕیاری هەڵوەشاندنەوەی 11 کورسی کۆتاکانی دا و سیستمی هەڵبژاردنی لە هەرێمی كوردستان كرد بە 4 بازنە.