![](https://xelk.org/wp-content/uploads/2024/03/awincity2.png)
هاتووچۆی هەولێر شۆفێران ئاگادار دەکاتەوە بۆ ماوەی سێ مانگ ڕێگای گەزنە – هەولێر-گۆپاڵ دادەخرێت و شۆفێران ڕێگای تر بگرنە بەر.
بەڕێوەبەرایەتى هاتووچۆى هەولێر لە بڵاوکراوەیەکدا ڕایگەیاند ، ڕێگای گەزنە – هەولێر-گۆپاڵ بەهۆی کارکردن تیایدا بۆماوەی سێ مانگ دادەخرێت، دەشڵێن، ئەو شۆفێرانەی مەبەستیانە ڕێگای (هەولێر- گۆپاڵ- دهۆک) بەکاربێنن دەتوانن شەقامی ۱٥۰مەترى خێرا یان ڕێگای گرد جۆتیار وەک ڕێگای جێگرەوە بەکار بهێنن.
لە ڕبڵاوکراوەکەدا هاتووە، ئاگادار شۆفێران دەکەینەوە پڕۆژەی بەستنەوەی ڕێگای گەزنە – هەولێر-گۆپاڵ، بە هەردوو شەقامی ١٢٠مەترى و ۱٥۰مەترى خێرا کەوتە بواری جێبەجێ کردن بە درێژایی دوو هەزار و ٤٠٠مەتر، ڕێگاکە بەهۆی کارکردن تیایدا بۆماوەی سێ مانگ دادەخرێت.
دەشڵێن، ئەو شۆفێرانەی مەبەستیانە ڕێگای (هەولێر- گۆپاڵ- دهۆک) بەکاربێنن دەتوانن شەقامی ۱٥۰مەترى خێرا یان ڕێگای گرد جۆتیار وەک ڕێگای جێگرەوە بەکار بهێنن بۆ گەیشتن بە ڕێگای (هەولێر- گۆپاڵ-دهۆک).
باس لەوەشکراوە، داوا لە شۆفێران دەکەین ئارامیان هەبێت بۆ دوورکەوتنەوەی ڕێگا تاپڕۆژەکە تەواو دەبێت، ئەم پڕۆژەیە پڕۆژەیەکی ستراتیجیە و دوای تەواو بونی سودی گشتی هەیە.