![](https://xelk.org/wp-content/uploads/2024/03/awincity2.png)
نرخی زێڕ بەهۆی دابەزینی ئاستی هەڵاوسانی ئابووری لە ئەمریكا بەرزبووەوە و نرخی یەك مسقاڵ گەیشتە 507 هەزار دینار و بۆ هەر مسقاڵێك ئەمڕۆ نزیكەی 30 دۆلاری چۆتەسەر.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، ئەمڕۆ جارێكی دیكە نرخی زێڕ لە بۆرسەی جیهانی بەرزبۆتەوە و هۆكارەكەشی دەگەڕێتەوە بۆ دابەزینی ئاستی هەڵاوسانی ئابووری لە ئەمریكا، كە ئەمەش بە ئەرێنی بۆ نرخی زێڕ شكاوەتەوە.
ڕاشیگەیاند، نرخی یەك ئۆنسەی زێڕ گەیشتۆتە 2 هەزار و 408 دۆلار و نزیكەی 30 دۆلار بەرزبۆتەوە و ئەوەش بەرزترین نرخە بەراورد بە مانگی ڕابردوو.
ئاشكراشی كرد، نرخی یەك مسقاڵ زێڕی عەیار 24 بووە بە 578 هەزار دینار و عەیاری 21 بووە بە 507 هەزار و عەیاری 18 بووە بە 436 هەزار دینار.