![](https://xelk.org/wp-content/uploads/2024/03/awincity2.png)
مەسعود بارزانی، سەرۆكی پارتی دیموكراتی كوردستان لەگەڵ بەشێک لە ڕێکخستنە حزبیەکانی کۆبووەوە و ڕایگەیاند، “پارتی بۆ زیندووهێشتنەوەی ئومێد و بڕوابەخۆبوونی گەلی کوردستان دروست بووە”.
ئەمڕۆ پێنج شەممە 11ی تەممووزی 2024 لە شاری هەولێر مەسعود بارزانی لەگەڵ بەشێک لە ئاستە جیاجیاکانی ڕێکخستنی سنووری لق و ناوچەکانی پارتی دیموکراتی کوردستان کۆبوویەوە.
بەپێی ڕاگەیەنراوێكی بارەگانی بارزانی، مەسعود بارزانی وتەیەکی پێشکەش کرد و “سوپاسی خەبات و ماندووبوونی ئەندام و کەوادیری پارتی کرد، کە لە قۆناغە جۆراوجۆرەکاندا بە خۆڕاگریی خۆیان بوونەتە مایەی ئومێد بۆ گەلی کوردستان”.
بارزانی وێڕای ئاماژەدان بە مێژووی پارتی ئەوەی دووپاتکردەوە، کە پارتی بۆ زیندووهێشتنەوەی ئومێد و بڕوابەخۆبوونی گەلی کوردستان دروست بووە و ئامرازە بۆ خزمەتی خەڵکی کوردستان.
وتیشی، “هەر کات پارتی بەهێز بووبێت، کوردستانیش بەهێز بووە”.
هەر لەو كۆبوونەوەیەدا بەپێی ڕاگەیەنراوەكە، بارزانی ڕۆشنایی خستە سەر سەردانی هەفتەی ڕابردوو بۆ بەغدا و هۆکارەکانی ئەو سەردانەی و کۆبوونەوەی لەگەڵ لایەنە عێراقییەکان، بۆ ئامادەبووان شیکردەوە.