![](https://xelk.org/wp-content/uploads/2024/03/awincity2.png)
بەپێی ڕاگەیەندراوێکی وەزارەتی دارایی ئەمرۆ بەشێکی دیکە لە پارەی مووچەی مووچەخۆرانی هەرێم خرایە سەر هەژماری بانکی وەزارەتی دارایی هەرێم
ئەمڕۆ سێشەممە، وەزارەتی دارایی و ئابووری هەرێم لە ڕاگەیەندراوێکدا، بڕی ٤٢١ ملیارو ٧٦٠ ملیۆن دینار خرایە سەر هەژماری بانکی وەزارەتی دارایی.
ئاماژەی بەوەکرد، کەمێک لەمەوبەر بڕی ( ٤٢١،٧٦٠،٠٠٠،٠٠٠ ) چوار سەد و بیست و یەک ملیارو حەوت سەدو شەست ملیۆن دینار وەک بەشێک لە شایستەی مووچەی مانگی حوزەیرانی فەرمانبەرانی شارستانی هەرێمی کوردستان خرایە سەر هەژماری بانکی وەزارەتی دارایی و ئابوری لە لقی هەولێری بانکی ناوەندی عێراق.
هاوکات ڕۆژی ٤ی تەمموز بەشێک لە پارەی مووچەی مانگی حوزەیران خرایە سەر هەژماری بانکی وەزارەتی دارایی و کەسوکاری شەهیدان، ئەنفالکراوان، زیندانیانی سیاسی و خاوەن پێداویستیە تایبەتەکان، خانەنشینانی شارستانی و سەربازی مووچەکانیان وەرگرت.
ئەمەش لە کاتێکدایە، هێزە ئەمنییەکانی هەرێمی کوردستان تا ئێستا مووچەی مانگی ئایار و حوزەیران-یان وەرنەگرتووە و دیار نییە کەی مووچەکانیان دابەشدەکرێت.
لەوبارەیەوە وەزیری پێشمەرگە ڕایگەیاند، ئەمڕۆ لیژنەی وردبینی بەغدا سەردانی وەزارەتەکەی و هێزەکانی 70 و 80 دەکات و ئەوەشی خستەڕوو کە لەم ڕۆژانەدا دەست بە دابەشکردنی مووچەی هێزە ئەمنییەکان دەکرێت.