سەرۆکی ئێران ڕایگەیاند، گرنگییەکی زۆر بە پتەوکردنی پەیوەندییەکانیان لەگەڵ عێراق دەدەن کە بە وڵاتێکی مەزن وەسفیکرد.
د. لەتیف ڕەشید، سەرۆک کۆمار پەیوەندییەکی تەلەفۆنی لەگەڵ مەسعود پزیشکیان سەرۆکی هەڵبژێردراوی ئێران ئەنجامدا و تێیدا پیرۆزبایی سەرکەوتنی لە هەڵبژاردنە سەرۆکایەتییەکەی وڵاتەکەی لێ کرد.
سەرۆک کۆمار هیوای سەرکەوتنی بۆ پزیشکیان خواست لەو بەرپرسیارێتییە گەورە و هەستیارەی کەوتووەتە سەرشانی و پەیوەندییەکانی نێوان عێراق و ئێرانیشی بە دۆستانە و برایانە وەسفکرد.
هاوکات خواستی عێراقیشی بۆ پاراستنی پەیوەندی قووڵ و بەهێزی لەگەڵ ئێران و پتەوکردنی دووپات کردەوە.
لایخۆشیەوە مەسعود پزیشکیان وەک ئاماژەیەک بۆ پتەویی پەیوەندییەکان ڕایگەیاند، ئاستی پەیوەندییە سیاسی و ئابووری و ڕۆشنبیری و ئایینییەکانی نێوان عێراق و ئێران پێویستی بە ڕوونکردنەوە نییە و هیواشی خواست پەیوەندییەکان پتەوتر بکرێن.
پزیشکیان وتیشی: “ئێمە گرنگییەکی زۆر بە وڵاتی مەزنی عێرق دەدەین” و ستایشی هەوڵەکانی سەرۆک کۆماری عێراقیشی کرد لە پتەوکردنی پەیوەندییەکاندا.
