میدیاکانی فەرەنسا ئەنجامی بەرایی هەڵبژاردنی پەرلەمانی ڕاگەیاند کە ئەمڕۆ بەڕێوەچوو، و هاوپەیمانی چەپ پێشەنگی هەڵبژاردنەکانی یاسادانانی فەرەنسای گرتووە.
بەپێی ئاماری ئەنجامی بەرایی هەڵبژاردنەکە هاوپەیمانی بەرەی نوێی گەل مەزەندە دەکرێت 215 کورسی بەدەستبهێنێت و بەمەش دەبێتە براوە و دەتوانێت حکومەتی نوێ پێکبهێنێت.
مێلینشۆن، ڕێبەری چەپەکان جەختی لەوە کردەوە، “دەبێت سەرۆک ماکرۆن دان بەم شکستەدا بنێت و سەرۆکوەزیرانیش بڕوات”.
ئاماژەی بەوەشکرد، “سەرۆک دەسەڵات و ئەرکی ئەوەی هەیە کە بەرەی جەماوەری بانگهێشت بکات بۆ پێکهێنانی حکومەتی نوێ و ئاڵوگۆڕی دەسەڵات”.
