داهاتی هەفتەی ڕابردووی سنووری سلێمانی و هەڵەبجە بڕی 16 ملیار و 668 ملیۆن و 540 هەزار و 670 دینار بووە.
سایتی (شەفافیەت) بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی ڕاپەڕین و گەرمیان داهاتی هەفتەی ڕابردووی بڵاوكردەوە و ڕوونی كردۆتەوە، بڕی 16 ملیار و 668 ملیۆن و 540 هەزار و 670 دینار بووە، بەجۆرێك كە 91%ـی داهاتەکە بەشێوەی نەختینەیە و 9%ـی داهاتەکە بەشێوەی چەکە.
ڕۆژی 15-12-2022 دوای 30 ساڵ، قوباد تاڵەبانی، جێگری سەرۆك وەزیرانی هەرێم پڕۆژەی شەفافییەت لە داهات و خەرجی لە سنووری ئیدارەی یەكێتی ڕاگەیاند.
