لە بڵاوکراوەیەکدا دەزگای ئاسایشی هەرێم دەست گیرکردنی 10 تۆمەتباری ڕاگەیاند کە ئۆتۆمبێلی بڕاوەیان پێکەوە لکاندبووەوە.
بەڕێوەبەرایەتی ئاسایشی ڕۆژئاوای سلێمانی، دوای بەدواداچوون و چاودێری وورد، لەچالاکییەکەدا ڕۆژی ٢٠٢٤/٦/٢ بەهەماهەنگی بەڕێوەبەرایەتی بازگەکان، توانیان لەناوچەی ( چیمەن )ی نزیک شاری کەرکوک، دەستبگرن بەسەر کارگەیەکی پێکەوەنان و لەحیمکردنەوە،
لە بڵاوکراوەکەدا دەزگای ئاسایشی هەرێم ئاماژەی بەوەکردووە، لە کارگەکەدا (١٧) ئۆتۆمبێلی بێ سەرەتا و بڕاوەی تێدابوو، کە بەڕێگای نایاسایی لەشاری بەسرەوە هێنرابوون و تۆمەتباران بەنیازبوون دوای چاکردنەوەی ئۆتۆمبێلەکان لە کوردستان ساغیبکەنەوە، بەبڕیاری دادوەری لێکۆڵینەوەی ئاسایش سەرجەم تۆمەتباران دەستگیرکران.
لەئێستادا تۆمەتباران بەماددەی (٢٤٠)لەیاسای سزادان ڕاگیراون و لێکۆڵینەوە لەدۆسیەکانیان بەردەوامە.
ئەمە لەکاتێکدایە تا ئێستا هیچ بڕیارێک بۆ تۆمارکردنی ئۆتۆمبێلە بێ سەرەتاکان لە هەرێم بوونی نییە، و لە چەند ڕۆژی ڕابردوشدا لەلایەن هاتووچۆوە دەست بەسەر چەندین ئۆتۆمبێلی بێ سەرەتادا گیرا.
