ئێمە لە تۆرە کۆمەڵایەتیەکان

کوردستان

لیژنه‌ هاوبه‌‌شه‌كانی قایمقامێتیی سلێمانی لە ڕەمەزاندا سەردانی چوار ھەزار شوێنیان کردووە

خەڵک-بەشی ھەواڵ

لیژنه‌ هاوبه‌‌شه‌كانی قایمقامێتیی سلێمانی ئاماژە بەوە دەکات، له مانگی ‌ره‌مه‌ز‌اندا پشكنین بۆ چوار هه‌زار شوێن كراوه‌ و ژمارەیەک شوێنی کاریش داخراون.

ڕاگەیاندنی قایمقامێتیی سلێمانی ڕایگەیاند: “له‌ مانگی ره‌مه‌زانی پیرۆزدا لیژنه‌ هاوبه‌شه‌كانی قایمقامێتی سلێمانی زیاتر له‌ ٤ هه‌زار سه‌ردانیان بۆ بازاڕ و شوێنه‌ گشتییه‌كان ئه‌نجامداوه‌ و بڕێكی زۆر كاڵا و شمه‌كی ماوه‌ به‌سه‌رچووش به‌ فه‌رمانی قائیمقام له‌ناو براوه.”

له‌ ئاماره‌کەی ڕاگەیاندنی قایمقامێتیی سلێمانیدا ھاتووە: “لە مانگی رەمەزاندا ٦٥٠ شوێن ئاگادار كراونه‌ته‌وه‌ كه‌ پابه‌ندی مه‌رج و رێنماییه‌كانی كاركردن بن، به‌ پێچه‌وانه‌وه‌ شوێنه‌كه‌ و خاوه‌نه‌كه‌ی روبه‌ڕووی ڕێوشوێنی پێویست ده‌كرێنه‌وه‌.

هه‌روه‌ها؛ له‌و‌ ژماره‌ سه‌ردانانه‌ی لیژنه‌ هاوبه‌شه‌كان ئه‌نجامیان داوه‌‌ ١٧٦ شوێنی كاركردن سه‌رپێچییان له‌‌ مه‌رج و رێنماییه‌كانی كاركردن كردووه‌ و به‌و هۆیه‌شه‌وه‌ كارڕای پێویستییان به‌رامبه‌ر گیراوه‌ته‌ به‌ر.

له‌ ئاماره‌كه‌دا ئاماژە بەوە کراوە: به‌ هۆی دووباره‌ كردنه‌وه‌ی سه‌رپێچییه‌كانیانه‌وه‌ ٦ شوێن له‌لایه‌ن لیژنه‌ هاوبه‌شه‌كانی قایمقامێتیی سلێمانییه‌وه‌ داخراون، ٢ شوێنیش ڕوبه‌رووی دادگا كراونه‌ته‌وه‌.

ئه‌وه‌ش ڕوونكراوه‌ته‌وه‌؛ “بڕی ئه‌و خۆراك و مادده‌ ماوه‌ به‌سه‌رچووانه‌ی ده‌ستی به‌سه‌ردا گیراوه‌ زیاتر له‌ ٢٥ تۆنه‌ و‌ به‌فه‌رمانی قائیمقامی سلێمانی و له‌لایه‌ن لیژنه‌ی له‌ناوبردنی سه‌ر به‌ لیژنه‌ هاوبه‌شه‌كانه‌وه‌ له‌ناوچه‌ی تانجه‌رۆی شاری سلێمانی له‌ناوبراون‌.”

کوردستان

لە سلێمانی دەرمانخانە و نۆرینگەیەك داخران

خەڵك- بەشی هەواڵ
بەهۆی نەبونی مۆڵەت و بە نایاسایی كاركردن، لیژنەی تەندروستی سەر بە لیژنە هاوبەشەكانی قائیمقامیەتی سلێمانی نۆرینگەیەك و دەرمانخانەیەك دادەخات.

گۆران قادر، سەرۆكی لیژنە هاوبەشەكان بە (خەڵك)ی رایگەیاند؛ لە ئەنجامی پشكنینە بەردەوامەكانی لیژنەی هاوبەشی تەندروستی بۆ دەرمانخانە و نۆرینگە و تاقیگە پزیشكیەكان، بەهۆی پابەند نەبونیان بە مەرج و رێنماییەكانی كاركردن نۆرینگەی جەمال و دەرمانخانەی رێنما لەشاری سلێمانی دادەخرێن.

وتی” نۆرینگەی جەمال لە گەڕەكی كانی كوردەی شاری سلێمانی پێشتر پسوڵەی بۆكراوە و ئاگاداركراوەتەوە پابەندی ئەو (18) جۆر دەرمانەی سەندیكای دەرمانسازان ‌بۆی دیاریكردون بێت و جۆری زیاتر لە دەرمانخانەكەیدا نەبێت، بەڵام بەهۆی سەرپێچیەوە بڕیاری داخستنی شوێنەكە دراوە.”

وتیشی”سەرپێچی دەرمانخانەی رێنما لە گەڕەكی تاڤگە نەبونی مۆڵەتی كاركردنە، بەپێی یاسا رێگە بەو شوێنانە نادرێت بێ مۆڵەت كاربكەن، بۆیە شوێنەكە دادەخرێت تا ئەوكاتەی مۆڵەتی كاركردن تەواودەكات و بەفەرمانی قائیمقامیەتی سلێمانی و لەلایەن لیژنەی هاوبەشی تەندروستیەوە هەردو نۆریگەی جەمال ودەرمانخانەی رێنما دادەخرێت و رێكاری یاسایی پێویست بەرامبەر خاوەنەكانیان دەگیرێتە بەر.”

سەرۆكی لیژنەكان رونیكردەوە؛ بۆ ئەنجامدانی هەركارو پیشەیەكی بازرگانی، پێویستە خاوەنكار مۆڵەتی كاركردن لە لایەنی پەیوەندیدار بە پیشەكە وەربگرێت كە بنەمای كار كردنەكەیەتی، دوای تەوابونی مۆڵەت دەست بەكارەكەی بكات، بەهەمان شێوە بۆ دەرمانخانەكان پێویستە لە بەرێوەبەرایەتی تەندروستی سلێمانی مۆڵەتی كردنەوە بۆ شوێنەكە و كاركردن تێیدا وەربگرن، كاركردنی بێ مۆڵەت سەرپێچیە و لەلایەن لیژنە هاوبەشەكانەوە دادەخرێت.

بەردەوام بە لە خوێندنەوە

کوردستان

دانیشتنێكی دیكەی دادگاییكردنی دەمیرتاش بەڕێوەچوو

خەڵك- بەشی هەواڵ

دوێنێ پێنج شەممە دادگایەكی دیكەی سەڵاحەدین دەمیرتاش هاوسەرۆكی پێشووی پارتی دیموكراتی گەلان (هەدەپە) لە لایەن نۆزدەهەمین دادگای سزا قورسەكانی ئەنقەرەوە بەڕێوەچوو.

سەڵاحەدین دەمیرتاش لە دانیشتنی دادگاییكردنیدا رایگەیاند “دادگایەك ناتوانێت لە بەرانبەر من وەها ڕەفتار بكات. ئەگەر ئێوە دان بە بڕیاری دادگای مافی مرۆڤی ئەورووپادا نانێن، دەتوانن بەئاشكرا بڵێن بڕیارەكەی دادگای مافی مرۆڤی ئەورووپا پەیوەندی بە ئێمەوە نییە. هەر نەبێ بڕیاری ئەوەتان نەدابوایە كە بێلایەنن یان لایەنگر”.

لە دادگاییكردنەكەدا سەزای تەمەللی هاوسەرۆكی گشتیی هەدەپە و چەندین پەرلەمانتاری هەدەپە ‌و دەیان پارێزەری دۆسیەی دەمیرتاش ئامادە بوون. لە شاندە بیانییەكانیش تەنیا ڕێ بە ٥ كەس درا ئامادەی دانیشتنەكە بن و بە بیانووی جۆراوجۆر ڕێگری لە ٦ كەسیان كرا. هەروەها ڕێگە بە ڕۆژنامەوانان نەدرا دەربازی هۆڵی دانیشتنەكە بن، تەنیا ڕێ بەو ڕۆژنامەوانانە درا كە كارتی زەردیان هەیە.

دەستەی دادگا لە دانیشتنی دوانیوەڕۆیدا بڕیاری دا دەمیرتاش بە زیندانی كراوی بمێنێتەوە و دانیشتنەكەشی بۆ ٢٣-٢٤-٢٥ی كانوونی دووەمی ٢٠١٩ دواخست.

بەردەوام بە لە خوێندنەوە

کوردستان

داوای قەدەغەكردنی راوی ریشۆڵە دەكرێت

سلێمانی ـ نزار جەزا

ڕیشۆڵە یەكێكە لەباڵندە گرنگەكان بۆ ڕاگرتنی هاوسەنگی ژینگە و زەوییە كشتوكاڵییەكان، ڕێكخراوێكی بواری كشتوكاڵیش داوادەكات لایەنە پەیوەندیدارەكان هاوكاربن بۆ كەمكردنەوەی ڕاوكردنی ڕیشۆڵە.

ڕۆژیار سیروان سەرپەرشتیاری رێكخراوی گروپی كشتوكاڵی ARD، بە(خەڵك)ی ڕاگەیاند، بەڕاوكردنی ڕیشۆلە هاوسەنگی ژینگە تێكدەچێت و دەردە كشتوكاڵییەكان لەناو كێڵگەدا دروستدەبێت، بەجۆرێك لەپاش كێڵانی زەوی، مێرووە زیانبەخشەكانی ناو خاكەكە دێنە سەر خاكەكە و ڕیشۆڵە ئەم مێرووانە دەخوات، بەڵام ئەگەر ڕیشۆڵە نەبێت، دووبارە ئەم مێرووانە دەچنەوە ناو خاكەكە و زیان بە خاكەكە و بەروبومی خاكەكە دەگەیەنن.

ئاماژەی بەئەوەشدا، لەئەنجامی ئەمەدا نەخۆشییە كشتوكاڵییەكان زیاد دەكات، لەبەرامبەر ئەم نەخۆشییانەدا جوتیار قڕكەرە كیمیاییەكان بەكاردەهێنێت، ئەم قڕكەرەكەش لەبازاڕدا بەنرخێكی هەرزان دەفرۆشرێت و زیانی زۆری هەیە.

زیاتر ڕوونیكردەوە، یەكێك لەو مادە كیمیاییە قڕكەرانە مادەی دیازینۆنە، كە لەجیهاندا قەدەغە كراوە، چونكە هۆكارە بۆ دروستبوونی نەخۆشی شێرپەنجە، هاوكات ئەم مادەیە لەتوانایدایە بۆ ماوەی دە ساڵ لەخاكدا دەمێنێتەوە و لەكاتی باران باریندا ڕۆدەچێتە خوارەوە بۆ ناو ئاوی ژێر زەوی و پیسی دەكات.

ناوبراو داواشیكرد، چیتر ڕیشۆڵە ڕاونەكرێت و لەگەڵ لیژنەكانی قائیمقامیەت و لایەنە پەیوەندیدارەكان لەهەماهەنگیدان بۆ ئەوەی ڕێگری بكەن لە ڕاوكردنی ڕیشۆڵە.

وتیشی:”بەپێی یاسا ڕاوكردنی هەر ڕیشۆڵەیەك غەرامەكەی 100 هەزار دینارە”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 31 دەنگ دان
    31 دەنگ دان 86%
    31 دەنگ دان - 86% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 6%, 2
    2 6%
    2 - 6% هەموو دەنگەکان

کوردستان

دوایین