![](https://xelk.org/wp-content/uploads/2024/03/awincity2.png)
وەزارەتی سامانە سروشتییەکان ڕایگەیاند، نابێت بە بێ ڕەزامەندی حکومەتی هەرێمی کوردستان هیچ بڕە غازێکی کێڵگەی کۆرمۆر بفرۆشرێت.
ئەمڕۆ چوارشەممە، وەزارەتی سامانە سروشتییەکانی هەرێمی کوردستان ڕایگەیاند، بەرهەمی غاز لە کێڵگەی کۆرمۆر بەپێی گرێبەست لەگەڵ پێرل پێترۆلیۆم ( دانەغاز) تەرخانکراوە بۆ کەرتی کارەبا.
جەختیشیکردەوە کە “هەر بڕە غازێک کە بەرهەم بێت، نابێت بەبێ ڕەزامەندی حکومەتی هەرێم بفروشرێت بە هیچ لایەنێک”.
ئەم ڕوونکردنەوەیەی وەزارەتی سامانە سروشتییەکان دوای بڵاوبوونەوەی ئەو هەواڵانە هات کە باس لەوە دەکەن، وەزارەتی کارەبای عێراق غازی کێڵگەی کۆرمۆر لە کۆمپانیای دانە غاز دەکڕێتەوە.