بەڕێوەبەرایەتیی گشتى تەندروستى راپەڕین هاووڵاتییان و گەشتیاران ئاگادار دەکاتەوە بۆ پاراستینی تەندروستی خۆیان سەردانی نیشتیمانی نەورسەکان نەکەن.
لە بڵاوکراوەیەکدا بەڕێوەبەرایەتی گشتی تەندروستی ڕاپەڕین ئاماژە بەوەدەکات، هاووڵاتیان ئاگادار دەکەینەوە لەپێناو پاراستنى تەندروستى و سەلامەتى خۆیان و کۆمەڵگا خۆیان بەدور بگرن لە سەردانیکردنى شوێنى نەورەسەکان لە دەریاچەى دوکان.
هەر لە بڵاوکراوەکەدا ئاماژە بەوەدراوە، جگە لە تیمە پسپۆڕەکان و لایەنە پەیوەندیدارەکان داواکارین هیچ کەس و لایەنێکی تر سەردانی نیشتیمانی نەوڕەسەکان نەکات تاکو بەفەرمیی دڵنیایی دەدرێت لە جۆری نەخۆشیەکە و سەلامەتی بۆ مرۆڤ لەلایەن ڤێتەرنەری سنورەکە.
ماوەی سێ رۆژە سەدان باڵندەی نەورەس لە دەریاچەی دوکان مرداربوونەتەوە و تاوەکو ئێستاش هۆکاری راستەقینەی لەناوچوونی نەورەسەکان ئاشکرانەبووە.
