زۆرینەمان تووشی زەنگی دەنگ لە گوێدا دەبین، کە دەنگێکی بێزارکەرە و ڕەنگە زۆرینەمان تا ئەم ساتە هۆکارەکەی نەزانین.
ڤیتاوتاس کیسێلیۆس، پسپۆڕی بیستن و لووت و قوڕگ لە پەیمانگای سڤێرژێڤسکی بۆ توێژینەوەی زانستی کلینیکی لە وەزارەتی تەندروستی ڕوسیا دەڵێت، زیاتر فشاری دەروونی و تێکچوونی خەو و تێکچوونی خواردن و کەمخەوی هەموویان دەبنە هۆی گرژبوونی زۆری دەمارەکان، کە ڕەنگە ببێتە هۆی دەرکەوتنی زەنگی دەنگ لە گوێدا”.
ڤیتاوتاس کیسیلیۆس دەڵێت، زاراوەی پزیشکی جیاواز هەیە، وەک ژاوەژاو، فیشەکە، قیژە و زەنگ لێدان، بەڵام ئەمە زۆرجار لە سترێس و تێکچوونی خەو و تێکچوونی خواردن زیاتر دەردەکەوێت، بەشێکیشیان لە شارە گەورەکان زیاتر ڕوودەدەن،
داریا بیدانۆڤا پسپۆڕی گوێ و لووت و قوڕگ دەڵێت، “ڕەنگە زەنگی دەنگ لە ئەنجامی نیشانەیەکی نەخۆشی شەکرە یان تێکچوونی کاری غودەی دەرەقی و شەقیقە و کەمخوێنی و هەوکردنی جومگەکانی ڕۆماتیزم دروست دەبێت”.
ئاماژەی بەوەشکردووە، ئەگەر پزیشکی گوێچکە و لووت نەخۆشیەکانی گوێچکە دەستنیشانی نەکات، ئامۆژگاریت دەکات سەردانی نووسینگەی پزیشکی دەمار، پزیشکی دڵ، پزیشکی هەناو، یان نەشتەرگەری فەقەرات بکەیت.
