دوانیوەڕۆی ئەمڕۆ شەممە، سەرۆكی یەكێتیی نیشتمانیی كوردستان گەیشتە بەغدا.
بەپێی ڕاگەیەنراوی نووسینگەی سەرۆكی یەكێتی، بافڵ جەلال تاڵه‌بانی، سه‌رۆكی یه‌كێتیی نیشتمانیی كوردستان گەیشتە به‌غدا.
ئاماژەی بەوەشكردووە، ئامانجی سەردانەكە چه‌ندین كۆبوونه‌وه و دیداری سیاسی گرنگی سه‌باره‌ت به‌مافه‌كانی گه‌لی كورد و مووچه‌خۆران و یه‌كخستنی هه‌وڵه‌كان بۆ چاره‌سه‌ركردنی كێشه‌كانی نێوان هه‌ولێر و به‌غدا ده‌بێت.
بەپێی زانیارییەكان، سەردانی بافڵ تاڵەبانی بۆ به‌غدا له‌چوارچێوه‌ی به‌رده‌وامی هه‌وڵه‌كانیدایه بۆ زامنكردنی مووچه‌ی مووچه‌خۆرانی هه‌رێم و پاراستنی مافه‌كانی كۆمه‌ڵانی خه‌ڵكی كوردستان، هه‌روه‌ك سوپاسكردنی سه‌رۆك وه‌زیران و لایه‌نه سیاسییه‌كانی پێكهێنه‌ری حكومه‌تی عیراق، كه به‌ده‌نگ داواكاری یه‌كێتیی نیشتمانیی كوردستانه‌وه هاتن و هه‌ماهه‌نگ بوون بۆ چاره‌سه‌ركردنی كێشه‌كانی به‌رده‌م مووچه‌خۆرانی هه‌رێم.
