لەدوای کارەساتەکەی ئەمڕۆی بەسرە، کەمێک پێش ئێستا سەرۆکوەزیرانی عێراق بە تەلەفون لە دۆخی بریندارانی کارەساتەکە دەکۆڵێتەوە.
بەپێێ زانیارییەکان سودانی فەرمانیکردووە هەرچی کاری پێویست و بەپەلەیە بۆ ئەو بریندارانە بکرێت کە لە ڕوووداوەکەدا بوونەتە قوربانی، هاوکات ئەو بریندارانەی باری تەندروستییان ناجێگیرە بەزووی کاریان بۆ بکرێت.
سەرۆکوەزیران هاوخەمی خۆیی و سەرەخۆشی لە کەسوکاری قوربانیانی ڕووداوەکە دەکات.
هاوکات تەندروستی بەسرە ڕایگەیاند، تەواوی توانا و هەوڵەکانیان دەخەنە گەڕ بۆ چارەسەرکردنی بریندارانی ڕووداوەکە.
لە ڕووداوێکی هاتووچۆی سەختدا لە پارێزگای بەسرە ئۆتۆمبێلێکی بارهەڵگر لە 50 خوێندكار دەدات لە کاتی دەرچوونیاندا لە خوێندنگە و بەهۆیەوە 6 خوێندكار گیانیان لەدەستداوە و 11 خوێندكار بریندار بوون و بەهۆیەوە بۆ ماوەی 3 ڕۆژ ماتەمینی گشتی ڕاگەیەنرا.
