ئێمە لە تۆرە کۆمەڵایەتیەکان

جیهانی

یاریزانانی ڕیاڵ بڕیاریانداوه‌ تا (مردن) له‌گه‌ڵ سۆلاری بڕۆن و دوو ئه‌ستێره‌ی ناودار بارودۆخه‌که‌یان به‌دڵ نییه‌ !

خه‌ڵک سپۆرت

شه‌وی ڕابردوو یانه‌ی ڕیاڵ مه‌درید له‌ده‌ره‌وه‌ی یاریگای خۆی به‌ پێنج گۆڵ و سه‌رکه‌وتنێکی گه‌وره‌وه‌ له‌ چیک گه‌ڕایه‌وه‌، ئه‌وه‌ش متمانه‌ی زیاتری به‌ سانتیاگۆ سۆلاری راهێنه‌ری کاتیی به‌خشی.

ڕاسته‌وخۆ له‌دوای ڕووبه‌ڕوبونه‌وه‌که‌ کاسیمێرۆ و ئه‌لڤارۆ ئۆدریزۆلا و که‌ریم بنزیمه‌ و گاریس به‌یل و دانی سیبالۆس و چه‌ندین ئه‌ستێره‌ی تر له‌وه‌ڵامی ڕۆژنامه‌نوساندا ڕایانگه‌یاند، که‌ ڕاهێنه‌ره‌ ئه‌رجه‌نتینیه‌که‌ توانیویه‌تی سه‌رکه‌وتو بێت له‌ خوڵقاندنی که‌شێکی ئارام بۆیان.

سیبالۆس ده‌ڵێت :” گۆڕانکاری لوپێتیگی به‌ سۆلاری له‌جێگه‌ی خۆیدا بوو، ئێمه‌ به‌ گۆڕانکاری راهێنه‌ران دڵخۆش نین، به‌ڵام سۆلاری توانی له‌دوای که‌وتنی کلاسیکۆ له‌بارودۆخێکی ده‌رونی خراپه‌وه‌ بمانگه‌ڕێنێته‌وه‌ دۆخێکی ئاسایی”.

پاشان ئۆدریزۆلا ڕایگه‌یاند :” تا مردن له‌گه‌ڵ سۆلاری به‌ره‌دوام ده‌بین و له‌پێشودا یاریزانێکی به‌توانا بووه‌ و ئێمه‌ سود له‌ ئه‌زمونه‌که‌ی وه‌رده‌گرین”.

له‌م باره‌یه‌وه‌ پۆرتاڵی “دۆن بالۆن” چه‌ند زانیارییه‌کی تری ئاشکرا کردووه‌ و نوسیویه‌تی: ژووری خۆگۆڕینه‌کانی “مێره‌نگی” یاریزانان به‌گشتی پاڵپشتی سۆلاری ده‌که‌ن ته‌نها دوو یاریزان نه‌بێت، ئه‌وانیش مارکۆ ئاسینسیۆ و ئیسکۆ ئالارکۆنی ئیسپانین، ئه‌م دوو یاریزانه‌ ئیداره‌ی یانه‌که‌یان ئاگادار کردۆته‌وه‌ که‌ له‌دوای لوپێتیگی پێکهاته‌که‌یان پێویستی به‌ راهێنه‌رێکی جیهانییه‌.

جیهانی

ئیداره‌ی به‌رشلۆنه‌ گواستنه‌وه‌ی گریزمانی ڕاگرتووه‌ و پلانی (B) به‌کارخستووه‌ !

خه‌ڵک سپۆرت

گواستنه‌وه‌ی ئه‌نتوان گریزمانی فه‌ره‌نسی له‌ یانه‌ی ئه‌تله‌تیکۆ مه‌دریده‌وه‌ بۆ به‌رشلۆنه‌ چه‌ندین ئاسته‌نگی بۆ دروست بووه‌ و به‌وهۆیه‌وه‌ نوێنه‌رانی یانه‌ که‌ته‌لۆنیه‌که‌ له‌ گفتوگۆکان کشاونه‌ته‌وه‌.

سه‌ره‌ڕای ئه‌وه‌ی زۆرینه‌ی میدیا جیهانیه‌کان پێیان وایه‌ گواستنه‌وه‌ی ئه‌نتوان گریزمان له‌ یانه‌ی ئه‌تله‌تیکۆ مه‌دریده‌وه‌ بۆ یانه‌ی به‌رشلۆنه‌ یه‌کلایی بۆته‌وه‌ و ته‌نها چاوه‌ڕوانی ئه‌نجامه‌کانی جامی شای ئیسپانیا ده‌کرێت، به‌ڵام سه‌رچاوه‌یه‌ک ئه‌و زانیارییانه‌ به‌ نادروست له‌قه‌ڵه‌م ده‌دات.

ڕۆژنامه‌ی “موندۆ دیپۆرتیڤۆ”ی که‌ته‌لۆنی له‌زاری فرانسیس ئاگویلاری ڕۆژنامه‌وانی نزیکی یانه‌ی به‌رشلۆنه‌وه‌ ئاشکرای کردووه‌، گفتوگۆکان بۆ گواستنه‌وه‌ی ئه‌نتوان گریزمان چه‌ندین کۆسپی هاتۆته‌ به‌رده‌م و به‌ر دیوارێکی پۆڵایین که‌وتووه‌، ته‌واوی به‌ڵێن و ڕێکه‌وتنه‌کان شکستیان هێناوه‌ و چیتر ئیداره‌ی بارسا نایانه‌وێت جارێکی تر بگه‌ڕێنه‌وه‌ نیو هه‌مان چوارچێوه‌ بۆیه‌ پلانی دووه‌م و یه‌ده‌گیان به‌کارخستووه‌.

ئاگویلار وتویه‌تی: له‌که‌سایه‌تیه‌کی ناوخۆیی یانه‌ی به‌رشلۆنه‌وه‌ زانیومه‌ که‌ هه‌موو هه‌وڵه‌کان سه‌باره‌ت به‌ گریزمان شکستیان هێناوه‌، گفتوگۆکان خۆیان کێشاوه‌ به‌ دیوارێکی پۆڵایندا و هیچ هیوایه‌ک نه‌ماوه‌، پلانی دووه‌م به‌کارده‌خرێت.

به‌وته‌ی ڕۆژنامه‌وانه‌ ناوداره‌که‌، پلانی دووه‌م بریتیه‌ له‌ گواستنه‌وه‌ی یه‌کێک له‌ ماکسی گۆمێز یاخود ڕۆدریگۆ مۆرینۆ، به‌ڵام ناوی یه‌که‌م ده‌نگی زۆرینه‌ی له‌سه‌ر نییه‌ و هه‌موو ئه‌گه‌ره‌کان به‌و ئاڕاسته‌یان ڕۆدریگۆ مۆرینۆی هێرشبه‌ری یانه‌ی ڤالێنسیا وه‌ک هێرشبه‌ری یاریده‌ده‌ری لویس سوارێز دیاری بکرێت.

بەردەوام بە لە خوێندنەوە

جیهانی

یونایتد په‌یوه‌ندی له‌گه‌ڵ خێزانی دیبالا به‌ستووه‌ و ئاماده‌یه‌ ئاڵوگۆڕیش بکات !

خه‌ڵک سپۆرت

به‌رپرسانی یانه‌ی مانچسته‌ر یونایتدی ئینگلیزی هه‌موو هه‌وڵێک ده‌ده‌ن بۆ توندوتۆڵکردنه‌وه‌ی هێڵی هێرشبه‌ری پێکهاته‌که‌یان و بۆ ئه‌و مه‌به‌سته‌ش په‌یوه‌ندیان به‌ خێزانی پاولۆ دیبالای ئه‌رجه‌نتینیه‌وه‌ کردووه‌.

ڕۆژنامه‌ی “توتۆ سپۆرت”ی نزیک له‌ یانه‌ی یوڤانتۆس ئاشکرای کردووه‌، له‌ماوه‌ی ڕابردوودا دیبالا بێزاربووه‌ له‌ یانه‌ی یوڤانتۆس و له‌گه‌ڵ لێپرسراوی کاره‌کانی و خێزانه‌که‌یدا به‌جدی تاوتوێی ڕۆیشتنی کردووه‌ له‌یانه‌ ئیتاڵیه‌که‌، ته‌نانه‌ت گوستاڤۆی برای به‌ ئاشکرا به‌ ئۆلێی ئه‌رجه‌نتینی ڕاگه‌یاندووه‌ :” ئه‌گه‌ر زۆره‌ براکه‌م له‌ یوڤانتۆسه‌وه‌ ڕوو له‌یانه‌یه‌کی تر و تاقیکردنه‌وه‌یه‌کی نوێ بکات”.

ڕۆژنامه‌ ئیتاڵیاکه‌ نوسیویه‌تی: بێزاری دیبالا به‌هۆی پشتگوێخستنیه‌وه‌ بووه‌ له‌لایه‌ن ماسیمیلیانۆ ئالێگری ڕاهێنه‌ره‌وه‌، به‌ڵام له‌ئێستادا ڕاهێنه‌ره‌که‌ ماڵئاوایی کردووه‌ و چیتر پێده‌چێت هێرشبه‌ره‌ ئه‌رجه‌نتینیه‌که‌ ئه‌و توڕه‌یی و بێزارییه‌ی نه‌مابێت، له‌گه‌ڵ ئه‌وه‌شدا یانه‌ی مانچسته‌ر یونایتد مه‌ترسیه‌کی گه‌وره‌یه‌، چونکه‌ ئاماده‌ییان نیشانداوه‌ له‌حاڵی ڕازیبونی یاریزانه‌که‌ نرخی شکاندنی بۆنده‌که‌ی پێشکه‌ش بکه‌ن که‌ نزیکی ٩٠ ملیۆن یورۆیه‌.

به‌پێی “توتۆ سپۆرت” گفتوگۆی ئید ودواردی به‌ڕێوه‌به‌ری جێبه‌جێکاری “ڕێد دێڤڵز” و خێزانی دیبالا به‌فه‌رمی ده‌ستی پێکردووه‌، یانه‌ ئینگلیزییه‌که‌ به‌رامبه‌ر یوڤانتۆس ئاماده‌ن جگه‌ له‌ پێشکه‌شکردنی نرخی شکاندنی بۆنده‌که‌ی ئاڵوگۆڕیش ئه‌نجام بده‌ن، ئاڵوگۆڕی دیبالا به‌ پۆگبا و بڕێکی زۆر پاره‌ به‌و مه‌رجه‌ی که‌ یانه‌ ئینگلیزیه‌که‌ داوای ده‌کات.

بەردەوام بە لە خوێندنەوە

جیهانی

(کۆنتی و بۆنده‌ گه‌وره‌که‌ به‌یه‌که‌وه‌) ئیداره‌ی ئینته‌رمیلان به‌ڵێنی بۆندێکی گه‌وره‌یان به‌ کۆنتی داوه‌

خه‌ڵک سپۆرت

ئیداره‌ی یانه‌ی ئینته‌رمیلان هه‌موو هه‌وڵێک ده‌دات بۆ قایلکردنی ئه‌نتۆنیۆ کۆنتی و بۆ ئه‌و مه‌به‌سته‌ش به‌ڵێنی گواستنه‌وه‌یه‌کی گه‌وره‌یان پێداوه‌.

ڕۆژنامه‌ی “توتۆ سپۆرت”ی ئیتاڵی ئاشکرای کردووه‌، له‌ئێستادا ئیداره‌ی یانه‌ی ئینته‌رمیلان له‌ گفتوگۆیه‌کی چڕوپڕ و درێژخایه‌ندان بۆ قایلکردنی ئه‌نتۆنیۆ کۆنتی ڕاهێنه‌ری پێشوی ئیتاڵیا و یانه‌کانی یوڤانتۆس و چێڵسی، ڕاهێنه‌ره‌که‌ ده‌یه‌وێت به‌ر له‌ قبوڵکردنی ئۆفه‌ره‌ پێشکه‌شکراوه‌کان ته‌واوی ورده‌کارییه‌ وه‌رزشیه‌کان کۆتایی پێبهێنێت، بۆ ئه‌و مه‌به‌سته‌ش چه‌ندین داواکاری له‌سه‌ر ئاستی پێکهاته‌ی یانه‌ و گواستنه‌وه‌کان هه‌بووه‌.

به‌پێی زانیارییه‌ به‌ده‌ستهاتووه‌کان، کۆنتی له‌پاڵ ماورۆ ئیکاردی ئه‌رجه‌نتینی داوای هێرشبه‌رێکی به‌توانای تری کردووه‌، بۆ ئه‌م مه‌به‌سته‌ش ئیداره‌ی “نێراتزۆری” په‌یوه‌ندیان له‌گه‌ڵ ئیدین دزیکۆی بۆسنی هێرشبه‌ری یانه‌ی ڕۆما به‌ستووه‌ و هه‌موو ئه‌گه‌ره‌کان به‌و ئاڕاسته‌یه‌ن هێرشبه‌ره‌ زه‌به‌لاحه‌که‌ی ڕۆما له‌ماوه‌یه‌کی نزیکدا به‌بڕی ٢٥ ملیۆن یورۆ بۆنده‌که‌ی ئیمزا بکرێت.

“توتۆ سپۆرت” ئاماژه‌ی کردووه‌، گواستنه‌وه‌ی کۆنتی و ئیدین دزیکۆ هاوکات ده‌بێت بۆ یانه‌ی ئینته‌رمیلان، له‌به‌رامبه‌ردا لوچیانۆ سپالێتی بۆنده‌که‌‌ی کۆتایی پێده‌هێنرێت و جگه‌ له‌و بۆندانه‌ چه‌ند بۆندێکی تریش له‌سه‌ر ئاستی هێڵه‌کانی ناوه‌ند و به‌رگری ئیمزا ده‌کرێن.

بەردەوام بە لە خوێندنەوە

کوردستان