کەشناسی هەرێمی کوردستان ڕایگەیاند لە ناوچە شاخاوییەکان بەفر و لە زۆربەری ناوچەکانی دیکەش باران دەبارێت و هەورە تریشقەی لەگەڵدا دەبێت.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ چوارشەممە، ئەگەری نمە باران هەیە لەسەر ناوچە شاخاوییە سنوورییەکان لەگەڵ ئەگەری کەمێک بەفربارینی هەیە لەکاتەکانی شەودا.
ڕوونیشیکردەوە کە لە سنووری باشووری پارێزگای کەرکووک و ئیدارەی گەرمیان ئەگەری بەرزبوونەوەی تۆزوخۆڵێکی کەم هەیە لەدوای نیوەڕۆ.
سەبارەت بە سبەینێ پێنجشەممەش ڕایگەیاند، ئاسمان هەوری تەواو دەبێت، لە کاتەکانی بەیانی زوودا باران لەسەر زۆربەی ناوچەکان دەبارێت و هەندێک کات لە دهۆک دەبێتە لێزمە باران.
ئەوەشیخستەڕوو کە لە کاتی باران باریندا هەندێک کات هەورەتریشقەی لەگەڵ دەبێت و لە زۆربەی لوتکەی شاخە بەرزەکانیش بەفر بارینی دەبێت، لە ئێوارەشدا کاریگەریی باران بارین کەم دەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 16
سلێمانی : 14
دهۆک : 13
زاخۆ : 14
هەڵەبجە : 14
کەرکووک : 18
سۆران : 13
حاجی ئۆمەران : 5
گەرمیان : 20
