ئێمە لە تۆرە کۆمەڵایەتیەکان

جیهان

بەوێنە، هەوڵی دزینی پەشتەماڵە رەشەكەی كەعبە پوچەڵدەكرێتەوە

خەڵك- بەشی هەواڵ
گومرگی میسر، هەوڵی دزینی 4 پارچە لە پەشتەماڵی كەعبەی پیرۆز پوچەڵدەكاتەوە كە لەڕێگەی بەندەری دمیاتی دەریاییەوە بەرەو وڵاتی مەغریب دەبران.

لیژنەی پەیوەنديدار لە شوێنەوارە مێژووییەكانی چەرخی ئیسلامی لە میسر رایگەیاندووە”4 پارچە پەشتەماڵی كەعبەی پیرۆز لەنێو بارێكدا دۆزرانەوە كە هەوڵ دەدرا بەقاچاخ ببرێن بۆ مەغریب، بەڵام لە ئەنجامی پشكنینی بارەكە بە تیشك، چڕییەكی جیاواز لەنێو بارەكەدا دەركەوت”.

بە گوێرەی هەواڵ، پاش ئەوەی گومرگی میسری بارەكە دەكەنەوە، دەبینن ژمارەیەك موبێلیات و  تەختەی جیاواز و چەند كاڵایەكی تری مێژوویی و چوار پەشتەماڵی رەشی تێدایە كە بە كانزا ئایاتی قورئانيان لەسەر نوسراوە، لەگەڵ چەند پارچەیەكی تردا كە بە هەمان شێوە مێژووەكەیان بۆ جەرخەكانی پێشووی مێژووی ئیسلامی لە میسردا دەگەڕایەوە.

 

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان