سەرۆكایەتی زانكۆی سلێمانی ڕایدەگەیەنێت، كە لەلایەن تاوەری تەندروستی سمارت-ەوە خوانی بەربانگی تەواوی مانگی ڕەمەزان بۆ خوێندكارانی بەشەناوخۆییەكانی كەمپی ناوشار دابین دەكرێت.
د. پێشڕەو حەمەجان، یاریدەدەری سەرۆكی زانكۆی سلێمانی لە ڕاگەیەنراوێكدا ئاماژەی بەوەكردووە، سەرجەم خوێندکارانی بەشە ناوخۆییەکانی کچانی ( ئیسکانی ١ و ٢ و٣ و ٤ و ٥ ، علی کمال، قەزازەکان) و کوڕانی (مجید بەگی ١ و ٢) لە کەمپی ناوشار ئاگادار دەکەینەوە، کە بەدرێژایی تەواوی مانگی ڕەمەزانی پیرۆز خوانی بەربانگ بۆ (١٩٩٠) خوێندکار دابین دەکرێت.
ڕاشیگەیاندووە، خوانی بەربانگی تەواوی مانگی ڕەمەزان لەلایەن تاوەری تەندروستی سمارت-ەوە دابین دەكرێت.
جەختیشی كردۆتەوە، وەک سەرۆکایەتی زانكۆی سلێمانی لە ھەوڵەکان بەردەوام دەبین و سوپاسی تاوەری تەندروستی سمارت دەكەین.
