ئێمە لە تۆرە کۆمەڵایەتیەکان

ژینگە

بۆ ئەگەری باران و لافاو هێزەكانی بەرگری شارستانی خرانە ئامادەباشیەوە

دیمەنی لافاوەكەی بناری قەندیل

خەڵك – بەشی هەواڵ
وتەبێژی فەرمی بەڕێوەبەرایەتی بەرگری شارستانی سلێمانی ڕایدەگەیەنێت، بە شێوەی فەرمی تەواوی بنكەكان لە حاڵەتی ئامادەباشیدان بۆ ئەگەری هەر ڕوداوێكی سروشتی نەخوازراو لە سنوری سلێمانی و دەشڵێت: “خۆشبەختانە تا ئێستا هیچ ڕووداوێكی ئەوتۆ ڕووینەداوە”.

ڕێكان جەمال، وتەبێژی فەرمی بەڕێوەبەرایەتی بەرگری شارستانی سلێمانی بە (خەڵك)ی ڕاگەیاند، وەك پێشتر ئامادەكاری بۆ كرا و لە ڕێگەی میدیاكانەوە باس لە پلانی بەڕێوەبەرایەتیمان كرا، تەواوی تیمەكانمان لە حاڵەتی ئامادەباشیدان.

وتیشی، تەواوی تیمەكان و بنكەكانی بەرگی شارستانی سلێمانی لە ئەوپەڕی حاڵەتی ئامادەباشیدان بۆ بەهاناوەچوونی هەر ئەگەرێكی نەخوازراوی سروشتی، وەك لافاو و ئاو چوونە نێو ماڵان بە هۆی كەشوهەوای ئەم چەند ڕۆژەوە”.

ڕاشیگەیاند، خۆشبەخاتە لە سنوری سلێمانی هیچ حاڵەتێكی ئەوتۆ تۆمار نەكراوە، كە جێگەی ئاماژە بۆكردن بێت و هەموو ڕێكارەكانی گرتنەبەری ئامادەباشی لای ئێمە ئامادە كراوە.

ماوەی چەند ڕۆژێكە بارانێكی بەخوڕ هەرێمی كوردستانی گرتۆتەوە و لە چەند ناوچەیەك لافاو دروست بووە و لە ماوەی ڕابردووشدا لە ناوچەكانی بناری قەندیل زیانی زۆری لە ماڵ و باخی هاوڵاتیان دا و چەند پردێكیشی ڕووخاند.

ژینگە

شەپۆلێكی گەرما هەرێمی كوردستان و عیراق دەگرێتەوە

خەڵك- بەشی هەواڵ
بەپێی پێشبینییە كەشناسییەكان لە ڕۆژی هەینییەوە و بەتایبەتیش لە هەفتەی داهاتوودا شەپۆلێكی گەرما ناوچەكانی هەرێمی كوردستان و عیراق دەگرێتەوە.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك لە ڕوونكردنەوەیەكدا بەپێی نەخشەی مانگە دەستكردەكان ئاماژەی بەوەكردووە، لە ڕۆژی هەینی-یەوە و لە ڕۆژانی هەفتەی داهاتووشدا شەپۆلێكی گەرمای بەهێز ناوچەكانی باشوور و ناوەڕاست و ڕۆژئاوای وڵات و هەروەها هەرێمی كوردستان دەگرێتەوە.

ڕاشیگەیاندووە، شەپۆلی گەرماكە بەزۆری لەكاتەكانی ڕۆژدا دەبێت و لەكاتەكانی شەودا كەشوهەوا ئاسایی دەبێتەوە.

هاوكات، ماڵپەڕی ئەكواوێزەر، كە ماڵپەڕێكی ئەمریكی تایبەت بە كەشوهەوایە بڵاویكردۆتەوە، شەپۆلێكی گەرمای بەهێز لە ڕۆژی ٢٥ی ئەم مانگەوە هەرێمی كوردستان دەگرێتەوە و پلەكانی گەرما بۆ سەر و ٣٦ پلە بەرزدەبنەوە.

هەر بەپێی ڕاپۆرتی ماڵپەڕەكە، “ئەو شەپۆلی گەرمایە دەگاتە ٤٠ پلە لە هەرێمی كوردستان و تا ڕۆژی ٣٠ ئەم مانگە بەردەوام دەبێت دواتر جارێكی دیكە پلەكانی گەرما دادەبەزنەوە و كەشوهەوا ئاسایی دەبێتەوە”.

بەردەوام بە لە خوێندنەوە

ژینگە

بوومەلەرزە ناوچەیەكی هەرێمی كوردستانی هەژاند

خەڵك- بەشی هەواڵ
كەشناسی و بوومەلەرزەزانی هەرێم ئاشكرای دەكات، كە بوومەلەرزەیەك لە شارۆچكەی پێنجوێن ڕوویداوە و لە ناوچەكە هەستی پێكراوە.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاگەیەندراوێكدا ئاماژەی بەوەكردووە، ئەمڕۆ پێنج شەممە لە كاتژمێر 6:29 خولەكی بەیانی بەكاتی هەولێر بوومەلەرزەیەك بە گوڕی 3.6 پلە بە پێوەری ڕێختەر و لە قوڵایی 10 كیلۆمەتر لە پێنجوێن ڕوویدا.

ڕاشیگەیاندووە، كە لە ناوچەكە بوومەلەرزەكە هەستی پێكراوە.

بەردەوام بە لە خوێندنەوە

ئابوری

قەرەبووی زیانلێكەوتووانی دوكان و دەربەندیخان دەكرێتەوە

خەڵك-بەش هەواڵ

قائیمقامی دوكان ڕایدەگەیەنێت، بڕیارە حكومەتی عیراق قەرەبووی زیانلێكەوتوانی لافاوەكەی دوكان و دەربەندیخان بكاتەوە.

بەهۆی بارانێكی زۆرەوە، ئەمساڵ لافاوێكی زۆر لە هەرێمی كوردستان دروست بوو، بەهۆیەوە زیانێكی زۆر بەر بازرگان و شوێنە گەشتیارییەكان كەوت و بەپێی زانیارییەكانیش حكومەتی هەرێم هیچ بڕیارێكی نەداوە بۆ قەرەبووكردنەوەیان.
بەپێی زانیارییەكانی گەیشتوو بە (خەڵك) چەند لیژنەیەك بۆ دەستكەوتی ئاماری زیانەكان لە قەزای دوكان دیاریكراوە، بەڵام بەهۆی زۆری لافاوەوە چەند ڕۆژێكە دەستیان بەكارەكانیان كردووە.

لای خۆشییەوە سیروان سەرحەد قائیمقامی قەزای دوكان بە (خەڵك)ی ڕاگەیاند، هیچ بڕیارێك لەلایەن حكومەتی هەرێمەوە نەدراوە بۆ قەرەبووكردنەوەی زیانلێكەوتوانی لافاوەكە.

وتیشی”ژمارەیەك لە ئەندام پەڕلەمانەكانی هەرێمی كوردستان لە بەغدا پێیان ڕاگەیاندووین، پڕۆژەیەكیان جێگیر كردووە و بۆ قەرەبووكردنەوەی ئەو كەسانەی زیانیان بەركەوتووە لە قەزای دوكان و قەزای دەربەندیخان”.

بەردەوام بە لە خوێندنەوە

کوردستان