پارێزگاری سلێمانی ڕایدەگەیەنێت، سلێمانی گەورەترین پارێزگای هەرێمە و دەبێت لایەنە سیاسییەکان لەمەودوا بەتەنها نوێنەری حزبەکانیان نەبن، بەڵکو دەبێت نوێنەری راستەقینەی پارێزگاکە بن.
د. هەڤاڵ ئەبوبەکر، پارێزگاری سلێمانی لە کۆنگرەیەکی ڕۆژنامەنووسیدا ڕایگەیاند، بە پێی ئامار و سەرژمێرییەکان سلێمانی ٣٨ کورسی پەرلەمانی کوردستانی بەردەکەوێت و بەو پێیەش گەورەترین پارێزگای هەرێمە.
ڕاشیگەیاند، ” ئەم ٣٨ کورسییە نابێت تەنها لە پڕۆسەی هەڵبژاردندا ڕەنگ بداتەوە، بەڵکو دەبێت لە بودجە و خزمەتگوزارییەکاندا سلێمانی مافی خۆی وەربگرێت”.
ئاماژەی بەوەشکرد، دەبێت لایەنە سیاسییەکان لەوە تێبگەن کاتێک ئەبن بە ئەندامی پەرلەمانی کوردستان نوێنەری ٣٨ کورسی پارێزگای سلێمانین و و کاتێک دەشچنە بەغدا دەبێت بتوانن نوێنەرێکی ڕاستەقینە بن.
