پاشنیوەڕۆی ئەمڕۆ سەرۆکی حکومەتی هەرێمی کوردستان بەسەردانێکی فەرمی گەیشتە ئەمریکا
ئێوارەی ڕۆژی شەممە 2/24 مەسرور بارزانی سەرۆکی حکومەتی هەرێمی کوردستان، بە بانگهێشتێکی فەرمی گەشتی بەرەو واشنتنی پایتەختی ویلایەتە یەکگرتووەکانی ئەمریکا دەستپێکرد و کەمێک لەمەوبەر گەیشتە ئەمریکا.
سەرۆکی حکومەت بە سەرۆکایەتی شاندێکی حکومی، چەندین دیداری لەگەڵ بەرپرسانی باڵای ئەمریکا لە کۆشکی سپی و وەزارەتی دەرەوە و کۆنگرێس دەبێت .
پەرەپێدانی زیاتری پەیوەندییەکانی هەرێمی کوردستان و ئەمریکا و دوایین گۆڕانکاری و پەرەسەندنەکانی دۆخی گشتی عێراق و ناوچەکەیە ، تەوەری سەرەکی کۆبوونەوەکان دەبێت.
شاندی یاوەری سەرۆکی حکومەت لە وەزیری پێشمەرگە و بەرپرسی فەرمانگەی پەیوەندییەکانی دەرەوە و چەند بەرپرسێکی دیکەوە پێکهاتوون.
سەردانەکە لە کاتێکدایە لە کۆنگرەی لوتکەی حکومەتەکان لە دوبەی ، ئەنتۆنی بلینکن وەزیری دەرەوەی ئەمریکا بانگهێشتی مەسرور بارزانی سەرۆکی حکومەتی هەرێمی کرد بۆ ئەمریکا.
