شانەی ڕاگەیاندنی ئەمنی سەربە نووسینگەی سەرۆك وەزیرانی عێراق، دەستگیركردنی پێنج تیرۆریستی داواكراو لە پارێزگای سلێمانی ڕادەگەیەنێت.
بەپێی بەیاننامەیەك كە لەلایەن شانەی ڕاگەیاندنی ئەمنی بڵاوكرایەوە”هێزەكانی ئاژانسی هەواڵگریی و لێكۆڵینەوەی فیدراڵیی سەربە وەزارەتی ناوخۆ، بە هەماهەنگیی لەگەڵ فەرماندەیی ئۆپەراسیۆنە هاوبەشەكان و ھێزەكانی سەربە بەڕێوەبەرایەتی ئاسایشی سلێمانی، پێنج تیرۆریستیان لە پارێزگای سلێمانی دەستگیركرد”.
هەر لە بەیاننامەكەدا هاتووە”تیرۆریستە دەستگیركراوەكان بەپێی ماددەی چواری تیرۆر داواكراوبوون، دواتر ڕێوشوێنی یاسایی بەرامبەر تیرۆریستە دەستگیركراوەكان گیرایەبەر”.
