کەشناسی پێشبینی بارانبارین دەکات

کەشناسی ڕایگەیاند، ئاسمانی کوردستان نیمچە هەور دەبێت و پێشبینی دەکات سبەینێ لە ناوچە شاخاوییەکانی دهۆک باران ببارێت.

بەشی پێشبینی لە وەزارەتی گواستنەوە و گەیاندنی هەرێمی کوردستان بڵاویکردەوە، ئەمڕۆ دووشەممە، ئاسمان نیمچە هەور بۆ تەنکە هەوری تەواو دەبێت و خێرایی با لە نێوان 10-15 کیلۆمەتر دەبێت لە کاتژمێرێکدا.

سەبارەت بە سبەینێ سێشەممەش ڕایگەیاند، ئاسمان هەوری تەواو دەبێت و لە کاتەکانی شەودا دابارین لە ناوچە شاخاوییەکانی پارێزگای دهۆک دەست پێدەکات.

بەرزترین پلەکانی گەرمای پێشبینیکراو بە پلەی سیلیزی

هەولێر : 21

سلێمانی : 20

دهۆک : 21

کەرکووک : 22

هەڵەبجە : 21

زاخۆ :22

سۆران : 20

حاجی ئۆمەران : 11

گەرمیان : 24