ئەلینا ڕۆمانۆوسکی باڵیۆزی ئەمریکا لە عێراق، ئیدانەی ئەو هێرشەی کرد کە کێڵگەی غازی “کۆرمۆر”ی لە پارێزگای سلێمانی لە هەرێمی کوردستان کردە ئامانج.
ڕۆمانۆوسکی لە پۆستێکدا لە تۆڕی “X” ئاماژەی بەوەکرد، هێرشەکە بووەتە هۆی تێکدانی ژێرخانی وزەو و بووەتە هۆی پچڕانی کارەبا بۆ ملیۆنان کەس لە ناوەڕاستی زستاندا.
ڕۆمانۆوسکی جەختی لەوەش کردەوە، “ئەمریکا لەگەڵ هاوبەشەکانمان لە عێراق و هەرێمی کوردستان پاڵپشت دەبێت بۆ پشتیوانی لە سەروەری و ئاسایشی عێراق”.
