“ڕێکارەکانی دابەشکردنی مووچە دەستپێدەکەن”

پارێزگاری سلێمانی دوای کۆبوونەوەی لەگەڵ وەزیری دارایی ڕایگەیاند، لە سبەینێوە ڕێکارەکانی دابەشکردنی مووچە دەستپێدەکەن.

هەڤاڵ ئەبوبەکر پارێزگاری سلێمانی، لە دیوانی پارێزگا پێشوازیکرد لە ئاوات شێخ جەناب، وەزیری دارایی و ئابووری حکومەتی هەرێمی کوردستان و تیمی ئەنجومەنی وەزیرانی تایبەت بە پڕۆژەی (هەژماری من) و وەفدی هاوڕێی.

پارێزگای سلێمانی بڵاویکردەوە، لە کۆبوونەوەکەدا هەڤاڵ ئەبوبەکر لە بایەخی سیستمەکە و دەستپێکردنی پڕۆژەکە لە سلێمانی دوا، هەوڵەکانی وەزارەتی دارایی و حکومەتی هەرێمی کوردستانی بۆ دابینکردنی بودجە و مووچە و شایستە داراییەکانی هەرێمی کوردستان دووپاتکردەوە.

ئەوەشی خستەڕوو کە “بڕیارە لە سبەینێوە ڕێکارەکانی دابەشکردنی مووچە دەستپێبکەن”.